الشغل اون لاين حقيقة وليس وهم

**the one15** · 10-12-2015 11:44 AM

انا بجد بتسغرب من الناس اللي بتقول ان الشغل علي الانتر نت دة نصب
لا يا جماعة فعلا في شغل علي الانترنت انا واحد من الناس دخلي فقط من الانترنت
لكن الموضوع دة في كلام كتير
اهم حاجة ابعد عن نصب التسويق الشبكي والتسوةيق الهرمي ومكيو نت والهبل دة

دة نصب
اي حد يقولك هات فلوس عشان تشتغل علي النت نصب في نصب
الشغل الحقيقي بيكون من خلال التسويق عبر الفيس بوك
او موقع خمسات لو عندك حاجة تعرف تعملها
بالنسبة ان شغال انا في تداول الاسهم الامركية الاوبشن هي صعبة لكن مربحة ولا انصح بها اي حد الا لو معك فاض من المال ووقت للتعليم

لكن في النهاية الشغل علي الانترنت هو المستقبل والفري لانسر دة حقيقي المستقبل القادم
انا بستغرب علي الناس اللي بضيع وقتها في النت علي الشات والفيس والكلام دة
في الوقت اللي ممكن تخلي الكمبيوتر مصدر دخل اضافي
ابسط حاجة لو بتعرف تكتب وتلخص كتب في اي مجال
في موقع اسمة خمسات عامل حاجة زي تفريغ كتب بصوتك
يعني تنزل كتاب 300 صفحة تفرغة بصوتك وتاخد 5 دولار علي الكتاب الواحد
هياخد منك شوية ووقت لكن مجهود مش كتير
وحاجات غيرها كتير انصح الكل بعمل سيرش علي الانترنت

**خالد الشاذلى** · 10-12-2015 01:27 PM

المشاركة الأصلية كتبت بواسطة the one15

انا بجد بتسغرب من الناس اللي بتقول ان الشغل علي الانتر نت دة نصب
لا يا جماعة فعلا في شغل علي الانترنت انا واحد من الناس دخلي فقط من الانترنت
لكن الموضوع دة في كلام كتير
اهم حاجة ابعد عن نصب التسويق الشبكي والتسوةيق الهرمي ومكيو نت والهبل دة

دة نصب
اي حد يقولك هات فلوس عشان تشتغل علي النت نصب في نصب
الشغل الحقيقي بيكون من خلال التسويق عبر الفيس بوك
او موقع خمسات لو عندك حاجة تعرف تعملها
بالنسبة ان شغال انا في تداول الاسهم الامركية الاوبشن هي صعبة لكن مربحة ولا انصح بها اي حد الا لو معك فاض من المال ووقت للتعليم

لكن في النهاية الشغل علي الانترنت هو المستقبل والفري لانسر دة حقيقي المستقبل القادم
انا بستغرب علي الناس اللي بضيع وقتها في النت علي الشات والفيس والكلام دة
في الوقت اللي ممكن تخلي الكمبيوتر مصدر دخل اضافي
ابسط حاجة لو بتعرف تكتب وتلخص كتب في اي مجال
في موقع اسمة خمسات عامل حاجة زي تفريغ كتب بصوتك
يعني تنزل كتاب 300 صفحة تفرغة بصوتك وتاخد 5 دولار علي الكتاب الواحد
هياخد منك شوية ووقت لكن مجهود مش كتير
وحاجات غيرها كتير انصح الكل بعمل سيرش علي الانترنت

طيب انا عاوز يبقى ليا دخل من النت اعمل ايه وايه المطلوب منى ؟

**absaab** · 10-12-2015 02:31 PM

دا حقيقي فعلا

وأي موقع تقديم خدمات مصغرة زي خمسات كبداية ممكن تقدم فيه اي خدمة انت بتتقنها وتكسب منها حسب جهدك

مثلا ترجمة مقالات ، تصميم ، تسويق ، كتابة أو تعبئة محتوى ، تسجيل إعلانات بصوتك ..الخ

وفي مواقع اجنبيه بتقدم نفس الخدمات في المجال دا ولكن بشكل أوسع زي فيفر

ممكن أي حد يستخدم طاقته ومجهوده في شيء مميز ويدر له دخل جيد من خلال الإنترنت وبكل بساطة

واللي كان ممكن يكون صعب زمان دلوقتي اصبح سهل جدا

بدل تضيع الوقت في الفيس بوك والشات ممكن تستخدم الوقت الضايع دا لصالحك

اهم حاجة البعد كل البعد عن مواقع التسويق الشبكي أو أي طريقة بتعتمد على القمار في الربح

ابدأ بمجهودك واعرف إن أي ربح لازم له شوية تعب ومجهود منك ومتصدقش أي حد يقولك ادفع مبلغ مقابل انك تاخد أرباح وانت نايم في البيت

**EgyArmy** · 10-12-2015 11:48 PM

انا متفق معاك تماما لكن مختلف معاك فى جمله و مش لدرجه و انت نايم
فيه مجالات كتيرة و كلمة تسويق دى لوحدها بحر من اول تسويق الاعلان ابو 1 سنت لحد تسويق عقارات و بالملايين
الفرى لانس فعلا اتعاملت فيه كتير جدا سواء بيع او شراء
لكن عشان تجيب فلوس بجد لازم تقدم خدمات محدش غيرك بيعرف يعملها
على سبيل المثال ممكن تقدم خدمة بيع صورة كرتونيه هيطلبها منك كام ؟ 10 مثلا ؟ و كل خدمة هتكون بخمسه دولار يعنى اخرك لما تعمل هتعمل 50 دولار لكن ممكن تقدم خدمة تصميم قاعدة بيانات او كورس ساب و هتلاقى نفسك بيعت الف منتج و طبعا سعر المنتج هيبقى اغلى

يبقى تصديرك لكلمة و انت نايم دى ممكن تتقال على تسويق الاعلانات فقط
لكن لو تسويق منتجات ماديه زى جوميا و سوق دوت كوم استحاله تلاقى خمس دقايق حتى تنام فيهم

**Eng_hatemfathy** · 11-12-2015 03:44 PM

فعلا اكيد التمييز سر الربح ولو قعدت تسجل كتاب ٣٠٠ صفحة علي الاقل عايز خمس ساعات متواصله يعني الساعه بدولار طبعا لو الواحد اشتغل الساعة دي هيجيب عشر اضعاف المبلغ