السلام عليكم
يا جماعة أنا عاوزكم تقولولي ايه الحاجات اللي اخد بالي منها و أنا بستلم عربيتي الجديدة؟ ايه الأوراق اللي اتأكد منها و ايه الحاجات التانيه زي الدواسات والمفاتيح و الحاجات دي؟(أنا هستلم النترا)
و كمان أشوف ايه في العربيه نفسها؟
و هو لو جيبت من موزع مش معتمد بيبقى فرق ايه عن موزع معتمد أو التوكيل غبور نفسه؟
و الضمان باخد بيه ورق ولا ايه؟؟
ارجوكم ساعدوني
واسف جدا لو تقلت عليكم
انا برضة كنت عايز اسال نفس الاسئلة ..
انا اسف كان بودي اساعدك.
بس تقريبا مفيش رد هايجي .
والمساعد ربنا
بص على الولاعه والطفايات والاستبين ومفتاح والكوريك الاساسيات دى وطبعا بص على البادى كويس علشان غبور مش تمام
شكرا استاذ رامي
ومستنيين ناس تانيه تفيدنا اكتر
هو محدش بيعدي هنا ليه؟
شكرا استاذ مصطفى برضه
بس ليه مفيش حد بيجي هنا يساعد؟
السلام عليكم
اولا لازم ياجماعا تبصو على جسم السياره بالكامل خصوصا لو هايجيبهالك من المخزن هتلاقى عليها شمع علشان اشعه الشمس ماتخليش لون العربيه يبهت ولو عليها لزق ابيض شيله وشوف فى حاجه تحته ولا لا زى ( خرابيش - خبطه ) علشان اللزق ده بيتباع بالمتر
ثان حاجه انزل تحت العربيه وبص شوف علبه الشكمان اللى فى النص ساقطة ولا لا لانها بتبقى ساعات مايله ونازله لتحت ودى بعد ماهتستلم العربيه هتحس بيها فى المطبات وهتضايق منها خصوصا فى شوارع مصر العظيمه
ثالث حاجه بص على العربيه من جوه شوف لمض العدادات شغاله ولا لا علشان بتبقى ساعات فى لمض محروقه وبص على الطفايه وعلى الكاسيت وعلى الاريال لو كهربا شوفه بيشتغل مع الراديو ولا لا
ورابع حاجه بص على الكوريك والاستبن وشنطه العده واذا كان معاها هدايا يبقى ماتنساش الدواسات والميداليه الفضيه والفواحه اوعى تسيبلهم حاجه
وخامس حاجه استلم نسختين المفتاح ودور وتوكل على الله وماتنسااااش تمون علشان بتبقى اللمبه منوره ونصيحه مش علشان فرحه العربيه تقوم قايل همون 95 وتيجى تانى يوم تمون 92 او 90 لالالا ده بيبقى غلط شوف ايه المتاح ليك طول السنين ان شاء الله وحطه علشان العربيه تبقى مستريحه
والف مبروك عليك مقدما ...
عمرو
اعمل باب خافي و يفطة مضيئة عشان الزباين تيجي
طيب بالنسبة لعلبة الشكمان ممكن تكون ساقطة في عربية و عربية لا؟
أحطهم ازاي يا مصطفى؟
مش عارف :k44:
طب وبالنسبه للضمان؟هاخد بيه ورق؟
و ايه الفرق لو اشتريت من موزع مش معتمد؟
بتبقى ساقطه فى عربيات وعربيات لااقتباس:
المشاركة الأصلية كتبت بواسطة moustafamoussa
وعلى فكره فى الالنترا ساعات المساعدين اللى ورا بيبقو هابطين جداا وتحس ان العربيه فيها حمل وهى اصلا ماحدش راكب فيها
المستحسن تاخد العربيه تحس انها قادره تشيل نفسها مش ساقطه كده من ورا !