رقم العضوية : 43370
تاريخ التسجيل : 11Jul2009
المشاركات : 18
النوع : ذكر
الاقامة : مصر
السيارة: دايو نوبيرا
السيارة[2]: دايو نوبيرا
دراجة بخارية: لا يوجد
الحالة :
النوبيرا 1
سيارة جميلة جدا ً من اجود ما صنعت كو0ريا من سيارات ابتدا الانتاج فى 1997 و انتهى موديلها فى 1999 لها انواع ممتازة من المحركات انتاج جنرال موتورز سعة 1500 و 1600 و 1800 و 2000 و 2200 سى سى .
نزلت من حوالى 2006 سوق سيارات المعاقيين و عملت مبيعات ممتازة سواء كانت كورى او اوروبى عادة او اتوماتيك .
تعالو نعرف شوية شغل كدة فى النوبيرا 1 انت ممكن تعملة بأيدك من غير ميكانيكى يلة بينا
اولا : تغيير جوان وش التاكيهات للموتور
ماهو جوان وش التاكيهات ؟
جوان وش التاكيهات هو قطعة من المطاط على شكل مستطيل و معاها دايرة مقسومة نصفيت
فايدتة بيمنع تسريب زيت الموتور اثناء التشغيل
اعراض التلف : ظهور تسريب زيت من الجوانب على الموتور و بيكون لونه اسود فى الغالب
نقص مستمر فى مستوى الزيت مع المشاوير الكبيرة او على مدى الاستخدام
الادوات المستخدمة فى التغيير
1- جوان وش تاكيهات + 2 قطعة معاة كل واحدة على شكل 1/2 دايرة ب 45 ج
2- سليكون رصاصى ( حرارى ) ب 15 ج و بص على ناريخ الصلاحية و ممكن جملكة ب10 ج
فى الاسكندرية الحاجات موجودة عند ( اطلس فى صلاح الدين – فلفل شارع ابوقير الابراهيمه – راشد فى صلاح الدين )هات ابو 45 ج متجبش ابو 20 ج
العدة
1- مفتاح ببه 10مم
2- مفتاح الن كاى 5 مم
3- كتر او سكينة قديمة
4- مفك عادة رفيع
5- بنز او مساكة
هيا نلعب
1- حنفك الوش الفيبر 4 مسامير
2- حيظهر غطا وش التاكيهات الامونيا متوصل فية خرطوم بخر الزيت اللى على اليمن فكة و فى بردة خرطوم على الشمالى كدة معوج فكة بردة على شان ميعاكس فى الفك و التركيل و كمان خراطيم البوجيهات (احفظ ترتيبها قبل ماتفكها على شان لما تيجى تركبها تانى ) .
3- ابدا فك ال10 مسامير بتوع الوش ( هى فى الواقع صامولة و تحتيها وردة و تاحتيها جلدة )نفك بالعقل و بالراحة و حتلاقى الجلد لا صق نطلعة بالكتر بالراحة و اوعى العنف فى الفك او التركيب .
4- نشيل الغطا يالراحة هو تقيل خلى بالك حتلاقى الجوان القديم طلعة و ارمية و نضف الوش بالبنزين و امسحة كويس ، مكان الجوان القدبم فى الموتور حتلاقى فى وساخة من الجملكة او السليكون القديم نضفها بالكتر و امسحها ، و متنساش الحتتين المدورين ناحية الكويل على ايدك اليمن
5- نضفت خلاص ركب الجوان فى الغطا هو لية مجرة على مقاسة بالضبط و بعد كدة حط سليكون على الاماكن اللى انت نضفتها فى الموتور مش كتير لاحسن حاجة تنزل فى مسمار الزيت تعمل مشكلة و متلحس .
http://s28.postimg.org/6dnid8mhp/DSC_0054.jpg
6- ركب الوش يلة زيى مفكاتة و اربط المسامير على الهوا متقرطش عايها بعد كدة ارط على المسامير من النص مش قوى و بعد كدة يمين شمال يمين شمال بالراحة على شاتن متعصرش الجوان .
7- ركب الخراطيم اللى شلتها يلة و بعد ساعتين دور يامعلم و مبروك الجوان .
ملا حيظ مهمة
الفك و التركيب و العربية باردة و بكرر متقرطش على المسامير اوى على شان متعصرش الجوان
التعديل الأخير تم بواسطة mikalos ; 11-12-2015 الساعة 06:18 PM سبب آخر: اضافة صور
المفضلات