باذن الله ناوي اشتري ماتركس فكنت عايز اسال اهل الخبرة عن مميزات وعيوب العربية ومتوسط سعر مويلات ٢٠١٠ و٢٠١١ ارجو الرد
عرض للطباعة
باذن الله ناوي اشتري ماتركس فكنت عايز اسال اهل الخبرة عن مميزات وعيوب العربية ومتوسط سعر مويلات ٢٠١٠ و٢٠١١ ارجو الرد
متابع
مميزاتها انها عربية عالية من جوة يعنى تنزل وتطلع واقف
كمان قطع غيارها متوفرة وعربية واسعة قوى وشنطتها محترمة وتشيل فيها 4 شنط سفر مرتاحين والكنبة الخلفية بتقدر تطلعها قدام وتتنيها يعنى مساحة اضافية للشنطة
كمان ثباتها ممتاز
عيوبها انك بتبقى مفضوح وانت قاعد لأن مساحة الزجاج كبيرة قوى
لكن توكل على الله
هتعجبك وهى عائلية جدا
المميزات
1- قعدتها عاليه و مريحه جدا و كاشف الطريق بشكل صعب تلاقيه فى اى عربيه تانيه -
2- قطع غيار متوفره جدا و باسعار ممتازه جدااااااااااااااااااااااا
3- اعطالها قليله جدا و صيانتها سهله
4- ثباتها معقول ( باسافر بيها اسبوعيا 600 كم - بامشى ع سرعة 150 كم / ساعه و الحمد لله مفيش مشكله )
5 استهلاك البنزين معقول ( مش موفره جدا و مش حوت بنزين )
عيوبها
1- فقيره فى الكماليات جدااااااااااااااااااااااا
2- الملفات لازم تاخدها على سرعه معقوله شويه علشان العربيه ارتفاعها كبير
3- شنطتها صغيره نسبيا
4- العربيه فى الاوتوماتيك تحس ان التسارع بطئ شويه ( وزن العربيه تقيل ع الفتيس ) لكن فى المانوال سحبها ممتااااااااااااااااز ( ع فكره انا ركبت الاتنين مانوال و اوتو فتره طويله )
اجمالا العربيه صفقه رابحه جدا و مريحه نفسيا و هيبقى صعب عليك تركب بعدها اى عربيه سيدان
خلاصة القول هي عربية ممتازة و تستحق الاقتناء. كانت معايا من 7 سنين و لسه بتعجبني لحد النهاردة و بجد أريح عربية في القعدة و السواقة. و السعر في حدود 100 للحالة الممتازة
زى ماقلتلك
توكل على الله
وهاتها
بشمهندس وائل السلام عليكم ورحمة الله وبركاته
احييك على اختيارك للماتريكس لانها فعلا سيارة تستحق الاقتناء مقارنة بالمواصفات والسعر والامكانيات مقارنة بانواع اخرى
مميزات السيارة:
سيارة هاتشباك عائلية محترمة
واسعة من الداخل وابعادها قليلة من الخارج نفس مقاسات الجوليت تخيل
ثبات ما شاء الله محترم لغاية 140 في اغلب الفئات طالما السيارة معمولها الصيانة ومظبوطة
نوعين للتقفيل
2005 الى 2008 كوري تقفيل كوري
2009 الى 2011 تقفيل تركي الشكل الجديد
مانيوال او اوتوماتيك محترمة
مستوى القعدة في السواقة مرتاح جدااا
السيارة عالية في القيادة ولكن ليست عالية في ابعاد السيارة ملحوظة هامة
الا اذا ركبت جنط 15 يظبط معاك شوية طبعا الارتفاع
مستوى الرؤية كويسة جدااا اثناء القيادة
العيوب:
فعلا زي ما قال الاستاذ تامر راغب الكل شايفك وانت سايق لكن انا شخصيا مركب ستائر ريحتني من الموضوع ده لكن البربيز كبير برضه
زي ما قال الاستاذ سامي الملفات لازم تكون حذر فيها ودي على فكرة في اغلب السيارات
فعلا السيارة فقيرة من جوة لكن اغلب الموديلات في فئتها نفس الفكرة لا جديد
عيوبها قصاد مميزاتها اعتقد المميزات تكسب
الاهم تجيب عربية سليمة باذن الله تعالى وتعمل حسابك يا كبير مش اقل من 100 مقفولين قابل للزيادة طبعا توصل 110
بالتوفيق ان شاء الله تعالى اي طلب انا في الخدمة باذن الله تعالى ....تحياتي
برافو عليك أ/ علاء
العربيه
من 2004 ل 2007 كورى
ومن 2008 ل 2011 تقفيل تركى