بتحب مصر ليه

**خالد الشاذلى** · 10-12-2015 01:20 PM

عشان تعرف مدى التأخر اللي إحنا فيه..
اسأل المواطن الأمريكي: إنت ليه بتحب أمريكا, واسأل .....................المصرية نفس السؤال..
المواطن الأمريكي: أمريكا تقدم لي خدمات طبية محترمة, تأمين صحي فيه مشاكل ممكن تتعالج بس عموماً محترم, أقوى جيش في العالم, تقدم علمي جبار, الكوكب كله في جبنا الصغير, حتى الدول اللي ليها عندنا فلوس, لينا الشرف إننا طلعنا القمر, لينا الشرف إننا اكتشفنا أدوية مهمة, لينا كل الفخر إننا بنعمل أبحاث مهمة على الجينات, والجينوم, والفيزياء, الشرطة رغم إنها لازم تبقى احسن لكن ممتازة, أنا كمواطن أمريكي بحب بلدي جداً لإني في أي مكان على الأرض لو استنجدت بيها ممكن تحرك الكوكب كله عشان خاطري, طرق كويسة, مجاري كويسة, مدارس كويسة, تعليم ممتاز, عملة بتحرك دول وبتهز سياسات وبتحط قوانين.. عايز إيه تاني؟ ومفيش علم من علوم الأرض من ساعة أول يوم مالناش فيه..
لو سألت مواطن مصري: إنت بتحب مصر ليه؟
تسمع بأه الإجابات المتخلفة المشلولة العقيمة : أصل عربية الفول والدنيا برد, اللمة الحلوة ع القهوة, عم شحاته بتاع البليلة, يا سلام لما تتمشى ع النيل بالليل في الهدوء.. ياااااااه روعة.. وأحلى حاجة على الإطلاق بعد صلاة الفجر أتمشى شوية..
إيه ده؟ إنت مريض يا ابني؟ إيه اللي إنت بتقوله ده؟
بأقولك: بتحب مصر ليه؟ تقولي أصلي بامشي بالليل في البرد.. ع القهوة.. وفول؟؟
إنت ................يالا؟

منقول

انذار ووقف اسبوع لمخالفة القاعدة 12
4:40pm 10/12/2015
م.ع.4

**Bassem Youssef** · 10-12-2015 02:42 PM

قلبت عليا المواجع :(

في مبررات اعقم من كده زي

البلد دي احسن من غيرها مع انه مشفش غيرها

اصل فيها حاجه حلوه اللي هي ايه معرفش

اللي يخرج من داره يتقل مقداره و لا تعليق

**hobiko** · 10-12-2015 02:48 PM

بصراحة ........... انت ليك تشكيلة مواضيع غريبة ....... و الأغرب انك عمرك ما عملت مشاركة واحدة فى مجال السيارات

و اللى مش قادر افهمه ........ ليه الغلط و التطاول ........ ما كل واحد حر ......... و انا مش من حقى يبقى ليا رأى ..... ليه حد تانى يسمح لنفسه انه يغلط فيا لمجرد ان رأيى مختلف

ناس بس فالحة تطالب بالديموقراطية .......... و هى ابعد ماتكون عنها

**ashekwalaa** · 10-12-2015 03:33 PM

انا عن نفسي محبيتهاش

مصر بالنسبالي والدي ووالدتي وزوجتي وابني وشوية قرايب وممتلكات بسيطة ومحدودة

لو اللي فوق ده تواجد في أي دولة أخرى ولو نيكاجاراجوا أكيد هاخد أول طيارة وأروح

أرض الله واسعة ... واحنا أصلا أمرنا بالسير في الأرض

أنا مصري لأني لم أوفق حتى الآن في الحصول على جنسية غيرها

**htkamal** · 10-12-2015 03:33 PM

على فكرة مصر ام الدنيا بعيوبها بفسادها بتلوثها هى ام الدنيا كفاية طيبة اهلها وناسها الحلوين اللى عايز يعرف قيمة مصر يطلع يعيش برة فى دولة عربيه وساعتها حيعرف قيمتها

**msobhy** · 10-12-2015 04:13 PM

والله انا كلامى مش مجازى
يعنى مش تشبيه
يعنى احساس حقيقى

أول لما بتسألى هو انت مصرى
أو هو انت من مصرى
أو هو انت بتحب مصر

بحس بطعم مر جدا فى فمى ناحية جذور لسانى
والله العظيم ده بيكون احساسى
وحسه وانا بكتب الكلام ده
أما عن حبى لمصر - فبجد انا بحبها جدا لحين العثور على بديل