العربية مش بتدور من اول مرة ودلوقتي مش بتدور الا بالزق

السلام عليكم

لو سمحتم لسه شاري فليشيا ٩٧ من فترة قريبة

من ساعة مشترتها وهي بتدور من تاني مرة
لكن دلوقتي في البرد اللي احنا فيه لقيتها مبتدورش نهائي
يعني لما بفتح الكونتاكت مبيظهرش صوت نهائ ولمبة البطارية بتكون منورة ولمبة تانية كمان عليها علامة تعجب (!) بتكون منورة هي بتاعة ايه دي ؟

جبت الكهربائي قالي البطارية نايمة من الركنة انا فعلا استخدامي للعربية قليل جدا
وشغلهالي بوصلة وبطارية من عنده

الحل ايه بقا في الحكاية دي هل اغير البطارية ؟
وهل البطارية الجديدة هتعمل نفس المشكلة مع الركنة ؟
وهل العربية هتدور من اول مرة ؟

سؤال تاني معلش يفي في دخان خفيف اسود لما العربية تكون واقفة

اولا لازم تغير البطارية
ثانيا لازم علي الاقل تدورها كل يومين في الشتا والا هاتنام وتبوظ زي الاولي
لازم تقيس الشحن وتتاكد من الدينامو كويس
الدخنة السودا معناها ان العربية مش مظبوطة حرق مه هوا وكهربا

متشكر جدا لرد حضرتك

بالنسبة للبطارية اجيب انهي بطارية ؟ الموجودة حاليا جافة

وبالنسبة لمشكلة الدخان دي اروح لميكانيكي ولا كهربائي

اقتباس:

---

المشاركة الأصلية كتبت بواسطة abadahenno

متشكر جدا لرد حضرتك

بالنسبة للبطارية اجيب انهي بطارية ؟ الموجودة حاليا جافة

وبالنسبة لمشكلة الدخان دي اروح لميكانيكي ولا كهربائي

---

بالنسبة للبطارية تجيب فارتا او كلورايد او AC Delco
اللي يريحك فيهم المهم تكون انتاج حديث

والدخان الابيض طبعا تروح لميكانيكي

ممكن يكون من الركنة تكون فيه مشكلة تسريب كهربا فالبطارية بتنام عاوز تتاكد احرق مشوار جامد بالعربية وارجع البيت فك اوقطاش البطارية وتعالى الصبح ركب القوطاش ودور لو دارت يبقى استنتاجى صحيح نفس المشكلة يبقى راجع على شحن الدينمو لو تمام يبقى خلاص بدل البطارية****