ازاى اسيطر على تعويم العربيه؟؟؟؟؟
عرض للطباعة
ازاى اسيطر على تعويم العربيه؟؟؟؟؟
متابع
اساس التعويم عدم احكام تثبيت العجل
و الاسباب الرئيسية :
قطع فى كاوتشة ميزان العجل...قطعة كاوتش ملتفة على ماسورة حديد ... الحديد المار بصدر العربية من الامام على شكل ماسورة بنسميه ميزان ...و الذى من وظائفه ربط العجل فى السيارة غير ثابت بصورة جيدة فى مكانه...و نتيجة لمدة تلاقى الميزان دا (الماسورة الحديد) مش حاكمة العجلة فى مكانها كويس
أو علبة الدركسيون التى توجه العجل يمينا و يسارا غير محكمة التوجيه ...فيها بوش...و دا بيظهر لما تلف الدركسيون سنة يمين او شمال ما تلقاش تاثير على اتجاه العجل سواء كانت العربية واقفة او متحركة و نتيجة لكدة بتلاقى العجل على السرعة العالية بيسرح لوحده على الرغم من انك مثبت ايدك على الدركسيون
العلاج تغيير كاوتشات الميزان او تغيير غلبة الدركسيون و احسن واحد فى الموضوع دا بتاع ضبط الزوايا او العفشجى
الطريقه ازاى ؟؟؟؟؟؟؟؟؟
هفترض ان عربيتك 100 100
كاوتش تمام- زوايا تمام- العربيه مش مشيسه- عفشه تمام
فرامل تمام
ممكن العربيه تعوم فى حاله سرعه ومطر - سرعه وغرزه ديقه- سرعه وريح جامد
سرعه ومحمل جامد مع غرزه
الحل: هدئ السرعه ومتفرملش-
لكن لو العربيه مش 100100 - الصيانه هى الحل
عليك وعلى العفشجى علشان يظبط العفشة
السيطرة في الحالات الطارئة دي محتاج حاجتين يمكن يبانوا عكس بعض...
محتاج حكمة وسرعة تصرف.
أول حاجة ... لازم سرعة العربية "تهدى".. وما ينفعش أي تدخل من الفرامل في الحالة دي...
شيل رجلك من على أي دواسة.. بحيث إن الموتور هو اللي يكلبش العربية وتهدي من سرعتك..
تاني حاجة... لو حسيت إن العربية رايحة في اتجاه غلط... دور الدركسيون بسرعة جدا في عكس الاتجاه علشان تحاول تسيطر على العربية.. وخليك دايما على استعداد إنك تعكس اتجاه الدركسيون مرة واتنين وتلاتة..
وما تسيبش الدركسيون إلا لما العربية تستقر.
تالت حاجة.. لو لقيت إن العربية سرعتها عالية قوي ولازم يبقى فيه تدخل من الفرامل.. ممكن تعمل الكلام ده بس لازم ما يكونش ضغطك على الفرامل بطريقة مستمرة... وحاول دايما يكون استخدام الفرامل وانت ماسك الدركسيون عدل.. مش وانت بتلف.
طبعا .. لو العربية فيها abs... النصيحة دي هتبقى مالهاش قيمة كبيرة... بس ممكن تساعدك علشان العربية ما تقلبش لا سمح الله.
استخدام فرامل اليد ممكن ينفع أحيانا.
...