استفتاء .. افضل نوع كاوتش للاسبرنزا ام 11 ؟؟

السلام عليكم ورحمة الله وبركاته

اخوانى الكرام بعتذر جدا عن الانقطاع لفترة طويلة انا فعلا مقصر فى حق المنتدى وفى حق الناس المحترمة اللى انا اتعرفت عليهم من خلال الموقع لكن فعلا لظروف خارجة عن الارادة .. اتمنى ان كلكم تكونوا بخير وبكامل الصحة والعافية.

العربية حاليا عاملة 51 الف كم وانا حاسس انى اتكيت علي العجل ومتهيألى المفروض اغيره فى اقرب وقت. بصفة عامة الحمد لله محصلش مشاكل من العجل لحد دلوقتى لكن اكتر من مرة روحت اظبط حاجة فالراجل بياخد بالو ان العجل ماشى كتير ويبتدى ينصحنى اغيره قريب.

انا عادة مش بسافر كتير بدليل العربية عدد كيلوات قليل فى مدة 5 سنين ولكن كل فترة بطلع مشوار الساحل او السخنة تغيير جو وكده يعنى ويمكن المشاوير دى كمان هى اللى عملت معايا عداد شوية :)

عشان مطولش عليكم ايه رأيكم اغير العجل بقى وكفاية على القديم كده؟ وياترى تنصحونى بايه افضل انواع موجودة فى السوق من ناحية الخامة والتحمل والسعر كمان فى نفس الوقت علما بان جنوط العربية 16 بوصة.

فيه واحد بتاع عجل قاللى على نوع يابانى اسمه Falken وبيشكر فيه جدا وسعر الفردة تقريبا حوالى 650 جنيه.

اتشرف بارائكم ونصايحكم اللى اتسفدت منها واتعلمت منها كتير على مدار السنين اللى شاركت فيها فى المنتدى المحترم ده.

تحياتى لكم

يوكوهاما او كونتننتال ....تويو او بردجستون

انا داخل امسي عليك بس

عن تجربة لاكتر من خمس سنين الكومهو الفيتنامى من حيث الخامة ( مطاط طرى منسب للعفشة الرياضية و طبيعة طرق مصر ) و السعر و كمان النقشة لانها مناسبة لمعظم فصول السنة ( صيف او شتاء )
عن الكومهو الاكستا kumho ecsta spt اتحدث و تحياتى لك

اقتباس:

---

المشاركة الأصلية كتبت بواسطة hugan

انا داخل امسي عليك بس

---

مساءك عسل والله ليك وحشة انت ايه اخبارك يا باشا؟؟

انا قولت مش هلاقى حد من الناس القدامى :)

اقتباس:

---

المشاركة الأصلية كتبت بواسطة ياسر يوسف

يوكوهاما او كونتننتال ....تويو او بردجستون

---

كتر خيرك ياباشا ..البريدجستون انا عارفه انما الباقى صناعة ايه؟

اقتباس:

---

المشاركة الأصلية كتبت بواسطة amgad1521977

عن تجربة لاكتر من خمس سنين الكومهو الفيتنامى من حيث الخامة ( مطاط طرى منسب للعفشة الرياضية و طبيعة طرق مصر ) و السعر و كمان النقشة لانها مناسبة لمعظم فصول السنة ( صيف او شتاء )
عن الكومهو الاكستا kumho ecsta spt اتحدث و تحياتى لك

---

ازيك يا امجد باشا؟ الناس الحلوة كلها لسه هنا اهو :)

ده سعره كام ياترى؟؟

اقتباس:

---

المشاركة الأصلية كتبت بواسطة khaled_saga

ازيك يا امجد باشا؟ الناس الحلوة كلها لسه هنا اهو :)

ده سعره كام ياترى؟؟

---

تحياتى لك استاذ خالد فى الحقيقة انا معايا ال 516 و جنطها 15 مش 16 و جايبها الفردة من جريسكو فى شارع شبرا من شهرين ب415 الفردة بترصيصها و نيتروجين و طبعآ جريسكو هو واخد توكيل كومهو يعنى ال 16 ممكن تعمل فى حدود من 460 و انت طالع بس بصراحة كاوتش محترم و مناسب للعربية و سعرها حنين ....... و اخيرآ المنتدة منور بأهله خالد باشا تحياتى لحضرتك !!!!!!!

اقتباس:

---

المشاركة الأصلية كتبت بواسطة amgad1521977

تحياتى لك استاذ خالد فى الحقيقة انا معايا ال 516 و جنطها 15 مش 16 و جايبها الفردة من جريسكو فى شارع شبرا من شهرين ب415 الفردة بترصيصها و نيتروجين و طبعآ جريسكو هو واخد توكيل كومهو يعنى ال 16 ممكن تعمل فى حدود من 460 و انت طالع بس بصراحة كاوتش محترم و مناسب للعربية و سعرها حنين ....... و اخيرآ المنتدة منور بأهله خالد باشا تحياتى لحضرتك !!!!!!!

---

شكرا امجد باشا على سرعة الرد. المنتدى منور بيك والبناس الحلوة اللى موجودين زى حضرتك بجد.

لو سعرها مثلا 500 حتى زى ما انت بتقول تبقى حنينة اوى فعلا لان اللى انا سألت عليه بيتكلم فى 600 وانت طالع!

هسأل اشوفها موجودة ف بنها ولا لأ وابقى اقولك وصلت لايه.

تحياتى لك

انا كلمت محل عندنا فى بنها وقولتلو على ال kumho ecsta spt ku31 وبكرة او بعدو المفروض يرد عليا ويقولى هيعرف يجيبها ولا لأ

خالد باشا مساء الفل حبيبي لك وحشة كبيرة , انا من زمن بردة مدخلتش المنتدى لكن من حسن حظى دخلت لقيتك حاطط موضوع علشان امسى عليك وعالناس الحلوة , انا معايا البريدجستون اليابانى من اكتر من سنة وماشاء الله محترم جدا وفرق رهيب بينه وبين البريليي الى كان ناشف جدا بس سعره اكيد دلوقت هيعدى ال650

اقتباس:

---

المشاركة الأصلية كتبت بواسطة katoba

خالد باشا مساء الفل حبيبي لك وحشة كبيرة , انا من زمن بردة مدخلتش المنتدى لكن من حسن حظى دخلت لقيتك حاطط موضوع علشان امسى عليك وعالناس الحلوة , انا معايا البريدجستون اليابانى من اكتر من سنة وماشاء الله محترم جدا وفرق رهيب بينه وبين البريليي الى كان ناشف جدا بس سعره اكيد دلوقت هيعدى ال650

---

والله ليك وحشة كبيرة يا احمد .. اتمنى انك تكون بخير انت وكل الاسرة :) عامل ايه؟؟؟؟

انا اخدت بنصيحة اخونا امجد ولسه حالا قبل ما افتح اللابتوب مستلم الكومهو اكستا spt .. محل عندنا فى بنها كلمته امبارح وجابهملى النهاردة الفردة على 520 جنيه سعرها حنين وزى ما امجد قال انها كويسة وانا دورت عليها عالنت ولقيت الناس بتشكر فيها فعلا .. وبينى بينك عشان تجيب حاجة يابانى الميزانية هتتخرم :D انا توكلت على الله ومفكرتش كتير والخيرة فيما اختاره الله.

ان شاء الله اكلمك قريب

مساء الفل يا امجد باشا

انا جبت ال kumho ecsta spt ku31 205/55/R16 زى ما مقاس العربية بيقول تمام .. الفردة على 520 جنيه

تمام كده؟

اقتباس:

---

المشاركة الأصلية كتبت بواسطة khaled_saga

مساء الفل يا امجد باشا

انا جبت ال kumho ecsta spt ku31 205/55/r16 زى ما مقاس العربية بيقول تمام .. الفردة على 520 جنيه

تمام كده؟

---

خالد باشا آسف انى كنت مشغول و مش داخل على المنتدى عشان ارد عليك مبروك الكاوتش الجديد اعتقد كده فى المقاس ده يبقى سعره كويس و هو وسط لا غالى و لا رخيص ان شاء الله يعجبك كمان نقشته فيها ميزة مش بتلم حصة و زلط كمان فردة طرية تاخد و تدى معاك فى شوارعنا الجميلة مرة تانية مبروك و ربنا يديك خيرها و يكفيك شرها

اقتباس:

---

المشاركة الأصلية كتبت بواسطة amgad1521977

خالد باشا آسف انى كنت مشغول و مش داخل على المنتدى عشان ارد عليك مبروك الكاوتش الجديد اعتقد كده فى المقاس ده يبقى سعره كويس و هو وسط لا غالى و لا رخيص ان شاء الله يعجبك كمان نقشته فيها ميزة مش بتلم حصة و زلط كمان فردة طرية تاخد و تدى معاك فى شوارعنا الجميلة مرة تانية مبروك و ربنا يديك خيرها و يكفيك شرها

---

كتر خيرك يا امجد ولا يهمك انت كتر خيرك على النصيحة وان شاء الله تكون فى محلها.
باذن الله هركبهم الخميس الجاى ولما امشى بيهم شوية هبقى اقولك انطباعى عنهم.
تحياتى لك.

اقتباس:

---

المشاركة الأصلية كتبت بواسطة khaled_saga

كتر خيرك يا امجد ولا يهمك انت كتر خيرك على النصيحة وان شاء الله تكون فى محلها.
باذن الله هركبهم الخميس الجاى ولما امشى بيهم شوية هبقى اقولك انطباعى عنهم.
تحياتى لك.

---

صباح الفل خالد باشا ما تنساش تاريخ الانتاج المحفور على فردة الكاوتش هتلاقى 4 ارقام جنب بعض على فردة الكاوتش طمنى انتاجها امتى الاربع ارقام يعنى اسبوع الكام من سنة كام ( اول رقمين من الشمال يعنى السنة و تانى رقمين يعنى الاسبوع )
على سبيل المثال : 1540 = يعنى الاسبوع ال 40 من السنة لسنة 2015 و تحياتى لك

اقتباس:

---

المشاركة الأصلية كتبت بواسطة amgad1521977

صباح الفل خالد باشا ما تنساش تاريخ الانتاج المحفور على فردة الكاوتش هتلاقى 4 ارقام جنب بعض على فردة الكاوتش طمنى انتاجها امتى الاربع ارقام يعنى اسبوع الكام من سنة كام ( اول رقمين من الشمال يعنى السنة و تانى رقمين يعنى الاسبوع )
على سبيل المثال : 1540 = يعنى الاسبوع ال 40 من السنة لسنة 2015 و تحياتى لك

---

تصدق لسه مفتكش الكيس من عليهم .. هفك واحدة النهاردة باذن الله واشوف واقولك؟ هو الصلاحة بتكون أد ايه؟؟

اقتباس:

---

المشاركة الأصلية كتبت بواسطة khaled_saga

تصدق لسه مفتكش الكيس من عليهم .. هفك واحدة النهاردة باذن الله واشوف واقولك؟ هو الصلاحة بتكون أد ايه؟؟

---

هو الكاوتش له صلاحية خمس سنين من التركيب او من 40 الى 50 الف كيلو بس طبعآ هنا فى مصر مفيش الكلام ده اعرف ناس بيفضلو مركبين الفردة لغاية ما النقشة تتمسح طبعآ ده غلط اما بالنسبة لتاريخ الانتاج المحفور على الكاوتش ما يكونش عدى على تاريخ انتاجه اكتر من سنة عشان ظروف التخزين كمان طريقة تصنيع الكاوتش اختلفت عن زمان يعنى مش محتاج تخزين بالعكس محتاج يركب فى العربية على طول من غير انتظار

اقتباس:

---

المشاركة الأصلية كتبت بواسطة amgad1521977

هو الكاوتش له صلاحية خمس سنين من التركيب او من 40 الى 50 الف كيلو بس طبعآ هنا فى مصر مفيش الكلام ده اعرف ناس بيفضلو مركبين الفردة لغاية ما النقشة تتمسح طبعآ ده غلط اما بالنسبة لتاريخ الانتاج المحفور على الكاوتش ما يكونش عدى على تاريخ انتاجه اكتر من سنة عشان ظروف التخزين كمان طريقة تصنيع الكاوتش اختلفت عن زمان يعنى مش محتاج تخزين بالعكس محتاج يركب فى العربية على طول من غير انتظار

---

امجد باشا انا لقيتها الاسبوع ال 39 من سنة 2015 يعنى تقريبا اواخر شهر سبتمبر يبقى ده كويس جدا صح؟؟

تحياتى لك

اقتباس:

---

المشاركة الأصلية كتبت بواسطة khaled_saga

امجد باشا انا لقيتها الاسبوع ال 39 من سنة 2015 يعنى تقريبا اواخر شهر سبتمبر يبقى ده كويس جدا صح؟؟

تحياتى لك

---

كده اصلى الاصلى يا خالد باشا مبروك عليك و ما تنساش تقول لى رأيك فيها ايه بعد التركيب و تحياتى لك

اقتباس:

---

المشاركة الأصلية كتبت بواسطة amgad1521977

كده اصلى الاصلى يا خالد باشا مبروك عليك و ما تنساش تقول لى رأيك فيها ايه بعد التركيب و تحياتى لك

---

امجد باشا الله يبارك فيك :)
وبعد تجربة تقريبا لمدة اسبوع اقدر اقولك الفردة دى ممتازة وناعمة وحلوة جدا مقارنة بسعرها .. اشكرك على النصيحة وفعلا اللى ركبلى الفرد شكرلى فيها جدا وقاللى الكومهو فعلا ممتازة.

فيها عيب وحيد وليس قاتل .. بتلم حصى فى الفراغ اللى فى نص الفردة داير مايدور بس حصى صغير مبحسش بيها فى المشى لكن بشوفها لو العجل مكسور وانا برة العربية مش اكتر :)

تحياتى ليك ولكل من شاركنى فى الاختيار

اقتباس:

---

المشاركة الأصلية كتبت بواسطة amgad1521977

تحياتى لك استاذ خالد فى الحقيقة انا معايا ال 516 و جنطها 15 مش 16 و جايبها الفردة من جريسكو فى شارع شبرا من شهرين ب415 الفردة بترصيصها و نيتروجين و طبعآ جريسكو هو واخد توكيل كومهو يعنى ال 16 ممكن تعمل فى حدود من 460 و انت طالع بس بصراحة كاوتش محترم و مناسب للعربية و سعرها حنين ....... و اخيرآ المنتدة منور بأهله خالد باشا تحياتى لحضرتك !!!!!!!

---

امجد باشا
شكرا على المعلومة
هو حضرتك مركب 195/55/r15 ولا 195/60/r15