باذن الله ناوي اشتري كورولا مستعملة بس لاحظت حاجة غريبه ان موديلات ٢٠٠٩ و٢٠٠٨ رخيصة وناس كتير كاتبة انهم غيرولها الفتيس هل الموديلات ديه فيها مشاكل وايه هي المشاكل ومتوسط سعرها ارجو الرد
عرض للطباعة
باذن الله ناوي اشتري كورولا مستعملة بس لاحظت حاجة غريبه ان موديلات ٢٠٠٩ و٢٠٠٨ رخيصة وناس كتير كاتبة انهم غيرولها الفتيس هل الموديلات ديه فيها مشاكل وايه هي المشاكل ومتوسط سعرها ارجو الرد
مرحبا اخى الكريم
الكورولا من ٢٠٠٨ ولحد ٢٠١٠
كانت فيها مشكله فى الفتيس والشركه اقرت بده وبيتم تغيير و استبدال الفتيس فى التوكيل بالفتيس الجديد
والكورولا فى الفتره دى كانت بتنزل جنوب افريقى ويابانى
الجنوب افريقى سعره يختلف عن اليابانى
ارخص شويه
الجنوب افريقى بيبدأ من ٨٥ الى ١٢٠ على حسب الحاله والفبريكه
اليابانى سعرها اعلى شويه
من ١٠٠ الى ١٤٠
على حسب الحاله
وعلى حسب انها الفئه الكام
فى منها بصمه وفى منها مفتاح
مرحبا اخى الكريم
العربيه اللى حضرتك عارض صورها خليجى
يابانى مش جنوب افريقى
سعرها يتراوح من ١٣٥ الى ١٤٠
الكورولا مشاكلها تكاد تكون معدومه
لكن طبعا لازم تعمل الصيانات فى وقتها وبقطع اصليه
الكورولا بشكل عام من اقدمها لاحدثها
عربيه ناجحه واعتماديه وقطع غيارها عمرها طويل محرك قوى وهادىء عفشه رائعه ومريحه للغايه
تصميم عصرى عامل الامان متوفر فيها بشكل يثبت حفاظها على ارواح راكبيها
سياره خدمه شاقه
طيب اية صحة تغيير تيل الفرامل كل شوية دة ؟
وهل الصيانة الدورية مكلفة جامد ، يعني مثلا بالمقارنة بالنيو النترا هل الكورولا مكلفة عنها بكتير ؟
وهوا لازم توكيل ولا في ناس شغالة فيها زي مراكز الخدمة او الورش العادية زي هيونداي مثلا ؟
انا اسف طولت علي حضرتك بس انا عايز اشتري عربية ومحتار ،شكرا لاهتمامك.
طيب اية صحة تغيير تيل الفرامل كل شوية دة ؟
وهل الصيانة الدورية مكلفة جامد ، يعني مثلا بالمقارنة بالنيو النترا هل الكورولا مكلفة عنها بكتير ؟
وهوا لازم توكيل ولا في ناس شغالة فيها زي مراكز الخدمة او الورش العادية زي هيونداي مثلا ؟
انا اسف طولت علي حضرتك بس انا عايز اشتري عربية ومحتار ،شكرا لاهتمامك.
مشكله التيل مش فى الكورولا بعينها
المشكله فى الانواع الغير اصليه المنتشره فى السوق بتسسب مشاكل لاى عربيه تركب فيها
وبتبوظ الطنابير وخطر على حياتك
والتوكيل زيه زى اى توكيل الحاجه فيه اغلى شويه
وممكن تشوف مركز محترم تتعامل معاه فى الصيانه بس تشترى قطع الغيار الاصليه وهتلاقيها متوفره
بره التوكيل هتلاقيها اغلى شويه بس مش زى التوكيل
طب سؤال هل فتيس ال ام ام تى الموجود فى الجنوب افريقى بيتم تغييره بالفتيس الاتوماتيك العادى ولا ايه نظامه؟
عندك حق احنا مشكلتنا عايزين نستورد ابو قرش عشان نبيعة بجنية ونكسب 99 قرش بدل مانكسب عشرة قروش ونراعي ربنا ونستورد الخامة الافضل.
طيب مش رديت عليا في فرق التكاليف عن النيو النترا مثلا ؟ واية رايك فية وجة مقارنة اصلا بينهم ؟ ونصيحتك ليا اية ؟
انا مش عارف بس امبارح شفت صور لبيع عربية و كاتب موديل 2010 بس الراجل موضح انها جنوب افريقي بس الغريبة ان الصور الفتيس فيها اتوماتيك ، مش استريبترونك !!!
وضحلنا الموضوع دة يا باشا اذا تكرمت الله يفتح عليك . صور الفتيس اتوماتك والعربية جنوب افريقي ؟ طيب ازاي !!
اعتقد الخليجي استرالي مش يابانى و لم اسمع عن مشاكل للفتيس فيها
الكامرى تصنع فى استراليا
الهايلوكس تايلندى
التويوتا فى ٢٠١٠ منشأها فى اليابان وتايوان ( الصين )
وايضا فى جنوب افريقيا لكن تقفيل فقط والصناعه كانت اوربيه
لكن اللى اعرفه ان القطع الحساسه من موتور وفتيس تصنع فى اليابان وباقى الاجزاء تصنع فى مصانع تويوتا خارج اليابان لرخص الايدى العامله وليس لقرب المكان منا
ونعم اخى الكريم الفتيس mmt بيستبدل بفتيس اتوماتيك عادى
والفتيس اللى فى الصوره اتوماتيك عادى يجوز اشترى العربيه بعد حل المشكله ويجوز قام بتغيره فى التوكيل
المشكله بالاخص كانت فى ٢٠٠٨ و٢٠٠٩ لكن فى عربيات بتشتريها موديل ٢٠٠٩ فى نهايه السنه وبتترخص ٢٠١٠
وفتيس ال mmt ليس معيوب كما يظن البعض لكن ليه طريقه فى التعامل وفى ناس لحد دلوقت بتستخدمه
وبالنسبه اخى الكريم فى اسعار قطع الغيار فى التوكيل والفرق ما بينها وبين اسعار الالينترا
انت بتقارن بين كورى ويابانى وبين الشكل القديم فى الكورولا والشكل الجديد فى الالينترا الالينترا قطع الغيار فيها مش رخيصه
بس لازم يكون فى علمك انك بتركب عربيه محترمه فلازم هتصرف
والسعر اللى اديتهولك دا سعر اليابانى انما لو جنوب افريقى هيقل
تحياتى
ربنا يوفقك للى فى خير
2010 نزلت جنوب افريقى بفتيس اوتوماتيك عادى وبعد كده نزلوها يابانى