الموضوع: مشكله مع الجنوط ال 15

معايا نوبير 2006
كان راكب فيها الجنوط الاصليه مقاس 14/195/60
ركبت لها طقم جنوط اسبور 15 بكاوتش15/195/50
قلت بلاش اعرض علشان المشاكل
الجنوط طبعا شكلها جميل
والكاوتش رفيع
والجنوط بارزه لبره حاجه بسيطه جدا من غير فلنشات ولا اى مشكله
انبارح كنا اربعه فى العربيه منهم اتنين ورا من الوزن التقيل
كل ما اعدى على مطب اسمع صوت حكه
اخد ملف جامد نفس صوت الحكه
بعد ما روحت اكتشفت ان الكاوتش بيحك فى الرفرف
وطبعا معلمه فى الكاوتش من بره يعنى مشوارين كمان والكاوتش هيتقطع

سألت قالولى حلها يا اما تعلى العربيه
او تخلى سمكرى يقص شفه الرفرف من الداخل او على الاقل يتنيها
دلوقتى مش عارف اعمل ايه
اقص شفه الرفرف
ولا ارجع للجنوط الاصليه واقول بلاش جنوط اسبور
كنت محتاج الاعضاء اللى عندهم سابق خبره يقولوا لى قابلتهم المشكله دى قبل كده ولا لاء وعملوا فيها ايه