العربية كانت ماشية وفجأة وقفت ومش راضية تدور!
السلام عليكم يا جماعة،
سيتروين ax ماشي بيها في أمان الله فبعدي ملف وكنت ماشي على التاني فهديت علشان كان فيه مقابل.. لكن مغيرتش من التاني للأول زي ما بعمل كل مرة لما بهدي.. وفضلت مكمل على التاني فضلت ترجرج وراحت مبطلة.
أحاول أدور بسمع صوت - الصوت المعتاد وأنت بتدور عربيتك - لكن مش بتدور
فضلت دايس على الكونتاكت أكتر من دقيقة يمكن تقلط مفيش فايدة
أدوس بنزيبن وأنا بدور مفيش فايدة
مش عاوزة تدور نهائي
المهم كنت في نص الطريق.. وكنت في منزل فكيت فرامل اليد وركنت العربيية على جنب
روحت بالليل مليشت جركن بنزين ورجعت فضيته فيها وأدور بردو مش بتدور يا جماعة
والعربية من امبارح مركونة هناك
ربنا يكرمكم ايه الخطوات اللي أعملها علشان تدور معايا أوديها البيت أو أوديها لميكانيكي لما أرجع من الشغل النهاردة.. وجزاكم الله خيراً.