كام سؤالى طبى بمناسبة الصيادله و الدكاترة الكتير فى المنتدى

بما ان المنتدى اغلبه مهندسين و صيادله و دكاترة بكل اختصاصاتهم طبعا مع وجود كم هائل من باقى المهن المحترمة و لكن حبيت استغل الصيادله و الدكاترة شوية و استغل وجودهم
السؤال بيقول ازاى نخلى صحتنا افضل بدون مضاعفات سواء بالتركيز على بعض الاغذيه او الادوية لكن واحد صاحبى صيدلى الله يمسيه بالخير قالى مفيش دوا الا و له مضاعفات هل المعلومة دى صحيحه اوى ولا لا طبعا كله اتلخبط دلوقتى من الموضوع و لكن مضمون الموضوع انه هل فيه نوع برشام او فيتامينات او مكملات غذائية تخلى صحة الانسان بومب زى مابيقولوا و سعره كام و جرعته اد ايه عشان نحس بالفرق
يعنى على سبيل المثالكان عندى زمان فيتاسيد سى و كنت باخد منه قرص يوميا لمدة 12 يوم و بعد كدة ببطله اسبوع و اخد 12 قرص تانى و هكذا هل فيه حاجات افضل منه لانى محستش زمان بقوته

نسهل الموضوع اكتر و نعمل استمارة زى بتاعة بيع العربيات
1- اسم البرشام
2- سعرة
3- بيعمل ايه ؟
4- جرعته كام مرة فى اليوم و لمدة كام يوم
5- التحذيرات بتاعتة او اضرارة عند امراض معينه

حدثنا الاستاذ الدكتور محمد زمزم استاذ الفسيولوجى بجامعة الزقازيق عن الاستاذ الدكتور الهوارى استاذ الفارماكولوجي بجامعة القاهرة انه قال الدواء سم ينفع احيانا

الفيتامينات بروباجندا
الجسم له حاجة الى كمية معينة من الفيتامين طالما توافرت فلا حاجة الى كثرة الادوية

أكل طعام صحى-شرب ماء صحى-لعب رياضة-التوقف عن التدخين-الحفاظ على وزن مثالى
لا ادوية و لا غيره
على سبيل المثال ابسط الادوية(المسكنات) تسبب الفشل الكلوى و قرحة المعدة

الدواء مهما كان فهو مواد كيميائية غريبة تدخل الجسم ، مواد فعالة و غير فعالة. الافضل الغذاء السليم المتوازن.
اولا البعد تماما عن التدخين.التدخين وحده مسبب لكتلة من الامراض .كلام قديم و معروف لكن محدش بيسمع
شرب الماء بكميات كافية و ليس فقط عند العطش .يحتاج الجسم الي حوالي 1.5 - 2 لتر يوميا من الماء. و الافضل قبل الاكل بنصف ساعة او بعده بساعتين و يمكن الشرب القليل جدا مع الاكل . الماء لا يسبب الكرش (لكن السبب هو المشروبات الغازية مع الاكل) و لا يوجد به اي سعرات ليسبب ذلك ، علي العكس شرب الماء صباحا علي الريق يساعد علي فقدان الوزن.
اهم وجبة هي وجبة الافطار.لا تبدأ يومك ابدا بغير وجبة افطار صحية .ابدأ يومك بالتمر اقتداءا بالنبي ( علية الصلاة و السلام)، فوائد لا تحصي و يحتوي علي سكر سهل الامتصاص يمتص بسهولة و يعطي طاقة .بعد ذلك افطر عادي .اكلاتنا المصرية مثل الفول و الطعمية مفيدة .البعض يهمل وجبة الافطار و يمكن ان يعمل طوال النهار و يشرب شاي او نسكافيه و ووجبته الاولي تكون اخر اليوم بعد الانتهاء من العمل ، فتعتل صحته و يزيد وزنه عكس المتوقع لان الجسم يكون في حالة جوع شديد وبالتالي هذه الوجبة المتاخرة يتم تخزينها في الجسم فيزيد الوزن .
وجبة العشاء يجب ان تكون مبكرة و خفيفة جدا مثل الزبادي مثلا .
طريقة الاكل نفسها ووقته تؤثر علي الصحة
يعني الحلوي او السكريات بعد الاكل بساعتين و ليس مباشرة و الافضل الاقلال منها .
السكريات والحلوي ممنوعة مساءا لان الانسولين يكون في اقل معدلاته مساءا.
تناول الفاكهة قبل الطعام او بعده بساعتين لانها سريعة الهضم و الامتصاص فيستفيد الجسم من الفيتامينات الموجودة فيها ، اما تناولها بعد الاكل مباشرة فبعد هضمها سريعا تظل داخل المعدة منتظرة هضم باقي الطعام فتخمر و يكون الاستفادة منها اقل. هناك مقولة تقول ان( تفاحة يوميا تغنيك عن زيارة الطبيب)
[OVERLINE]بالنسبة لنوعية الطعام .[/OVERLINE]
ابتعد عن الاطعمة المعبأة كالشيبسي بنكهاته و امثاله من المقرمشات لانها تحتوي علي مكسبات طعم و مواد حافظة مضرة و مرهقة للكبد الذي يمر عليه هذه المكسبات و المواد الحافظة لتنقية الجسم منها .
طبعا الFast food or Junk food . كلها تحتوي علي لحوم او فراخ محمرة في زيت و عليها اضافات كالاجبان المصنعة و طبعا البطاطس المحمرة و المشروبات الغازية مرتبطة بها اساسا. يعني دهون مشبعة كلها و كمان سكر مركز .انسي الصحة و الرشاقة كمان.
الدقيق الاسمر (الدقيق الكامل)افضل من الدقيق الابيض. (يعني العيش بدقيق كامل اسمر)
البسكوتات و امثالها مثل الكعك تحتوي علي زيوت مهدرجة مضرة و تسبب السمنة .
افضل حلوي هي الفاكهة الطبيعية . اي فاكهة في الموسم مفيدة ، فوائد كثيرة لكل نوع .
المشروبات الغازية بجميع انواعها كارثة مدمرة. انا اسميها Junk drink كلها تقريبا تحتوي علي كمية هائلة من السكر . البيبسي يزيد من هشاشة العظام و مضر للكلي .المشروبات الملونة بطعم البرتقال (طبعا لون و طعم صناعي)
السفن او سبرايت (الشفاف) بدون لون صحيح لكن يحتوي علي مادة ال Tin chloride المضرة (carcinogenic) يمكن ان تسبب السرطان
حتي العصائر المعبأة الطبيعية تحتوي علي مواد حافظة .
اللحوم المصنعة ايضا (اللانشون و السوسيس و غيره) تحتوي علي sodium nitrite بنسبة قليلة مسموحة لكنها تظل بالجسم و هي ايضا (carcinogenic) و يوجد بوستس كثيرة هذه الايام علي الfacebook عن اللحوم المصنعة و النصح بمقاطعتها .
علي العكس يوجد الكثير من الاطعمة و المشروبات الطبيعية المفيدة ، معظمها يحتوي علي مضادات الاكسدة و مواد اخري مفيدة تحمي من السرطان و تحافظ علي خلايا الجسم و تحميها .
طبعا معروف العسل النحل . لو بدل السكر مثلا علي اللبن ضع ملعقة كبيرة او كما تريد و طبعا علي الريق. لكن احذر ان تضعه علي مشروب ساخن لان الفيتامينات تتلف بالحرارة .
الاعشاب و الحبوب الطبيعية مثل النعناع و الينسون و الشمر و القرفة ....الخ. ايضا عصير الليمون ولو محلي بعسل النحل يكون افضل.
الشوفان (oats) موجود في اي سوبر ماركت مفيد جدا و كمان للرشاقة . ابسط طريق لاكله اضافة اللبن كالكورن فليكس او طرق اخري مكتوبة علي العبوة او علي النت طرق بسكوتات و شوربة او غيره.
الشعير (التلبينة) موجود عبوات جاهزة مطحونة عند بعض العطارين. الطريقة ايضا علي العبوة .
طبق السلطة افضل من علبة الفيتامينات المصنعة . طماطم ، خيار، فلفل رومي الوان ،....الخ . كل ما زادت الالوان كلما زادت الفائدة عكس الالوان الصناعية تماما.
المكسرات (السوداني ، اللوز ، عين الجمل....)
الحديث عن الغذاء لا نهاية له و اذا اردت المزيد ستجد تفاصيل كثيرة علي مواقع التغذية علي النت.

ما سر ان مصر بها اعلى معدلات فشل كبدى على مستوى العالم ؟

مصر اكبر دوله بها اصابة بفيروس سي علي مستوي العالم..و قبل فيروس سي كانت البلهاريسيا

و ما سر ان مصر بها هذا الكم من فيروس سي

اولا عدم النظافة عند الحلاقين و الجراحين و اطباء الاسنان و ربما نقل دم ملوث

ثانيا يقال ان سركاريا البلهاريسيا كانت تحتوي علي الفيروس

ثالثا البلهاريسيا كانت تعالج زمان بالحقن..حقنة واحدة يتشارك بها العديد من الاشخاص

و ناس بتقول مؤامرة من اسرائيل

انا جدتي ماتت من فيروس سي اعتقد انتقل لها اثناء عملية استئصال للمرارة

و اي واحد دخل مستشفي يعرف ان فيروس سي كارثة قومية بحق