الموضوع: تحذير من شركة جي بي غبور أوتو

المشاركة الأصلية كتبت بواسطة miam0502788391

اللى هى ايه المواصفات المصرية وايه الوحش فى العربيات دى
مش لازم يوضح فى التحذير
يعنى مثلا نازلة من غير كاوتش
مفيش فيها مواتير وبيجرها حمار مثلا
شاليين الابواب علشان يوفروا زى ما غبرور بيسلخ العربية من اى كماليات
وبعدين هو فى حد جالك وقالك المفروض انك تضمنها
اقل الوجب انك حتى تصلحها لو حد اخدها مراكز الصيانة بتاعة حضرتك
ثم هو مش يضمنها ليه
مش غبور وكيل هيونداى فى مصر ولا dealer بياخد من هيونداى ويببع

miam0502788391,hilal

استفزتنى اوى كلمة شعب نمرود دى ... عيب يا استاذ دى اهانة لا تقبل

المشاركة الأصلية كتبت بواسطة Mohamed Desoky

كان فى صناعة مصرية فى عهد عبدالناصر
دا كلام وهم يقال فى التلفزيونات او يتكتب فى المقالات
صناعة السيارات بدات فى مصر فعليا فى منتصف ال تسعينات
معيار النجاح هو الوجود و الاستمرار و شركات النصر بكل فروعها و تخصصتها مقياس للفشل بسبب عدم وجود رؤية و تحول المصالح الحكومية الى عزب .

وفى عهد مبارك اضمرت الصناعة المصرية بفضل الخصخصة
فعلا الخصصة دمرت صناعات فى مصر بس مش منها صناعة السيارات
ورجال اعمال لايهمهم صناعة مصرية ولاحاجة المهم الربح الكبير السهل
اى مستثمر بيفكر كدا و الشطارة ازاى تقدر توفق ما بين رغبات الحكومات و رغبات رجال الاعمال
رجل الاعمال عايز مكسب يبقى فى المقابل لازم الحكومة تبقى عايز يكون صناعة وطنية قوية توجد منتجات تكفى الشعب و تشغله مش مكسب رجال الاعمال يبقى المقابل بتاعه رشاوى لاصحاب العزب الحكومية و الشعب ياخد فشار
كل شركات صناعة السيارات فى العالم قطاع خاص بيكسبه مليارات لكن اهم حاجه اسم بلادهم شوف اليابان من قنبلة زرية لقمة تكنولوجبه العالم
برافو عليك ... من غباء الفكر المدعىىن اسمه ناصري ان تقوم الدولة بكل الادوار و الصناعات ولا وجود للقطاع الخاص ... و الفكر دا حرم مصر من صناعات كتير جدا زى صناعة السيارات اللى شركات عملاقة كانت بتيجي تترجى الحكومة المصرية ايام عبد الناصر للاستثمار فى مصر و منها رينو مثلا
كان لازم يكون فيه قطاع خاص فى المجال
و لازم لازم يكون فيه برضه قطاع عام (حكومة يعنى)
علشان يكون فيه منافسه و اتزان فى السوق
و يكون فيه شراكة ما بين الحكومة و القطاع الخاص حتى تكون الرقابة عن قرب
والمانيا من حرب عالمية لقمة الصناعة وشوف الصين وكورية وغيرهم كتير قطاع خاص رفعة اسم بلادهم
احنا محتاجين اعادة برمجة للفكر علشان نعرف نعيش فى العالم المتنافس
اما فى مصر مفيش صناعة خالص عندنا تجميع سيارات وممكن تقولى غبور او منصور او ابوالفتوح صدره عربية اتجمعت فى مصر لاى دولة غير مصر كلة بيستورد ويرمى فى البلد وده اللى وصلنا له زحمة وفوضة واحتكار لكى الله يا مصر
مصر بتصدر عشرات الالاف من السيارات كل عام لدول عربية و افريقية و حتى اوروبية و منها بريطانيا
و هى سيارات نقل ركاب و نقل بضاءع

بسم الله الرحمن الرحيم شكرا لرد حضرتك لكن موضوع ان مصر تصدر عشرات الاف السيارات دة كلام على ورق شو اعلامى كاننا عندنا صناعة وبعدين مين الشركات المصرية بتصدر مثلا غبور بيجمع اتوبيس هيئة النقل العام كل مكوناتة المانى وله الهيونداى كلها هندى ولة بريطانيا هيلغو الاتوبيس المميز الاحمر ابو دورين ويستورده اتوبيس غبور وتاكسى لندن وياخده الفيرنا احنا هنا بنسميه تاكس المطار وله منصور بيجمع لانوس افيو اوبترا وكلة بلغارى وعلامة شيفرولبة دى امريكى وبيجمع الجامبو لا مش الطيارة الامريكية دى عربية موتور اسوزو وشاسية بولولوم اى حاجة
المهم ياريت حضرتك تعرفنى اسماء الدول اللى بنصدرليها سيارات مصر المجمعة شكرا

المشاركة الأصلية كتبت بواسطة dede_dodo88

مش كلام على ورق ولا حاجة. الشركات دي ليها سوقها في التصدير لدول الخليج, بعض دول اسيا, شمال و وسط افريقيا, جنوب افريقيا, بعض دول امريكا الجنوبية زي البرازيل..

شكرا لحضرتك انا اشتغلت فى السعودية والامارات وقطر وما شوفتش عربية تجميع مصرى لا ملاكى ولا نقل اللى شوفتة عمالة مصرية بتاكل بعض اما بلنسبة لاسيا فى يعنى مثلا الهند او ماليزيا اوالعملاق الصينى ولة كوريا ولة اليابان حضرتك ياريت تحدد احنا بنصدر سيارات لمين هو ممكن الدول اللى فى اخر ترتيب دول العالم المتخلفة زى تشاد اوغندا الصومال يمكن حضرتك تقصد الدول دى شكرا