أي توكيل حضرتك؟ أنا سائل عليها السبع (موزع معتمد) الاسبوع الماضي وأوتو ايجيب (موزع معتمد آخر) النهارده قالوا 235 الف فئة ثانية و 255 ألف فئة ثالثة.
في 2013 وقت ما اشتريت بيجو ٣٠٠٨ كان في تقرير من ديلي ميل ان بيجو ٣٠٠٨ اسؤ سياره مستعمله و دة كان نازل في جنرال الوفد ودة اللينة بتاعوا http://alwafd.org/سـيـارات/409425-بي...مستعملة انا مش عايز اخرج عن الموضوع كتير بس يا ريت الي يدي رأيه في العربيه يكون بيكلم عن الموديل ٢٠١٦ لانه مختلف في كل حاجة عن الموديل القديم
احنا مش عايزين نختلف في سعر العربيه اي حد من حقه يدور علي اقل سعر و يشتري بيه بس انا دلؤتي تقريبا عامل حوالي ٣٠٠٠ ك بالعربية و حبيت اطمن الي حابب يشتري العربيه و قلقان منها والله يا جماعه العربيه محترمة بجد انا للو العربيه وحشه وفيها مشكله انا كنت هوضح للناس كلها
لكن بفضل الله العربيه كويسه سحبها ممتاز يعني لو عايز تجيب ١٨٠ هتجيب و العربيه مرتاحة
لكن انا بأكد باردوا ان الي غاوي شد وجري مع العربيات يبقا العربيه ديه مش هتنفعه ولو في اي استفسار بخصوص اي حاجة تخص العربيه انا تحت أمركم
يا جماعة انا ماشي 20000 ك باختصار العربية تحفة ولازم نعرف أن موضوع 1600cc هينقرض عشان تطور صناعة الموتور و الاتجاه لتقليل التلوث
ربنا يبارك لكل واحد اشتر العربية ،، العربية فعلاً محترمة ويعتمد عليها ، المشكلة فعلاًاللي ادي انطباع وحش عن العربية دي هو التوكيل السيئة ، اللي بيخلي كل يوم العربية بسعر ،، وبيضيف كماليات في مصر علشان يقلل سعر العربية ويزود مكسبة ،، فعلاً توكيل نسان دة سيئ جداااا ،، وهو اكبر سبب في عدم انتشار القشقاي والانطباع السيئ اللي اتاخد عنها
سعر الزجاج الأمامي بتركيبه داخل في حوالي ٨٠٠٠ج الفيبرة الي في الرفرف الخلفي الي فوق العجلة ب ١٧٣٠ غير الضريبه و التركيب مش عارف أقول ايه الصراحة انا حد كسر الفيبرة ديه قولت ٣٠٠ ٤٠٠ ج مش مشكله بتركيبها هتغدي ال ٢٠٠٠ج
اللي هيجيب قشقاي بيبقي من عوامل الاساسية ف اختيار العربية التوفير ف البنزين وهي ف النقطة ديه تتفوق علي كل العربيات غير انها عربية كروس اوفر حلوة اوي ف مصر .. مطبات وغيره اللي مبيفرقش معاه استهلاك البنزين عمره ما يجيب غير عربية ١٦٠٠ ايا كان نوعها بقي المهم انها ١٦٠٠ ده العقل الجمعي في مصر وتفكير جزء كبير من الناس اللي بتشتري وعربية زي السيات ليون كانت بتنزل ١٢٠٠ وبقت تنزل ١٦٠٠ حاليا اعتقد بسبب كده..المكن ال١٢٠٠ قوي دلوقتي عن زمان بس الناس فاكرة انه بيبوظ بسرعة عن المكن الاكبر
أنا اشتريت الحمدلله القاشقاي 2016 من كام شهر و ماشي بيها 5000 كيلو
العربية ما شاء الله تحفة
مفيش عيوب تذكر اللهم الا صوت التربو مع بنزين 92
اللي بيدور علي فخامة و خامات نضيفة و عربية عائلية عالية للسفر و راحة نفسيى و أنت راكب مع السقف البانوراما :coool: القاشقاي بجد حلوة جدا
و ان شاء الله أول بأول هقولكوا تقرير الصيانات الدورية :10D5C8w1107::10D5C8w1107:
انا ماشي
20 الف ك
والعربية تحفة
الف مبروك و ربنا يكفيك شرها
الف مبروك وربنا يكفيك شرها ويعطيك كل خير فيها وتستمتع بيها انت واسرتك
كان عندي كام سؤال اسمحلي اتقل عليك واسألك
1- الفئه الكام موديل حضرتك
2- اسعارها حاليا بتبدأ من كام الي كام , وهي كام فئة
3- سعرها كام فئة حضرتك
4- جربت بنزين 95 عليها؟ ايه انطباعك
5- اخبار السحب ايه في الفتيس الجديد وبالاخص من الثبات في الطلعة الاولي
اشكرك للتواصل