عرض للطباعة
الموضوع وجود صوت عالى بالموتور اثناء الدوران و المشى غير الاول
توجهت للميكانيكى وقالى ان دى مكنه البِاور عايزه تتغير مع ان البِاور اقل من ذى قبل و غير العربيات التانيه لكن البِاور شغال ..
بصيت على زيت البِاور لقيته بيقل و ملحوظه لقيت زيت تحت الدواسات
قريت مواضيع هنا بتقول ان ده اويل سيل البِاور ..
وقربت ان الصوت الغريب الطنين ده ممكن يكون بليه شداد الكاتينه
انا عملت اه اشتريت سيور كامله
و بليه شداد كاتينه
و اويل سيل باور
ولسه مشترتش طرمبه البِاور
رأيكم اه
مفيش حد رد عليا من الجروب
هشارك بتجربتى عشان محدش يقع فيها
رحت للميكانيكى قالى مكنه البِاور
رحت بالفعل اشتريت واحده استعمال ب ٢٥٠ ج
و بعدين رحت أركبها عندو مع انى مكنتش بشتكى من البِاور انا كنت بشتكى من الصوت العالى اللى مش فاهمه
و جبت بليه شداد كاتينه ب ٧٥ ج
و غيرت السيور بالمره
فى الاخر طلع الصوت من بليه التكييف
طبعا مقلش الراجل بس عرفت لمى قالى نغيرها و فصلها
و لمى فصلها الصوت هدى
نصيحه لوجه الله لو حصل عندك صوت غريب اول حاجه غير بليه التكييف و هيا ب ٥٥ ج بدل متلبس
شكرا ليك على النصيحةاقتباس:
المشاركة الأصلية كتبت بواسطة yasserino
شكرا علي النصيحه طبعا. بس بلاش تثبتها. ممكن الصوت ييجي من كذا حته.....
المفروض لاي حد اول ما يظهر عنده صوت يجيب متر خرطوم و يحط طرف علي ودنه و يمشي الطرف التاني علي اجزاء العربيه واحده واحده لحد ما يعرف مصدر الصوت منين....
و شكرا