فى النوبيرا 1
تغيير كوعة الترموستات
اي هى كوعة الترموستات ؟ سألت و انا احب اللى يسأل
دى عبارة عن كوعة جواها ترموستات (عبارة عن اسطوانة مليانة بشمع البرافين و تحتيها سوستة بحاجز ) لما درجة حرارة الموتور تعلى تعلى درجة حرارة المية اللى بدورها بتسخن شمع البرافين فيحرك حاجز الترموستات و يفتحة فتعدى المية السخنه للريداتير على شان تبرد و تخش المية الساقعة للموتور على شان يتبرد .
مظاهر العطل
1- سخونة زايدة للموتور ( مؤشر الحرارة يعلى )
2- التأخر فى سخونة الموتور ( يعنى يكون الترموستات مفتوح او معلق فالمية بتبرد بسرعه و يتاخر الموتور فى التسخين على شان المية مفتوحة على طول )
3- حرق كميات كبيرة من البنزين بسبب برودة الموتور الزائدة
4- كسر خط تبريد المانيفولد ( و دة اللى حصل معايا )

البضاعة اللازمة
- كوع الومنيم gm ( مكون من قطعتين الكوعة + ال o رنج اللى فية البزبوز بتاع خط التبريد ) ب 105 ج
- 2 اويل سيل خارجى و داخلى
- ترموستات حرارى 87 درجة ب 45 ج
- سليكون حرارى ب 15 ج
- صنفرة ناعمة جدا
العدة
مفتاح ببه 12
مفك عادة
هيا نلعب
الشغل كلة حيتعمل و العربية باردة
- حنفك خرطوم الكوعه الكبير و خرطوم المانيفولد
- حنبتدى نفك المسمارين ال12 بالببة ولو جامدين حط عليهم شوية زيت باكم (فرامل )
- فكيت مية مية هات الصنفرة و على الخفيف صنفر بالراحة مكان اتصال الكوعة بالموتور على شان الصداء و اللى مترح السيلكون او الجملكة القديمة .
- هات الكوعة و الترموستان الجديدة و الصق الترموستات بجسم الكوعة بالسليكون و بعدكدة حط الجزء التانى من الكوعة على الترموستات بالاويل سيل لو مفيش اديها سلكون حتتلزق كلها حتة و احدة .

- يلة بينا نركب متنساش اويل سيل الكوعة من برة بين الموتور و الكوعه و براحة خلى بالك المسمار اللى تحت غلس شوية مش حيلقط معاك من اول مرة سايسة .
- ركبت و صل الخراطيم و مبروك عليك .
http://s8.postimg.org/th7meny6d/DSC_0068.jpg