زيوت الموتور المتوافقة مع كتالوج الريو
#زيت_الموتور# { انتهاء مرحلة البحث}
بعد بحث طويل عن زيت يكون متوافق مع كتالوج الريو من حيث اللزوجة والمواصفات لدرجة اني فكرة اجيب الزيت من برا
ماتستغربش، زيت الموتور من الاشياء المهمه جداً وكل ماكان الزيت مواصفاته متطابقة مع الكتالوج من حيث اللزوجة والمواصفات هتاخد افضل اداء وافضل استهلاك وقود وهتحافظ علي موتور عربيتك و هطول عمره
لقيت كذا نوع لكن للاسف ماكنش فيه حاجة منهم في مصر واستمر البحث لحد ما وصلت للاتي
دول افضل 3 انواع في السوق متوافقين مع كتالوج الريو اللي بيوصي ان مواصفات زيت الموتور تكون كالتالي ؛
5w30
API Sm or Sn { عالي الجودة }
ACEA A5 { خدمة شاقة &موفر للوقود }
وطبعاً التلاتة اعلي في المواصفات من زيت شيل اللي التوكيل بيحطه واللي كلنا عارفين مواصفاته ايه !؟
1- Amsoil Signature series 5w30
يعتبر أعلاهم من وجهة نظري لعدة اسباب ؛
لإنه بالاضافة لـ اسمه الكبير في عالم الزيوت وكون Amsoil هي اول شركة في العالم تنتج زيوت تخليقية من أساس غير معدني وتحصل علي تصنيف ال API فهو ؛
-تخليقي 100 ٪ من اساس غير معدني وبالشكل ده بيقعد حوالي 25000 في ظروف التشغيل العادية و 15000 في ظروف التشغيل الشاقة
-زيوت Amsoil تابعة للمجموعة الرابعة والخامسة في تصنيف الـ API (يعني كاتيجوري اعلي) من الزيوت اللي موجودة عندنا في السوق
- واضح وصريح في مواصفاته!؟
هتلاقيه صريح في مواصفات ال ACEA بكود ال A بعكس الاتنين التانيين اللي فيهم A و C
2- Bizol Technology C2
تخليقي من أساس معدني و الصورة بتاعته موضحة كل حاجة بخصوص مواصفاته ;-)
3- LIQUI MOLY Top Tec 4200
تخليقي من اساس معدني ومتواجد في السوق المصري من فترة ومواصفاته زي ما انتم شايفين
API SN
ACEA C3
ويمشي باردو A5 زي ما مكتوب علي الجركن، وان كنت بفضل ان كود ال ACEA يبقي مخصص لل A بس.
اللي جرب بقي او ناوي زي حالاتي يجرب اي نوع منهم اتمني يبقي يقولنا تجربته
وبكده ابقي قفلت #مرحلة_البحث# وادخل بقي علي #مرحلة_التجربة#
بالتوفيق :-) ;-)
http://nileup.com/up/uploads/nilemotors_14497450992.jpg
