ارجوكوا تساعدوني ضروري جدا التجنيد

**hoba2220** · 08-12-2015 09:12 AM

السلام عليكم
انا حصل معايا كام حاجة في التجنيد و كنت عايز أسألكم عنها
اولا انا طولي 178 و وزني 125 كيلو
عندي وحمة بني محروق مشعرة في دراعي اليمين 15 سم في 15 كبيرة جدا من تحت الكتف لحد الكوع
روحت الهيكستب اول حاجة خلوا وزني 112 و طولي 180
تاني حاجة اتحولت لجنة عليا في الحلمية بسبب الوحمة
روحت هناك ووقفت في دوري و شفت وحمات زي بتاعتي و اصغر كمان في الحجم و خرجوا قدامي و انا دخلت بصلي ربع بصه كده و اداني لائق و شفت ناس كتير اخدوا اعفاء طبعا كله نصيب و ربنا يباركلهم بس عايز اعرف انا اعمل ايه
و عايز اتظلم عالوزن لأني مركزتش عليه بسبب ان كان عندي امل كبير في الوحمة هل ينفع ؟
انا كنت ظابط و في الارجا نزلت جندي
ياريت بالله عليكما تفهموني و تساعدوني اكون شاكر ليكوا

**Karim Alaa** · 08-12-2015 05:31 PM

ينفع تتظلم عادى و هما نفسهم هيسالوك ميت مره حد عايز يتظلم بس لازم تختار سبب واحد يا اما وزن و طول يا اما الوحمه و انا شايف الوحمه مش سبب مرضى خصوصوا انها مداريه تحت اللبس الى هتلبسه اصلا بس لو انت عايز اختار سبب و روح الهايكستب و اسال على التظلم نزولك جندى ده لاسباب كتير منها انهم اكتفو ظباط فى الدفعه دى بس ناس كتير بتبقى عايزه كده عشان تقعد سنه واحده و تشوف حياتها و ربنا يوفقك

**hoba2220** · 09-12-2015 02:19 AM

شكرا يا باشا عالرد
بس انا روحت انهاردة و قالولي ان المناظرة الطبية كانت يوم 6 و خلصت خلاص و عشان انا روحت لجنة عليا فمليش تظلم تاني غير بعد سماع السلاح فهل ده صح ولا بيقولوا اي كلام عشان امشي