استفسار بعد افراج السويس لمرور الاسكندرية !

**Deshahcoka** · 14-12-2015 02:41 PM

رجاله صباح الفل

انا في حد معرفه مخلص عربيه في مينا السويس افراج نهائي و دفع الجمرك و الحبشتكانات و ادوله صوره من اخطار ترخيص نهائي سيارات - مجمع السيارات النهائي وورقه خضره اذن الافراج و مشي راح اسكندرية قالواه الورق بيبتعت مرور رابعه بعديها بيوم و بيطلع على اسكندرية

الكلام ده بقاله 15 يوم بيسال في مرور محرم بيه مفيش ورق فسال ناس قالوله اطلع مرور الدراسة هات رقم صادر و وجه لمرور الاسكندرية مع انهم في السويس قالوله هوا لوحده حيروح و مدهوش رقم صادر ولا غيره

ايه الصح في القصه ديه ؟

**hugan** · 14-12-2015 08:47 PM

فعلا يروح الدراسه ياخد رقم الصادر
خلاف كده الورق مش هايتحرك في سنته

**mohbasyouni** · 20-12-2015 01:25 PM

الورق فعلا هييجى بالبريد على المرور اللى موجه له خطاب الترخيص
انا نزلت سيارة من فترة و الورق اخد 3 اسابيع بدون تدخل نهائي

**Ayman_saad** · 20-12-2015 02:47 PM

الورق فعلا بياخد تقريبا ٣ أسابيع
وتروح تسأل عليه في مرور أبيس مش محرم بك
لأن مرور أبيس بقي هو المرور الرئيسي في أسكندرية ، أنا بقول الكلام ده عن تجربه ، وربنا يوفقك

**hugan** · 20-12-2015 03:47 PM

انا حصلت معايا اخد شهرين والورق ماوصلش غير لما روحت الدرلسه واخدت رقم صادر
الا اذا كانو اتحسنوا

**TAMERMEGAHED** · 21-12-2015 08:27 AM

بص الورق من الافراج لحد مايروح المرور التابع ليه بالظبط 40 يوم وده اكيد لان كذا حد حصل كده معاه وكان في اشتغاله من الى بيخلصوا الورق في الجمرك انه هيودهولك اسرع وكده ومابيحصلش مافيش قدامك الا الانتظار

**Deshahcoka** · 21-12-2015 12:36 PM

المشاركة الأصلية كتبت بواسطة tamermegahed

بص الورق من الافراج لحد مايروح المرور التابع ليه بالظبط 40 يوم وده اكيد لان كذا حد حصل كده معاه وكان في اشتغاله من الى بيخلصوا الورق في الجمرك انه هيودهولك اسرع وكده ومابيحصلش مافيش قدامك الا الانتظار

يعني ده الكلام الاكيد ولا دراسه ولا غيره ... عشان فعلا قالوا الاشتغاله و قاله يعم اسرعلك و اجبلك رقم صادر و يتزق وووو و لو انتا القاهره كان بكره ترخص بس انتا اسكندرية فلازم زقه

طيب خلاص لينا لقاء بعد 20 يوم هنا و اطمنكم اخر التفاصيل ايه يارب