مقارنة الحاضر : فلوينس - شارك - سنترا - ريو - النترا - سيراتو

**Amr Axel** · 07-12-2015 12:12 PM

مقارنة الوقت الحاضر
السيارات التي تعتبر الاكثر انتشارا في السوق المصري

تقريبا مبقاش فيه سؤال عن مقارنة بنسبة كبيرة غير بين دول
لأنها تقريبا في الفئة السعرية الاكثر طلبا و هي الفئة اللي ما بين الـ 100 - 200 الف

حبيت اني اعمل المقارنة ديه عشان اعرف اراءكم بغض النظر عن رأيي اللي هوضحه
و كما هو موضح المقارنة هتكون بين

رينو فلوينس - متسوبيشي لانسر شارك - نيسان سنترا - كيا ريو - هيونداي النترا - كيا سيراتو

محدش يستغرب اني اضفت السيراتو و الريو لكن انا شايف الريو تستحق تدخل لكن بأعلي فئة فيها و عشان الفئة السعرية و السيراتو بالرغم ان محدش بقي يسأل عنها زي الأول لكن عشان متتظلمش و خاصة انها كانت منافس للالنترا و مازالت
فيه عربيات تانية طبعا اصبحت في نفس الفئة السعرية لكن لم تنتشر و شبه اختفت او وقعت لاسباب مختلفة

المقارنة هتكون بالترتيب من الافضل ( و يفضل توضيح وجهة نظرك ) من حيث الآتي :

- الشكل الخارجي :
- الشكل الداخلي :
- الموتور :
- الفتيس :
- العفشة :
- الأداء بشكل عام :
وسائل الامان :
- الكماليات و الاكسسوارات :
- التوكيل :
- توافر قطع الغيار بالتوكيل :
- توافر قطع الغيار خارج التوكيل :
- اسعار الصيانات :
- سعر اعادة البيع :
- أخـري :

و انا ضيفت اخر بند ده بالرغم اني غير معترف به لكن نظرا لأن سوقنا هنا اول حاجة بيسأل عليها سعر اعادة البيع كأنه جايب العربية عشان يبيعها او نظرا لأن ناس كتيير بيجيبوا العربية تكون رأس مال احتياطي للظروف الطارئة

منتظر تقييمكم و اراءكم بخصوص الموديلات السالف ذكره و اتمني الالتزام بعناصر المقارنة بقدر الاماكن و اضافة اي ملاحظات اخري

**Amr Axel** · 07-12-2015 12:43 PM

المشاركة الأصلية كتبت بواسطة tameem2010

الشكل الخارجي : فلوانس
- الشكل الداخلي : سيراتو
- الموتور : الاعتماديه لانسر والاداء سيراتو والنترا
- الفتيس : افضلهم فتيس فلوانس بس مش تسارع قوي لانه cvt انما في الاجمالي هو الافضل للموتور
- العفشة : فلوانس
- الأداء بشكل عام : فلوانس
وسائل الامان : فلوانس
- الكماليات و الاكسسوارات : فلوانس
- التوكيل : كلهم نيلة
- توافر قطع الغيار بالتوكيل : النترا
- توافر قطع الغيار خارج التوكيل : النترا
- اسعار الصيانات : النترا الارخص
- سعر اعادة البيع : النترا وسيراتو وشارك

من حيث السوق
سوقنا هواه ياباني والميتسوبيشي حارقة مكانها في السوق

من حيث توافر قطع الغيار الاستيراد كله متوفرر عدا الفلوانس والسنترا

تسلم ايديك يا باشا كده الكفة حسب تقييم تميل للشارك و الفلوينس اكتر من الباقيين
بس يا ريت لو تقدر تخلي تقييمك بالترتيب يعني من الافضل للأسوء في كل عنصر و لو عندك اي ملاحظات تانية

**simon659** · 11-12-2015 12:40 AM

الشارك ممتاااااااااااااااااااااا اااااااااااازه .ماتور وعفشه وراحه وقله اعطال توافر قطع الغيار ووجود مراكز صيانه كتير محترمه بتشتغل فيها غير التوكي كتير تكييف ممتاز لا يؤثر علي اداء الماتور .وثبات خرافي ..عيبها الوحيد في نظري شنطتها ضيقه وليها حل.....

**salah012** · 21-12-2015 12:32 PM

المشاركة الأصلية كتبت بواسطة simon659

الشارك ممتاااااااااااااااااااااا اااااااااااازه .ماتور وعفشه وراحه وقله اعطال توافر قطع الغيار ووجود مراكز صيانه كتير محترمه بتشتغل فيها غير التوكي كتير تكييف ممتاز لا يؤثر علي اداء الماتور .وثبات خرافي ..عيبها الوحيد في نظري شنطتها ضيقه وليها حل.....

السلام عليكم
ممكن اعرف من حضرتك حل الشنطة الضيقة للشارك ؟
وايه رأيك فى العربيه كـ كل لأنى بفكر فيها وعاجبانى بصراحه
وايه مميزاتها وعيوبها باعتبار حضرتك من ملاك العربية
جزاك الله خيرا

**samyyousef** · 04-01-2016 12:42 PM

مقارنة جديرة بالمتابعة
تحياتي

**هانى القناوى** · 06-01-2016 06:47 PM

طيب فين الكورولا والاسترا دول فى نفس القائمه ال 200 الف ج م

**mimohsen** · 06-01-2016 07:28 PM

بما اني معايا والحمدلله الشارك والفلوانس... الفلوانس تتفوق في كل بنود المقارنه ماعدا ان الاتنين قريبين في التسارع وبالنسبه لاعادة البيع مش متابع النقطه دي... لكن من وجهة نظري من الظلم وضع الاتنين في مقارنه واحده لان الفلوانس اعلى وارقى من الشارك

**ayman_amer23** · 06-01-2016 10:28 PM

فلوانس

مشاهدة نتائج الإستطلاع: ايهم تفضل ؟ و لماذا ؟

الموضوع: مقارنة الحاضر : فلوينس - شارك - سنترا - ريو - النترا - سيراتو

LinkBack

أدوات الموضوع

عرض

مقارنة الحاضر : فلوينس - شارك - سنترا - ريو - النترا - سيراتو - انشر الموضوع فى :

-

المواضيع المتشابهه

مقارنة بين كيا سيراتو -هيونداي النترا-لانسر شارك-نيسان سنترا-شيفرولية كروز

كورولا ولا سنترا ولا فلوينس

سيراتو و لا فلوينس و لا كروز و لا شارك

مقارنة بين النترا، سيراتو 2014، شارك، كروز وتيريوس

بعد طول انتظار مقارنة بين الرينو فلوينس و الهيونداي النترا الجديدة

الكلمات الدلالية لهذا الموضوع

المفضلات

المفضلات

ضوابط المشاركة