محتاج مشورى بسرعة بخصوص تيجو1600

**said.d.y** · 12-12-2015 11:29 PM

السلام عليكم ورحمة الله وبركاتة، قدامى تيجو1600موديل 2010 ماشية88 الف كيلو مغيرة كبوت ورشة كبوت واكصدامات وجزء من الرفرف الامامى، ومغيرة زجاج خلفى، ومحتاجة طقم كاوتش وسرفيس وعفشة وشوية تظبيط في حدود 6 :7 الاف جم. (تم الكشف عليها طرف ورشتين تخصص اسبيرنزا) صاحبها طالب 60 الف جم. ولو نزلت موش اكتر من 1000 بالكتير... ادوس ولا بلاش.... ياريت تفيدونى لانى بشتريها لاخوايا الصغير

**miam0502788391** · 23-12-2015 04:05 PM

طيب سبب تغيير الكبوت ايه ؟؟
ممكن تكون مخبوطة من قدام ولا وقع حجارة وطوب على الكبوت

**Mohamed Desoky** · 23-12-2015 04:47 PM

السلام عليكم ورحمة الله وبركاته التيجو عربية حلوة وعالية المهم انتى بتشتيرى مستعمل يعنى لازم هتصرف شوية انتى اهم حاجة مفيش خبطة جامدة وصلة للشاسية من قدام اوفى الشنطة والقوايم سليمة والموتور شغال 4 سلندر يعنى السلانسية مظبوط ومفيش دخنة زرقة من الشكمان الصالون نظيف متفكش قبل كدة السقف ببوية الفبريكة حتى لوجربان كل ده سليم ارفع العربية وبص على الارضية سليمة يبقى خير واشترى من المالك بلاش التجار حتى لوحلفلك بكل الاديان السماوية اوعى التجار الرخصة من مالكها بلاش توكيلات علشان انتى فى مصر لوكل الكلام ده سليم توكل على الله وممكن تنزل اى مبلغ بس الفلوس يشوفها البائع ليها سحر اما الكبوت والرفارف حتى الببان كل ده بيتغير وما يعبشى العربية وربنا يوفقك

**said.d.y** · 26-12-2015 10:40 AM

شكراً يا اجدع رجالة اسبيرنزا في مصر على الاهتمام والمشورة،
انا اسف لسة شايف الردود دلوقتى لانى كنت مسافر اليومين الفاتوا....
الكبوت متغير في توكيل أبو الفتوح، والخبطة كانت تريحة من فوق ، لاكن انتوا عارفين التوكيل مبيصلحش حاجة، والصدر والاكصدام والحوض زيرو.
الدهان كلة في الكبوت والاكصدامات لدى التوكيل. والموتور زى الفل والصالون محتاج نظافة كيماوى.
انا بشترى من صاحبة العربية مباشرة وهى صاحبتها من الزيرو، والفكرة في انها مسافرة وكانت ركنة العربية، وبتبيعها علشان الركنة بوظتها وقيمتها بتقل كل سنة.
ما رايكم دام عزكم

**hugan** · 26-12-2015 01:14 PM

المشاركة الأصلية كتبت بواسطة said.d.y

شكراً يا اجدع رجالة اسبيرنزا في مصر على الاهتمام والمشورة،
انا اسف لسة شايف الردود دلوقتى لانى كنت مسافر اليومين الفاتوا....
الكبوت متغير في توكيل أبو الفتوح، والخبطة كانت تريحة من فوق ، لاكن انتوا عارفين التوكيل مبيصلحش حاجة، والصدر والاكصدام والحوض زيرو.
الدهان كلة في الكبوت والاكصدامات لدى التوكيل. والموتور زى الفل والصالون محتاج نظافة كيماوى.
انا بشترى من صاحبة العربية مباشرة وهى صاحبتها من الزيرو، والفكرة في انها مسافرة وكانت ركنة العربية، وبتبيعها علشان الركنة بوظتها وقيمتها بتقل كل سنة.
ما رايكم دام عزكم

لو كده توكل علي الله وخلص فيها