سوءال لخبراء الشبكات و ال wifi

**mmtronic** · 11-12-2015 09:28 PM

الاخوة الافاضل

عايز اعمل شبكه لاسلكبه wifi بين شقتين قصاد بعض فى دور واحد ( مساحه كل منها 110 م ) و المسافه بينهم فى الدور بعنى طرقه السلم حوالى 5 متر

كنت عايز اغطى الشقتين تماما بشبكه wifi واحدة و يكون الراوتر موجود فى احد الشقتين

1- ايه نوع الراوتر / اكسس بوينت الى اجيبه يغطى الشقتين بدون الحاجه الى Extender او repeater ؟

2- هل لازم ححتاج wifi extender و لا الراوتر او الاكسس بوينت ممكن يغطى ؟

و لكم جزيل الشكر

**shoma** · 11-12-2015 11:12 PM

الأول تجيب راوتر محترم وتحاول يكون في نقطة وسط بين الشقتين وتشوف لو عمل تغطية كويسة خير وبركة
لو الأداء مش كويس في الحالة دي لزم تجيب أكسس بوينت في الشقة التانية وتشغالها Repeater

**Ahmed_selmy** · 12-12-2015 10:21 PM

متابع
ويا ريت اللى يعرف نوع روتر محترم يقول عليه, ويا سلام لو راوتر من اللى بيركبله خط تليفون, يبقى كدا عمل الصح

**amr011111** · 13-12-2015 10:51 AM

هتجيب راوتر فى شقتك وتوصله بخط التليفون
وتجيب راوتر تانى فى الشقه التانيه وتوصله راوترك بالسلك الاصفر والراوتر التانى اللى فى الشقه التانيه بالسلك الاصفر ( سلك اللان ) وكده يبقى عندك راوتر واى فاى فى شقتك وراوتر تانى واى فاى فى الشقه التانيه
الخلاصه كانك حطيت اكسيس بوينت فى الشقه التانيه

**egyption2012** · 13-12-2015 01:25 PM

اشتري راوتر dlink اتنين انتنا
وحطه بين الشقتين وجرب على كده
لو اشتغل كويس ييقى زي الفل
لو مشتغلش كويس للشقتين رجعه وهات واحد انتنا وحطه في منتصف شقة
واشتري معاه وايفاي اكستندر وحطه في بداية الشقة التانية عشان يلقط الإشارة من الراوتر

**it_futuree** · 13-12-2015 08:38 PM

السلام عليكم ورحمة الله وبركاته
انا مع الريى اللى بيقول اعمل وصله من الروتر الاول للشقة التانيه
كده هيبقى تمام وبسعر مناتسب

**mmtronic** · 13-12-2015 10:08 PM

متشكر جدا لكل الى اهتم بالرد

موضوع انى امد سلك بين راوترين حيبقى صعب لانى عايز الموضوع من غير كابلات خالص

انا عملت حاجه شغاله معايا دلوقتى بس برده مش مستمخ منها

انا عندى راوتر tp link الى هوه 3G باتنين انتينا ركبته و استقبلته يدوب فى الشقه التانيه باستخدام tp link extender الى هوه بيركب فى فيشه الحيطه على طول من غير اى اسلاك و العمليه شغاله بس المشكله انى حاطط ال extender ده فى المطبخ بتاع الشقه التانيه لانه اقرب نقطه للشقه الاولى و غير كده مبيلقطش

وجود ال extender فى المطبخ دة بالنسبالى مشكله لانكم عارفين الستات فى المطبخ ممكن تعمل ايه

كده مقوداميش غير انى اغير الراوتر بواحد اشد شويه

غالى يعرف راوتر مداه كبير قوى يقولى

انا كنت بتفرج على الراوترات لقيت واحد tplink اسود 2 انتينا و كان ب 500 جنيه ) مش عارف خايف اجيبه يطلع مش فارق حاجه عن الى عندى

**egyption2012** · 14-12-2015 12:03 AM

خليك في dlink
اظن انه افضل من tplink

**Elawany13** · 14-12-2015 07:17 AM

الراوتر مهما كان قوى اشارة الواى فاى مش هتفرق كتير علشان الحوائط الخرسانيه بتضعفه جدا
وبصراحة حرام الواحد يحط فلوسه فى راوتر وهوه بيتوزع ببلاش فى شركات النت وشغال كويس جدا بقاله سنين