من مدة كان فى موضوع عن حل مشكلة تعليق زراير الملتى فى الجين2. فى حد عنده فكرة عن حل المشكلة ؟؟
عرض للطباعة
من مدة كان فى موضوع عن حل مشكلة تعليق زراير الملتى فى الجين2. فى حد عنده فكرة عن حل المشكلة ؟؟
افتكرت حضرتك بتتكلم عن العفشه
عموما سؤال للعلم
هل الجين تو تعليقها الخلفي ملتي لنك
لاز انا اقصدى زاير الملتى بتاعة الكاسيت الى فى الدريكسيون
الحل :
سبراي تنضيف زي armor بتاع التابلوه وترش علي الزراير بحيث السبراي يدخل جوة الزراير .. وانسي التعليق ده
ايه هو الحل ؟
دى تجربته الشخصيه لحل مشاكل آزار طارة الدريكسيون كان عندى زرار توطية الصوت بيهنج وجربت اسبريه منفعش وعرفت الحل
١ افصل كابل البطاريه
٢ فيه مسمارين فى الطارة محتاجين النكيه نجمه على المقاس بالظبط
٣ بعد فكهم اسحب وش الطارة هيطلع الجزء بتاع الزارير والكلاكس حته واحدة
٤ فك فيشه اللى رايحه للزراير ومحتاج النكيه نجمه بس صغير اووووى حتفك جزء تعليه وتوجيه الصوت والجزء التانى بتاع التقديم والترجيع كل جزء فيه مسمارين وتفك جزء ابيض اللى هو زى الكلبس وده فى الناحيتين برضه
٥ حتلاقى كل جزء فيه ثلاث زراير
٦ حتجيب افوميتر وتخليه على الوضع اللى بيقيس الدايره وبيعمل صوت وجرب من ضهر كل زرار عند رجول الزرار وتدوس عليه السليم الافوميتر هيطلع صوت والزرار البايظ مش هيطلع صوت
٧ بعد كدا اى حد بتاع تصليح تليفزيون او كاسيت ممكن هو اللى يكشف علي الزراير والزرار انا غيرته ودفعت خمسة جنيهات مصرى لا غير والنتيجة زى الفل كل الزراير تمام وخلى بالك ممكن لو زرار واحد بايظ يهنج الزراير التانيه اهم حاجه انك تكشف عليهم بالافوميتر عند حد محترم وتغيره
الزرار ده اتنين رجل مش اربعه رجل وتمنه خمسه جنيه بتركيبه ولحامه على البورده
وتحت امركم فى اى استفسار