سقف الأوبترا

**wael_dosoky** · 13-12-2015 06:46 PM

عندي مشكلة
عندي الكلاب بتطلع علي السقف بتاع الأوبترا بالليل وللأسف هو ضعيف زي ما انتم عارفين والسقف بيتطبق ولازم ارده من جوه بس ابتدي يسيب أثر تعرجات
هل حد عنده حل للمشكلة دي
وشكراً

**Eng_hatemfathy** · 14-12-2015 02:01 AM

قبل ما تنام ادلق ماية علي السقف وسيبه مبلول مفيش كلب هيطلع عليها

**Ali8moh** · 14-12-2015 04:16 PM

الضمان بيشمل الحاجات دي

**Mohamed Desoky** · 14-12-2015 08:59 PM

المشاركة الأصلية كتبت بواسطة ali8moh

الضمان بيشمل الحاجات دي

بسم الله الرحمن الرحيم مش عربية حضرتك مو 2010 يبقى اكيد خرجت من الضما ن على العموم سواء فى الضمان او غيره مفيش توكيل بيعمل تقوية للسقف خالص ده شغل سمكرى عادى لوعايز حل نهائى للموضوع شكرا

**wael_dosoky** · 15-12-2015 09:34 AM

شكراً لكل من قام بالرد
هأفكر فعلا في موضوع تقوية السقف ده
بس ده عاوز صنيعي كويس يعرف يفك السقف ويركبه تاني
كان عندي تجربة سابقة في عربية اخري ، الصنيعي فك السقف وللأسف ما رجعش زي الأول لما ركبه

**الاسد المهاجر** · 18-12-2015 09:08 AM

ابعد العربية لان السقف هيبوظ اكتر وشوف قصة الخوصه

**wael_dosoky** · 17-03-2016 10:26 AM

تحديث
كما اشركتكم في المشكلة احب ان اشرككم في النتيجة بعد الحل
الحمد لله
مصاريف فك اوعادة تركيب السقف 150 جنيه عند السروجي
مصاريف عدد 2 خوصة بالدهان بالسليكون العضم والتثبيت واعادة تظبيط السقف عند السمكري 250 جنيه
وتم الأختبار بواسطة الكلاب نفسها طلعت ونامت علي السقف كالعادة ومحصلش زي ما كان بيحصل من تطبيق وخلافه

**Mohamed Desoky** · 17-03-2016 10:49 AM

السلام عليكم ورحمة الله وبركاته خير ماعملت والحمد لله ان المشكله اتحلت بس ليه الكلاب مزاجهم العربيه بتاعتك هومفيش عربيه فى الشارع غيرعربيتك والف مبروك على حل المشكله

**wael_dosoky** · 17-03-2016 01:18 PM

المشاركة الأصلية كتبت بواسطة mohamed desoky

السلام عليكم ورحمة الله وبركاته خير ماعملت والحمد لله ان المشكله اتحلت بس ليه الكلاب مزاجهم العربيه بتاعتك هومفيش عربيه فى الشارع غيرعربيتك والف مبروك على حل المشكله

هههههههههه لا والله هي ظاهرة الكلاب الضالة منتشرة في اماكن كتيرة في مصر ،،، المسئولين مش فاضيين ليهم ،،
الشارع مليان عربيات و الكلاب بيعملوا حفلات عليهم طوال الليل وخصوصاً العربيات الي عليها غطاء