الموضوع: عن تغيير الطقس weather modification…… و أشياء اخري

شكرا لكل اللى شارك فى الموضوع

الموضوع كان الغرض منه ..... زى ما لخص الأستاذ فريد ...... ان اللى كنا فاكرينه خيال علمى ..... انهارده و بكره حيبقى واقع ملموس

خصوصا مع تقلبات الطقس الغريبة اللى بتحصل حاليا ....... و ده موضوع مختلف تماما عن الأحتباس الحرارى و تغير المناخ بصفه عامة

كل اللي وصل له الانسان في هذا المجال حتي الان هز التاثير في بعض الظواهر زي تلقيح السحب وليس انشاء السحب - تفريق السحب وهو نفس نظرية الكميتريل - بس
منظومة المطر اكبر من اي دولة واكبر من كل الدول منظومة المطر تشمل الشمس بحركتها وتوهجها وبقعها ورياحها والارض وموقعها وحركتها وغلافها والمحيطات واليابس والجبال وياتي في النهايه التاثير البشري والتلوث

أدى الفيديو اللى فيه ناسا عملت سحاب صناعى ثم قامت بتلقيحه ليمطر... و بالمناسبة اللى بيعلق عليه جيريمي كلاركسون بتاع توب جير اللى انذهل من اللي شافه زيه زي اللي مش مصدق أن الموضوع ده بيحصل:
NASA Make Artificial Cloud - BBC Top Gear: http://youtu.be/s5KgYFvsW0c

و أدى لينك تاني على السريع كده عن أن الصين بتصنع 55 مليار طن مطر صناعى كل سنة و تنوى مضاعفة الكمية دى عدة مرات و طبعا ده للمناطق اللي بيضربها الجفاف:

China creates 55 billion tons of artificial rain a year—and it plans to quintuple that - Quartz

و ده كله مبقاش غريب لان التقدم التكنولوجي مكن العلم من إدراك ماهيات ظواهر الطبيعة و الكون و ليس مجرد إدراك كمياتها و قياساتها فقط كما كان يحدث في الماضي بسبب عدم وصول التكنولوجيا للمستوى ده زمان ... عشان كده محدش يستغرب أو يستبعد حاجة ممكن العلم يعملها قبل ما يبحث عنها

المشاركة الأصلية كتبت بواسطة rotanamasoud

ماهر باشا واحشنى والله
انا مش مصدق بالنسبه لجزئيه الاعاصير والتحكم فيها ممكن المطر
احيانا المواضيع دى بتنزل لالهاء الناس

اهلا اهلا يا غالى

بص الموضوع بسيط. . . التقدم التكنولوجى خلاص خلى العلم ممكن يحقق الخيال . . . ده خلاص بقى واقع عايشين فيه عشان كده لا شئ اصبح مستغرب او مستبعد. . . و حتى الاشكالية الدينية اللى فى الموضوع. . . حلها بسيط. . . طبعا الرياح و المطر و غيرها من ظواهر الطبيعة جند من جنود الله يسخرها كما يشاء. . . لكن هو مش البنى ادم برضه هو خليفة الله سبحانه و تعالى على الارض. . . و كمان ربنا سبحانه وتعالى اعطى للانسان المفتاح اللى يمتاز به عن كافة المخلوقات و يدرك به ظواهر الطبيعة و الكون. . . و هو العقل. . . و بالتالى يصبح غير مستغربا ان يصل العقل البشرى لمستوى ادراك جوهر الظواهر الطبيعية و الكونية و استغلالها و التحكم فيها لانه بيعمل ده بتفويض من الله سبحانه و تعالى اللى اعطاه اصلا الاداة التى تمكنه من ذلك بل و حثه حثا على إعمالها اى إعمال العقل . . . مصطفى محمود الله يرحمه تعب كتير اوى فى حل الاشكالية دى :-)

و حتى موضوع الاعاصير. . . جايز التقدم العلمى الحالى لسه موصلش لتحييد تأثيرها. . . لكن ده ميمنعش انه ممكن يوصل فى المستقبل. . . خاصة ان المبدأ العلمى موجود و مبنى على قانون من قوانين الطبيعة و هو قانون نيوتن التالت. . . يعنى لو قدرت ناسا فى يوم ما انها تعمل ماكينة عملاقة زى ماكينة صنع السحاب اللى شوفتها فى الفيديو. . . و يمكن نقلها من مكان لاخر. . . تعمل ايه. . . بما ان الاعصار عبارة عن رياح شديدة تقدر سرعتها بعدة مئات من الكيلومترات فى الساعة تدور بشكل حلزونى حول نقطة مركزية. . . اذن لو الماكينة المتنقلة اللى هتعملها ناسا قدرت تعمل اعصار صناعى بنفس سرعة الاعصار المدمر و يدور حول مركز دوران عكسى للاعصار المدمر و وجهته فى مسار الاعصار المدمر . . . هتكون النتيجة ايه. . . قوتين متساويتين فى المقدار و متضادتين فى الاتجاه. . . هيلاشوا بعض

اذن زى ما بقولك التقدم التكنولوجى خلى العلم يحقق الخيال. . . و لازم نفهم جوهر الاشكاليات الدينية ان وجدت فى الموضوع . . . عشان نقدر نجارى العالم. . . غير كده هنبقى مقصرين فى حق انفسنا و سنحاسب على هذا التقصير دنيا و آخرة

حتى الأعاصير فيه شغل و ابحاث كتير بتتعمل حواليها ............ حذكر بعضها

عملية غضب العاصفة operation stormfury ....... مشروع بحثى بدأ سنة 1962 و انتهى سنة 1983 ..... الفكرة كانت توليد حمل حرارى convection خارج و بجوار مركز الأعصار عن طريق حقن ايوديد الفضه ..... و ده بيأدى لأنشاء مركز جديد للأعصار و بيتسبب فى اغلاق المركز الأصلى زى ما شرح الأستاذ ماهر ........ فيه كلام ان المشروع حقق نجاح مبشر و نجح فى تقليل سرعة الرياح لواحد من الأعصاير الأربعة اللى اتجرب عليها بنسبة 30% من سرعة الرياح الأصلية ...... بعض النظريات بتقول ان المشروع ماكنش فقط لدراسة الأعاصير بغرض اتقاء شرها ...... لا ده كمان بغرض دراسة امكانية انشأها كمان

http://www.aoml.noaa.gov/hrd/hrd_sub/sfury.html

الأعصار ساندى sandy hurricane ....... اشاعات و نظريات كتير بتكلم ان المشروع هارب هو المسئول عن توليد الأعصار ده سواء عن طريق الخطأ او العمد ......... بعض مؤيدى نظرية العمد بيكلموا ........ ان اوباما كان اكتر واحد مستفيد من الأعصار اللى حصل فى شرق الولايات المتحدة و فى مناطق تغلب عليها الميول للحزب الجمهورى و قبل الأنتخابات الأمريكية مباشرة ......... ده ساعد اوباما انه يظهر بصورة البطل و يضمن ان يتم انتخابه مرة تانية ......... نفس الكلام اتقال على الأعصار كاترينا ايام بوش

احنا مش بنقول ان امريكا او الغرب وصل بيهم العلم ...... انه بضغطه زر يمحى دول .... خصوصا انه مش لوحده فى العالم ده و فيه غيره شغالين على نفس الأفكار و المشاريع ...... بس الأكيد ان فى شغل و تقدم كبير حصل فى الموضوع ده ........ و رغم كثرة المعلومات فى المجال ده ...... الا اننا مش شايفين غير جزء بسيط و بقية جبل التلج تحت المية مش شايفينه