ساعه يد حريمى

**Macaronaa** · 16-12-2015 09:04 AM

المشاركة الأصلية كتبت بواسطة pepo2011

يا فندم الزميل العزيز بيتكلم صح لان دي اسعار الرولكس الاصلي Gold Plated والمرصعة الماظ وهاند ميد
لكن موجود منها رخيص في مصر
اما بخصوص Tissot & Citizen فطبعا جميلة بدون شك
وليهم توكيل في مصر مفيش مشكلة فيهم بس الاهم تشتريها من مكان مضمون زي بغداد مثلا
او توشيبا العربي وعلي فكرة ALBA برضو ساعة جميلة بس انا رايي حضرتك تنزلي تدوري في المحلات الاول وتتفرجي لان ممكن الموديل الموجود عالنت مش موجود في مصر
وانا برضو تحت امر حضرتك

انا بشكر حضرتك جدا على الرد والاهتمام
بالنسبه لالبا فبصراحه مش عاجبانى و لا عاوزه الروليكس و اللى بقوا عاجبيننى هم زى ما قولت لحضرتك التيسو و السيتيزن

و ده موديل من سيتيزن eco drive

http://nileup.com/up/uploads/nilemotors_14502490411.jpg

ايه رأى حضرتك فى ساعات ال eco drive ؟

و هل اللون الدهبى ممكن مع العرق الجامد والرطوبه وكده لونه يغير او يطوس؟

وبالنسبه للفصوص هل ممكن تقع ؟

انا شوفت الساعه على موقع بكام كانت عامله 2500 جنيه
هى اكتر من المبلغ اللى كنت حاطاه بس اللى عاوزه اعرفه هل حاجه فى السعر ده ممكن لونها يغير؟

وهل اللون الدهبى ممكن يبان فيه التجريح اكتر من الفضى؟

بصراحه انا على موقع بكام برضه لقيت ساعات تيسو العاديين جدا فيها عاملين 2500 و 2700 ومش عارفه يعنى لو ساعه شبه دى فى تيسو هتبقى عامله كام فلو عند حضرتك فكره ياريت تعرفنى

وبرضه فيه مشكله فى السيتيزن ان كذا ساعه من اللى شوفتهم تبعها الازاز بتاعهم مش ضد الخدش
بعكس حاجات تيسو اللى تقريبا كل ساعاتها او حسب ماشوفت ضد الخدش

فياريت حضرتك تقولى رايك وكده

**dede_dodo88** · 16-12-2015 09:06 AM

ارشحلك CK, موديلاتها في الحريمي بحسها مختلفة و بتعجبني الصراحة..
Tissot في الحريمي تقليدية و مش مبهرة زي موديلات الرجالي.
كنت جبت دي من فترة هدية لأختي و عجبتها جداً ,

Amazon.com: Calvin Klein Quartz, Polished Silver Bangle with Black Mirror Dial - Women's Watch K2823130: Calvin Klein: Watches

**Macaronaa** · 16-12-2015 09:11 AM

المشاركة الأصلية كتبت بواسطة pepo2011

بالنسبة للون طبعا مش هايغير واطمني بس المهم طبعا ولا ميه ولا برفان والرولكس اثبتت وجودها في الموضوع ده لانها بتكون مطلية بطبقة من ميه الدهب رقيقة جدا طبعا لكن بتحافظ علي ثبات اللون
Tissot & Citizen ,Omega ,Movado , وغير هم كتير برضو كويسين انا عارف مميزات وعيوب تقريبا كل الماركات الحمدلله
وعندك Delma , Longines Fossil

مهو انا مش عايزه رولكس لانها غالبا هتبقى غاليه اشكال الموديلات اللى انا عايزاها
يعنى الموديلات اللى انا عايزاها زى اللى بعتها لحضرتك فى الرساله اللى قبل دى على طول بتاعه ال eco drive
فهل لو حاجه من رولكس هتبقى فى رينج السعر بتاع الالفين؟

و رولكس هل هى فى جوده التيسو والسيتيزن؟

و حضرتك قولت عن ثبات لون الرولكس لكن انا عايزه اعرف الماركات اللى سالت حضرتك عنها دى هل برضه لونها بيثبت مع العرق الشديد؟

بص حضرتك انا محتاجه ساعه حماره شغل يعنى تتحمل عرق السنين ورطوبه وتجريح وكل حاجه

**Macaronaa** · 16-12-2015 09:13 AM

المشاركة الأصلية كتبت بواسطة dede_dodo88

ارشحلك ck, موديلاتها في الحريمي بحسها مختلفة و بتعجبني الصراحة..
Tissot في الحريمي تقليدية و مش مبهرة زي موديلات الرجالي.
كنت جبت دي من فترة هدية لأختي و عجبتها جداً ,

amazon.com: Calvin klein quartz, polished silver bangle with black mirror dial - women's watch k2823130: Calvin klein: Watches

انا شوفت ساعات ck بصراحه مش قوى
وهى فعلا تيسو موديلاتها مش مبهره انا بحاول ادور جايز الاقى فيها اشكال شيك بس المشكله انى لقيت اسعارها غاليه اوى يعنى ساعات عاديه خالص وكلاسيك عامله 2500 و 2700 بعكس سيتيزن فيها موديلات فيها شغل شويه وبنفس السعر واشيك

وهل جربت الساعات الدهبى اللى فى رينج ال 1000 الى 2000
من سيتيزن او تيسو او تعرف حد جربها ولونها الدهبى غير معاه مع الرطوبه وكده؟

**dongol123** · 16-12-2015 09:26 AM

المشاركة الأصلية كتبت بواسطة macaronaa

طيب يعنى حضرتك بدل ما تدخل تهزر وتمشى عالاقل رد على سؤالى بالمره

انا ما كنتش بهزر لما رديت...انا كنت بقول معلومة متأكد منها

بالنسبة لسؤال حضرتك فأنا مش عايش في مصر و ما اعرفش محلات الساعات الكويسة من الوحشة علشان كده ما رديتش

وبالنسبة للاشكال فهي ازواق يعني اللي هيعجبني ممكن ما يعجبش حضرتك علشان كده برده ما رديتش

**dede_dodo88** · 16-12-2015 09:34 AM

لا معتقدش ان اللون هيغير بسهولة كده,
Citizen حلوة بس خلي بالك لو Eco-Drive مش هينفع تركنيها فترة من غير استخدام عشان هتلاقيها وقفت..
ممكن تبصي برضه على Michael Kors..

**pepo2011** · 16-12-2015 09:37 AM

يافندم طبعا ثبات اللون موجود والساعة هاتستحمل طبعا وهاتكون جميلة هههههه مع عرق السنين والرطوبة والحوادث والتجريح
واضح ان حضرتك عاوزة ساعة حرب
ههههههه اطمني المهم حضرتك تشتري اللي يعجبك لان دي اذواق

**Macaronaa** · 16-12-2015 09:44 AM

المشاركة الأصلية كتبت بواسطة dede_dodo88

لا معتقدش ان اللون هيغير بسهولة كده,
citizen حلوة بس خلي بالك لو eco-drive مش هينفع تركنيها فترة من غير استخدام عشان هتلاقيها وقفت..
ممكن تبصي برضه على michael kors..

طيب هى السيتيزن ايكو درايف لو وقفت عادى هتشتغل تانى لما ارجع احطها تحت الاضاءه عشان تتشحن والبسها ولا كده هتكون باظت؟

و هل هى ما بتحتاجش بطاريه خالص ولا ممكن بعد كام سنه تحتاج بطاريه؟
واكيد بطاريتها مش البطاريه العاديه فهل البطاريات دى بتبقى عند الوكيل ولا لو البطاريه باظت الساعه هتترمى؟

وشكرا للرد والاهتمام

**Macaronaa** · 16-12-2015 09:47 AM

المشاركة الأصلية كتبت بواسطة pepo2011

يافندم طبعا ثبات اللون موجود والساعة هاتستحمل طبعا وهاتكون جميلة هههههه مع عرق السنين والرطوبة والحوادث والتجريح
واضح ان حضرتك عاوزة ساعة حرب
ههههههه اطمني المهم حضرتك تشتري اللي يعجبك لان دي اذواق

اصل حضرتك عارف انه الواحد مش كل يوم بيشترى ساعه بالاسعار دى
وعشان كده محتاجه حاجه تكون محترمه وتتحمل مره واحده
طيب يعنى هل الاوستيك الستانلس الفضى بيتحمل أكتر من الدهبى العرق والتجريح وكده
وحضرتك ما جاوبتنيش هل الدهبى بيبان فيه التجريح اكتر من الفضى؟

وهل الفصوص اللى بتبقى على الساعه زى لينك الساعه اللى حطيته لحضرتك ممكن تقع مع الاستخدام
و عدم وجودها افضل ولا ايه رأيك؟

**pepo2011** · 16-12-2015 09:57 AM

المشاركة الأصلية كتبت بواسطة Macaronaa

اصل حضرتك عارف انه الواحد مش كل يوم بيشترى ساعه بالاسعار دى
وعشان كده محتاجه حاجه تكون محترمه وتتحمل مره واحده
طيب يعنى هل الاوستيك الستانلس الفضى بيتحمل أكتر من الدهبى العرق والتجريح وكده
وحضرتك ما جاوبتنيش هل الدهبى بيبان فيه التجريح اكتر من الفضى؟

وهل الفصوص اللى بتبقى على الساعه زى لينك الساعه اللى حطيته لحضرتك ممكن تقع مع الاستخدام
و عدم وجودها افضل ولا ايه رأيك؟

اولا طبعا الفضي هايستحمل عن الذهبي طبعا سواء عرق او تجريح وبالنسبة للفصوص الموضوع نسبي ممكن يقع وممكن لاء انت وحظك بس حتي لو وقع سهل يتغير ويركب غيرة ماتقلقيش دي بسيطة
ونصيحة طالما حضرتك شايفة ان الساعة هاتعيش في جو خبطات وعرق وتجريح وحوادث يبقي بلاش ECO-Drive