يعني ايه شكوي موثقة
عرض للطباعة
الي اقصده انك لو عملت شكوى في اي جهة حكومية وماخدتش حقك لو عرفت تصعد الشكوى لجهات اعلى اول رد للجهة الحكومية بيكون "ماحدش اتقدملنا بشكوى يا افندم والا كنا قمنا باللازم" وطبعاً مافيش معاك ما يثبت انك قدمت شكوى
اما الشكوى عن طريق الإنترنت فهي موثقة ولايمكن الغائها (سيستم الكمبيوتر الي معمول كده) وبالتالي الموظف المسئول عن الشكوى مجبر على متابعة حلها وتحديث حالتها على الكمبيوتر اول بأول
اهانة شخص محترم وابن ناس ومالوش فى قلة الادب هو اسوء شئ ممكن الانسان يتخيله وهى نقطة الضعف اللى بيستغلها الناس الواطية البيئة للضغط على مثل هذه النوعية من الناس
هل تتخيل انه احد الجيران عمل نفس الموقف معايا علشان عايز يجيب كوتش لصفيحة الزبالة اللى هو راكبها وبيسميها عربية فاتهم ابنى بانه قطع كوتش عربيته مع ان التليفون اللى مع ابنى ثمنه اغلى من عربيته اساسا فضلا عن انه متربى ومستحيل اصلا العيبة تطلع منه
ربنا يعينه والله حاسس بيه
المنطقه اللى فيها العماره دى فين ؟
استغفر الله العظيم .ايه الناس دي؟ للأسف الناس اللي بالمستوي المتدني ده و لا أقصد ماديا و لكن مستوي اخلاقي و اسلوب حياة لو اغتنوا بتشوف فعلا كلمة محدثي نعمة و يقرفوا اي واحد محترم . و لا عندهم تربية و لا اخلاق و لا دين ليعرفوا حقوق الجار و لا مراعاة الاخرين عموما. البعد عن الاشكال دي غنيمة . لو ينفع حما صاحب الموضوع يخلص من الشقة و يشوف سكن اخر افضل. و لا يشتري جنينة و لا غيره، يبعد خالص و يخلص و ربنا يرزقهم بمن هم علي شاكلتهم و ينتقم منهم او ربنا يهديهم.
eng_hatemfathy . ربنا معاك و يخلصك منهم و طبعا حضرتك وضحت ان ظروفك الحالية لا تسمع بالانتقال لمكان اخر فربنا معك و يكفيك شرهم .
الحل بسييييييييط
لا يفل الحديد الا الحديد
هم بلطجية وزباله لو تعرف تشوف احد من نفس العينة يتعامل معاهم بنفس اسلوبهم وبيئتهم
بشرط ان حماك يكون بعيد يشوف ويتفرج بس
طالما انك محترم وحاولت تجيب واسطه للحهات الحكومية للتعامل معهم حاول تجد واسطه من بلطجى واعوانه وبفلوس هيعلموا عليهم جلاشة ويوميا هبشتغلوا لهم فى الازرق
ومن غير كده مش هتعرف تلمهم
لازم يحضر ليهم عفريت من نفس المنطقه كمان وعن طريق العلاقات مش الفلوس
فعلا البلطجية مبيدخلوش علي بعض
كل منطقة ليها كبير للبلطجية بتاعها وغالبا بيبقي سايس او كارته
بس في الاخر لما بييجي بيبقي تهدية ومفعول مؤقت سرعان ما تعود ريما لعادتها القديمة
للاسف الواحد كفر بكل معاني الانتماء لهذا المستنقع اللي اسمه مصر وما يسكنها من آفات وحشرات الا نا رحم ربي وقليل ما هم
انا لسه راجع من مأمورية في امريكا ومع اني كنت في ضاحية من ضواحي جورجيا وتسمي كورونيلا وبالبلدي ريف وغابات انما نضافة السنين بالرغم من وجود سيول علي مدار اربع ايام متواصله
بجد عمر مصر ما هتنضف طول ما شعبها الغالب عليه العشوائية وللاسف العشوائية تنتصر وتطغي علي النظام وليس العكس