ما هو رأي مالكي الاوبترا في الثبات و التكييف و العزل؟

**hazembarakat** · 23-11-2008 04:20 PM

عليز أخود راي كل ملاك و صاحبي و اللي مجربين سواقة الاوبترا في ثباتها على الطريق و هل التكييف بتاعها حلو والا لأ؟و هل بيأثر على صحب العربية و الا لأ ؟
و اخيرا هل صوت الموتور عالي والا إه ؟
و شكرا :smile:

**lord23** · 23-11-2008 04:25 PM

يارت تراجع المواضيع اللي بتتكلم عن الأوبترا وهتعرف كل حاجة عنها
عموما العربية موتورها قوي جدا وسحبها فوق الممتاز وسهلة المناورة جدا
واكيد طبعا صوت موتورها هادي
الثبات بتاعها معقول علي الطريق
والتكيف تلاجة بس اكيد بيأثر علي السحب بتاعها زي اي عربية لان التكييف بيسحب حوالي 20% من قدرة الموتور

**khattab_89** · 23-11-2008 11:47 PM

السلام عليكم
بالنسبة للثبات أنا جربتها على 170 و كانت ماشاء الله ثابتة جدا
و التكييف بجد تلاجة و بيأثر بس مش أوي
وعزلها جيد جدا
و أنا بعد أربع شهور مش ندمان إني جبتها

**Hosam_Optrawy** · 24-11-2008 04:23 AM

الثبات جيد جدا
والتكييف ممتاز
والعزل جيد جدا

**hazembarakat** · 24-11-2008 03:29 PM

شكرا للردود ربنا يباركلكم

**Mohamed_Ibiza** · 24-11-2008 04:25 PM

كل اللي بتقول عليه ده

من افضل مميزات الاوبترا بجد

**zanativich** · 25-11-2008 10:49 AM

ana keter mosh bakon 3awez anzel men 3arabiti
we sa3at tania bao3od ganbaha atfarag 3alaha
we tareban ba7lam beha kol yom

**ahmed643** · 08-12-2008 12:41 PM

عربيه تقيلهعالطريق وثابته جدا لحد 140 بعد كده عاوزه تركيز او سيطره اكبر

عزل جميل جدا بحيث لو انت قافل الشبابيك وماشى على 140 مش هتحس انك بتجرى

اما التكيف فعلا قوى على رقم واحد بيخليها فريزر

**lawyer2006** · 09-12-2008 03:11 AM

عربية ممتازه اقل ما يمكن ان يقال عنها هي مش معايا مع اخويا سوقتها سفريه حوالي 700 كيلو من محافظة اسيوط لاسكندرية شوط واحد وريحت في نص الطريق نص ساعة الثبات ممتاز تكيف ممتاز لايؤثر علي السحب العربية محمله شنط وفيها ثلاث اشخاص وجايب بيها 130 ولسه فيها كتير بسا انا بكره السرعه جدا هي بس بتاكل بنزين كتير شويه يعني اخدت حوالي 50 لتر ويمكن اكتر العزل ممتاز الباور بتاعها رائع بيتقل علي السرعات العاليه عربيه محترمه انا اشتريت حاليا اوكتافيا a4 موديل 2009 وبصراحه الاوبترا عربيه ممكن تقول عليها مشابها في امكانياتها ليها العيب الرهيب في الاوبترا ومخلنيش اشتريها ضعف الصاج ده مش ممكن تقولو عليه صاج عربيه ده صاج كانز حاجه ساقعه لو عجله ركنت عليه ممكن تفعصه مره نزلنا لقينا سقف العربيه نازل لتحت تخيلو الظاهر حد حط حاجه عليه طبعا صعقنا من المنظر فتحت العربيه ودخلت جواها ضربت السقفيه بيدي من جوه رجع تاني لمكانه غير العيب ده مشوفتش في العربيه عيوب العربيه معاه عامله حوالي 30 الف والحمد الله راضي عنها