هل ياتي مع السيارة كتالوج ؟

**إنسانة** · 09-12-2015 11:37 AM

عندي سؤال

انا مقبلة على شراء سيارة وكانت علاقتي بعالم السيارات تصفح لصور ومشاهدة افلام سباق

لم اقترب اكثر لذلك معلوماتي محدوده فارجو ان لا يسخر من سؤالي احد ان كان غريب

هل عند شراء السيارة ياتي معها كتالوج مخصص لهذه السيارة يشرح المفاتيح والازرة كالاجهزة

هل يوجد دليل لاسماء القطع الداخلية بالانجليزية حتى ان تعطل شيء افهم ماهي هذه القطعة وما فائدتها .. الخ الخ

هل يوجد دليل يوضح لي اسماء القطع التي استخدمها بالانجليزية ان لم يتوفر كتالوج

ان لم يتوفر اين اجد هذه المعلومات

كمان سؤال بخصوص الامور الواجب اتباعها عند القيادة بخصوص تعبئة الماء او الزيوت المدة وكيف << من هذه الامور

**amr011111** · 09-12-2015 11:52 AM

اه بيجى مع السياره كتالوج يشرح اماكن الزرائر وما تقوم بعمله
وبرضه بيبقى فيها الصيانات اللى ممكن تعمليها بنفسك واسماء كل القطع بالسياره
بالنسبه للزيوت والمياه والكلام ده طول ما العربيه فى فترة الضمان فهو هيتابع الامور ديه
وبرضه هتلاقى الكتالوج ازاى تشيكى عليهم

**akmm** · 09-12-2015 11:52 AM

تحياتى ............. نعم ياتى مع السياره الزيرو كتالوج لها متضمن كافه الاشياء تقريبا .... وفيه كتالوجات بتكون باللغه العربيه للسيارات المورده للشرق الاوسط ومنها مصر ....اما السيارات المستعمله قد يكون المالك الاول لها محتفظ بالكاتالوج الخاص بالسياره او لا .... باقى الاجابات ممكن بعد شراء السياره من الماركه تدخل على النوعيه بالمنتدى وتقرأ كل مايخصها من معلومات وتقارير ومشاكل او اعطال قام الاخوه في المنتدى بحلها او كيفيه التصليح لها ....

**7oda** · 09-12-2015 12:00 PM

من خبرتى و يمكن تكون معلوماتى قديمة شوية
فى user manual او operation manual

و فى service manual
لما بتشترى عربية جديدة بيكون معاها الاولانى
التانى بيبقى لاصحاب مراكز الصيانة بس ممكن برضو تشتريه
متفكريش تمدى ايدك فى العربية لو جديدة اول حاجة انها فى الضمان فالمفروض ان اي اعطال بتتصلح على حساب الشركة كمان العربيات اصبحت معقدة و ضيقة فمش من السهل الوصول لاماكن العطل حتى لو هتغيرى لمبة كشاف
بالنسبة للزيت و سائل التبيرد ديه حاجات بيكشف عليها فى المركز فى الكشف السنوى للعربية

**إنسانة** · 14-12-2015 07:48 PM

شكرا لكم على الافادة

كان عندي سؤال عن الضامن انا بختاره ولا لما بشتري العربية فيه ضامن تابع لها

وهل الضامن بيغيرلي الكفرات بعد مسافة معين ؟

لو الضامن مش بيغيرها مطلوب مني اغيرها عنده ولا انا اختار اي ورشة تغيرها وكل اد ايه المفروض اغيرها

**7oda** · 14-12-2015 09:00 PM

بالنسبة للكوتش خلى بالك فى بعض دول اوروبا فى كاوتش للشتاء و كوتش للصيف و فى كاوتش لكل المواسم
كوتش الشتاء بيدى تماسك اكتر فى الجليد و الطينة و لكن فى درجة الحرارة العالية بيتاكل بسرعة
لهذا السبب الناس الى بتمشى بالعربية كتير عندهم طاقمين للكوتش و احد للصيف وواحد للشتاء
لازم تعرفى نظام البلد ايه و العرابية بتاعتك راكبلها نوع كاوتش اية

**إنسانة** · 15-12-2015 02:43 PM

المشاركة الأصلية كتبت بواسطة 7oda

بالنسبة للكوتش خلى بالك فى بعض دول اوروبا فى كاوتش للشتاء و كوتش للصيف و فى كاوتش لكل المواسم
كوتش الشتاء بيدى تماسك اكتر فى الجليد و الطينة و لكن فى درجة الحرارة العالية بيتاكل بسرعة
لهذا السبب الناس الى بتمشى بالعربية كتير عندهم طاقمين للكوتش و احد للصيف وواحد للشتاء
لازم تعرفى نظام البلد ايه و العرابية بتاعتك راكبلها نوع كاوتش اية

انا مش عارفة اشكرك ازاي

الف شكر على المعلومة المهمة دي لاني اول مرة اعرفها

هسال اكتر عن موضوع المواسم دا

هو في ايرلندا معظم السنة برد وحتى الصيف بيقولوا بارد

بس ايه درجات البرودة اللي يتغير عندها هو دا اللي هستفسر عنه

الف شكر

**Al-Farooq** · 31-12-2015 07:40 AM

بتبقي Winter tyres من اسمها بتكون مع نهاية الخريف لحد الربيع.
واسعارها ضعف او ثلاث اضعاف الاسعار العادية ، تقريبا فى حدود الف دولار.

**إنسانة** · 02-01-2016 12:17 AM

المشاركة الأصلية كتبت بواسطة al-farooq

بتبقي winter tyres من اسمها بتكون مع نهاية الخريف لحد الربيع.
واسعارها ضعف او ثلاث اضعاف الاسعار العادية ، تقريبا فى حدود الف دولار.

انا سالت لقيت ان فيه انواع بتنفع للفصول كلها مش بتحتاج تتغير بس بمقاسات مش لكل السيارات

بس هتأكد اكتر لاني هشيل الكفرات دي فين وقت عدم استخدامها

**Al-Farooq** · 03-01-2016 08:41 AM

المشاركة الأصلية كتبت بواسطة إنسانة

انا سالت لقيت ان فيه انواع بتنفع للفصول كلها مش بتحتاج تتغير بس بمقاسات مش لكل السيارات

بس هتأكد اكتر لاني هشيل الكفرات دي فين وقت عدم استخدامها

لا الكلام دة غلط، All season tyers مش معنها انها مناسبة للشتاء. علشان كدة في ال Winter tyers مخصوصة للشتا. عموما مش كل الناس بشتري الخاصة بالشتاء لأنها غالية. العادي خطر وقت الثلج الفرامل هتاخد وقت أكثر و زحلقة أكثر Sliding، Skidding يعني ممكن حوادث خلاف ال Spinning (العجل ممكن يدور على الفاضي بدون ما السيارة تتحرك بسبب الثلج أكن مفيش احتكاك بالأرض).

و بتتغير في الربيع تتشال في جراج البيت أو في اماكن بتأجر مكان بالسنة مخصوص للكاوتشات غالبا بتكون في الورش و أماكن الصيانة.

وطبعا اكيد كل عربية مقاسات الكاوتش خلاف التانية و تكون المقاسات موجودة بكتالوج العربية.