-
محتاج نصيحة بخصوص 516
تحياتي للجميع واسف لعدم مشاركتي فترة طويلة لظروف عملي.
محتاج منكم نصيحة وياريت تفيدوني بخبراتكم.
عربيتي الحمد لله بحالة جيدة جدا وانا بحبها جدا .. المشكلة اني خايف منها مع الوقت بسبب قطع غيار الموتور.. يعني انا دلوقتي عداد عربيتي كسر ال100 الف .. وبقيت بفكر مع الوقت لو حبيت اخلي العربية تفضل معايا .. والموتور مع الزمن اكيد هيجيله وقت يحتاج صيانة كبيرة في يوم من الايام.
ومواتير الاسبرانزا مش موجودة استيراد وانا مش مقتنع بحكاية تسقيط موتور غير موتورها .. طب ساعتها هلاقي قطع غياره وللا لا؟ سواء بلوكة او غيره.
وللا ابيعها واجيب واحدة غيرها عدادها اقل.
مع العلم انا مقتنع ان العداد مش مقياس لحالة الموتور .. بس ارجو النصيحة.
ولو حد عنده خبرة ياريت يقوللنا فين حاجتها استيراد وبالاخص مثلا المواتير والصاج والفبرات بتاعتها وهكذا.
انا حابب اخلي العربية واقنيها بس مش عايز ييجي يوم وتغلبني.
عندي مشكلة تاني حصلت ومالقيتش ليها حل .. وهي ان عربيتي وانا بمشي بيها ممكن لو دخلت في حتة مدغغة او كسرة في الارض .. يعني العربية لو اتهزت .. الاقي لمبة الepc نورت والعربية اتخنقت جامد ولازم ابطلها واجرب ادور تاني واعمل امبليه عشان الخنقة تروح واللمبة تطفي .. كشقت عليها قالولي البوابة عايزة تنضيف .. نضفتها ورجعت المشكلة تاني .. قالولي البوابة محتاجة تغير لكني مش مقتنع وحاسس ان فيها حاجة مهزوزة .. فأرجو النصيحة.
وشكرا لكم جميعا.
-
بالنسبة لتسقيط الموتور اكتر ناس يسألوا فى ذالك هما سواقين التكسى واعتقد ان معظمهم مسقط مواتير اللانسر ومفيش مشكلة منها
تسقيط موتور اسبرانزا اعتقد اصبح موجود لأن فى واحد قاللى ان مسقط موتور اسبرانزا من بورسعيد بس طبعا انا مش عارف اذا كان الكلام ده صحيح ولا لأ
الصاج مع زيادة الطلب عليه هيتوفر طالما فى ربحية من بيعه لدى تجار الاستيراد واعتقد برضه ان قطع الغيار الاستيراد متوفرة فى الحرفيين
كمان المفروض ان اى شركة محترمة بتتعهد بتوفير قطع الغيار لمدة 10 سنين على الاقل من اخر موديل الشركتة خرجته وال 516 اخر موديل لها فى الصين 2011 يعنى ان شاء الله قطع الغيار متوفرة
-
العربيه عامه قطع غيارها متوفر بكثره
وموجوده في الحرفيين
الموتور معمر جدا طالما محافظ عليه
وبتصينه مظبوط
-
بص ياباشا ماتورها كويس طالما هاتعاملة باحترام.!!
بس لو احتجت تغير مفيش مشكلة من ماتور اللانسر كل التاكسيات عاملة كده
-
من اهم مميزات العربية دي انها بينفع يتصقطلها مواتير ياباني ودي اهم مميزاتها من وجهة نظري وقوة الشاسية بتاعها فهيا عربية مش هاتموت وكمان عرفت انه ينفع يتسقطلها موتور الكورولا وبتبقى اوتوماتيك وبدون مشاكل والمرور لا يعترض
فا انا مش فاهم ازاي نعترض على اهم ميزة في العربية ونتمسك بموتوها التعبان دي اللي حتى مش نافع معاه العمره
يعني انا ابقى راكب لانسر بنص تمنها او كورولا ب ثلث تمنها وارفض !!!؟
دي ميزة مش مشكله نهائيا
Content Relevant URLs by
vBSEO 3.6.0 PL2