الموضوع: تقرير مبدئي نيسان قشقاي 2016 (مقارنه بسيطه بين العربيه و بين سبورتاج و بيجو3008)

هل الفتيس بتاع قاشقاي 2016 في نفس المشاكل بتاعت الموديلات الاقدم ولا لأ؟

المشاركة الأصلية كتبت بواسطة ice_mc

بعد استخدام 4 شهور اقول ان القشقاي تحفة.....تقدر تقول عليها كده عربية بنت ناس

هل صحيح ان عفشتها ناشفه وصوت الموتور عالي ؟
وأخبار الفتيس ايه فيه اي مشاكل فيه زي الموديلات القديمه ؟

المشاركة الأصلية كتبت بواسطة mrpop25

بسم الله الرحمن الرحيم
بشكل مبدئي يا جماعه انا تقيمي للعربيات تقيم بشكل عام تقيم قائم علي ركوبي و سواقتي للعربيه و غير مدعوم باي معلومات فنيه
اولا رأي في العربيه نيسان قشقاي
العربيه بشكل كبير مرضيه جداً ممتازة في بعض الجوانب جيده في جوانب اخري و في ضعف بض الجوانب و اي حد بيشتري عربيه لازم يبقا عارف انه مش حي قدر يوفر كل الي هو عايزوا في عربيه واحده
الجوانب السلبية في العربيه و الغير مرضيه
صوت التربو عالي جداً مسموع بشكل كبير داخل العربيه
العربيه تمنها قرب من ال 300000 ج ما فيهاش حساس أمامي او حتي خلفي
نفس الشيء لا يوجد كاميرا خلفيه
لا يوجد وحدات رفع
لا يوجد تكييف خلفي
اداء العربيه مع بنزين 95 افضل بكثير حتي صوت التربو بمختلف ( انا استلمت العربية طبعا ما كنش فيها بنزين وأقرب
بنزينه ما كنش فيها غير ٩٢ حطيت ٢٠ لتر و بعد كده فولت ٩٥ بعد ما حرقت حوالي ٥ لتر فقط من ال ٩٢ حسيت بفرق طبعا)
كان لازم يكون في عداد رقمي لسرعه العربيه
[B]الجوانب الإيجابية في العربيه [/B]
الوسع الداخي كويس جداً صالون واسع و رحب جدا انا شايفها ممتازة
الشكل الخارجي أزواق أكيد انا مقتنع بيه والا ما كنتش اشترتها
ثبات العربيه رااااااااااااائع جدا
ماتور 1200 ما حستش انها 1200 العربيه سحبها ممتاز ( ما جربتش ادخل في اي تسارع مع اي عربيه للأمانة انا تقيمي علي سحب العربيه مع حجم و كبر العربيه )
الطبلوه فخم جداً خامات فوق الممتازة
تقفيل داخلي جيد جداً فرش الكراسي الجلد ممتاز فرش الأبواب ممتاز الحقيقة العربيه مميزه جداً في كل الخامات المستخدمة داخل العربيه
العفشه ادائها جيد جداً
مقارنه بسيطه بين ال ٣ عربيات
بيجو 3008 كانت معايا 2013 و بعتها بعد سنه الهاي لاين
معايا كيا سبورتاج 2014 لازالت موجودة بفضل الله الفئه الأولي
قشقاي 2016 سبورت
من حيث الوسع الداخلي أفضلهم النسيان قشقاي
من حيث قوه ال ماتور و الجري أفضلهم ال بيجو
من حيث الثبات و العفشه أفضلهم ال قشقاي
الشكل الخارجي أزواق أفضلهم السبورتاج
سعر أعاده البيع الكيا سبورتاج
أكثرهم نعومة من حيث صوت المأمور الكيا سبورتاج عدم وجود التيربو مخلي صوت المأمور غير مسموع
اسؤ توكيل شفتوا بيجو في كل حاجة
اسؤ عفشه عفشه البيجو
أكثرهم إبهارا من الداخل البيجو تتفوق عن النسيان بحاجة بسيطه
طالبوه السبورتاج غير جذاب و ما فيهوش اي إبهار او جازبيه
للأمانة مشكله الحساسات و الكاميرا الخلفية و الجي بي آس للنيسان قشقاي موجودين في التوكيل بس لو حيركبوا يبقا كدة العربيه قفلت ال٣٠٠٠٠٠ رسمي
طبعا مش ضروري يكون كلامي كله متوافق مع رأي باقي الأعضاء لكن انا نقلت تجربتي ب منتهي الأمانة. و للأمانة باردوا في ناس جابت البيجو وما ظاهرش عندهم اي مشاكل و الدنيا معاهم زي الفل بس هي ارف و ممكن يكون ارفتها ما كنتش حلوه معايا المهم ان الي محتار بين ال ٣ عربيات انا في رأي الكيا و النسيان يحققوا له رضي نفسي بشكل كبير و الله المستعان
انا في انتظار اي استفسار من الأخوة الأعضاء الي الواحد بيتشرف انه منهم و الي فادوني بشكل كبير في تجاربهم السابقة مع العربيات

قريت هنا على الموقع ان فيه مشاكل فى الفتبس ... وان سعرها بقى عالى هل بتواجهك نفس مشاكل الفتيس ... بفكر فى الداستر بس مش عارفة مين احسن

المشاركة الأصلية كتبت بواسطة hanan ahmed

قريت هنا على الموقع ان فيه مشاكل فى الفتبس ... وان سعرها بقى عالى هل بتواجهك نفس مشاكل الفتيس ... بفكر فى الداستر بس مش عارفة مين احسن

ما حدش اشتكي تقريبا في الموديل الجديد من الفتيس
مشكله العربيه ديه قطع غيارها غاليه اوي انا مش عارف قطع غيار العربيات التانيه في نفس الفئة أسعارها ايه علشان اقدر احكم عليها بشكل دقيق