مصر مع البرازيل وإيطاليا وأمريكا في كأس القارات

**kimo-nubira** · 23-11-2008 03:05 PM

أوقعت قرعة كأس القارات التي أجريت السبت في مدينة جوهانسبرج بجنوب

إفريقيا منتخب مصر بجانب كل من البرازيل وإيطاليا وأمريكا في منافسات المجموعة الثانية.

وضمت المجموعة الأولى كل من جنوب أفريقيا "البلد المضيف" وأسبانيا والعراق ونيوزلندا.

وستلاقي مصر في مباراتها الأولى المنتخب البرازيلي في الخامس عشر من يونيو 2009،

ثم تخوض مباراة لا تقل قوة مع أبطال العالم المنتخب الإيطالي يوم 18،

وأخيرا مع المنتخب الأمريكي يوم 21 من نفس الشهر.

وتقام البطولة في جنوب إفريقيا في الفترة بين الرابع عشر والثامن والعشرين من شهر يونيو عام 2009.

تفتكرو لسه في امل ولا هانخرج من اول ماتش مع البرازيل :k41:

مش عارف ليه جايلي احساس بالتفاؤل ومحدش يسالني بناءا على ايه لاني مش عارف

:k33::k33:

المجموعة الأولى: جنوب إفريقيا - أسبانيا - العراق - نيوزلندا

المجموعة الثانية: مصر - البرازيل - إيطاليا - الولايات المتحدة الأمريكية

منقووووول

**TaoTao** · 23-11-2008 03:28 PM

هو احنا مالناش نصيب في كاس القارت .. إذا كنا شيلنا 5 من السعودية في آخر كاس قارات لعبناها .. أمال هانعمل ايه مع البرازيل وإيطاليا وأمريكا !!
الصراحة المجموعة دي جامدة جداً ومالهاش حل .. المجموعة التانية فسحة لطيفة لأسبانيا وجنوب أفريقيا التاني .. أرزاق

**KoDaK_Gti** · 23-11-2008 04:14 PM

عادى يبنى ولا بيهمنا ههههههههههههههه هنشيل 8 صفر
المهم يبقة ليك الشرف انك تلاعب البرازيل وخلى حسن شحاته يزقطط
بتهيألى كده لو كسبنا البرازيل (بعد الشر يعنى) هيعملو تمثال لحسن شحاته

**mokhtar** · 23-11-2008 04:29 PM

يا جماعه والله الخوف من ايطاليا اكتر وانا قولت كده امبارح مارشيللو ليبى مش سهل ولو حتى بيلعب بشويه عيال بس احنا فعلا لازم يبقى لنا احتكاكات دوليه عشان نطور مستوانا ونقدر نقدم مستوى كويس لو ربنا وفقنا وصعدنا كاس العالم

..mokhtar..

**kimo-nubira** · 23-11-2008 04:30 PM

المشاركة الأصلية كتبت بواسطة kodak_gti

بتهيألى كده لو كسبنا البرازيل (بعد الشر يعنى) هيعملو تمثال لحسن شحاته

ويعملو تمثال ليه ده لو حصل وكسب البرازيل ممكن يحطوه هو بنفسه

مكان تمثال رمسيس وممكن كمان يركبوه حصان ويشاور بايده للشعب :k48:

**kimo-nubira** · 23-11-2008 04:33 PM

المشاركة الأصلية كتبت بواسطة mokhtar

يا جماعه والله الخوف من ايطاليا اكتر وانا قولت كده امبارح مارشيللو ليبى مش سهل ولو حتى بيلعب بشويه عيال بس احنا فعلا لازم يبقى لنا احتكاكات دوليه عشان نطور مستوانا ونقدر نقدم مستوى كويس لو ربنا وفقنا وصعدنا كاس العالم
..mokhtar..

ياباشا الخوف الاكبر من البرازيل لانهم فريق هجومي اكتر منه دفاعى

لاكن ايطليا يعتبر العكس تماما دفعى اكتر منه هجومي بس ماتضمنش قدام مصر طبعا هايبقي مش معتمد على الدفاع

وفعلا الاحتكاك القوي ده بيرفع من مستوي اللعيبه وربنا يستر والله انا متفائل مش عار ف ليه :k52: