2 مرفق
قصه اخويا الكبير والمصريه للتأمين التكافلي ومعرض أباظه بالغردقه
الساده المحترمين اعضاء نايل موتورز
السيد المحترم كريم منير
بعد التحيه
القصه وبإختصار
اخويا الكبير اشتري كيا سيراتو سنه ٢٠١٢ تقسيط من معرض أباظه بالغردقه وبعد اجراءات الشراء المفروض يعمل تأمين وفي المعرض في مكتب موجود لشركه المصريه للتأمين التكافلي قابله مندوب اسمه كريم وقال انهم شركاء اباظه وبنك عوده وفعلا اصدر الوثيقه ولغايه هنا تمام
في يناير ٢٠١٣ اخويا اتقلب في طريق المطار في الغردقه نتيجه انفجار الاطار الامامي و راح المستشفي وعمل محضر وحصلت معاينه الشرطه وراح مندوب من التأمين صور الحادثه تاني يوم ولانها مركونه من بالليل اتسرق منها حاجات وكل حاجه ثابته بالمستندات
الي كان بيتابع مع اخويا من شركه التامين فضل يماطل شويه ومره يقول اول الشهر هيتصرف شيك ومره نص الشهر لغايه ما اخويا الكبير اتخنق وراح فرع الشركه
وهناك الموظف قاله للاسف انت نسيت تمضي غلي ورقه اقرار حادث وكان الرد من اخويا بالنص كده هات وانا امضيلك هو انت قلتي لي امضي وانا قلت لك لا
كان رد المندوب للاسف معدش ينفع خلاص لان الوثيقه كده منتهيه وانتهي الموضوع كده
انا طالب من حضراتكم الدعم علشان حقنا يرجع ده اولا
ثانيا انا عرضت المشكله لاننا استفدنا كتير جدا من المنتدي ولازم اوضح مصيبه حصلت لي زي دي
ثالثا لو ان شاء الله ربنا وفقنا وخدنا حقنا انا عامل ندر عليا لاعمال الخير
اسف اني طولت عليكم
ولكم خالص الشكر والتقدير