الموضوع: عن تغيير الطقس weather modification…… و أشياء اخري

معلومات مخيفة بصراحة

ملعومات قيمة و شيقة

المشاركة الأصلية كتبت بواسطة hobiko

عن تغيير الطقس weather modification و الكيمتريل chemtrail و أشياء أخرى :)

بمناسبة الجو الغريب العجيب اللى احنا فيه ده .......... بوست طويل شوية بس فيه معلومات كويسه و حينور دماغك

التاريخ:-

المفاجئة هنا ان العالم عرف تجارب تغيير او التلاعب في الطقس من زمان ...... يمكن من أوائل القرائن العشرين ....... التجارب ديه بدأت تاخد شكل علمى منضبط يمكن من أوائل الخمسينات في القرن العشرين بعد الحرب العالمية التانية و ظهر اسامى علماء قاموا بالتجارب ديه و خصوصا cloud seeding أو تلقيح السحب زى Vincent J. Schaefer و Wilhelm Reich

اشهر التجارب ديه كان تلقيح السحب أو cloud seeding و الفكرة بتاعته بساطة ازاى تزود إنتاجية السحب من الأمطار و تطور الموضوع لتوجيها انها تمطر في مكان معين و وقت معين

الكلام عن تغيير الطقس او التلاعب فيه .......... مش اى كلام ولا خرافات بدليل ان الدول العظمى من زمان عقدت اتفاقيات مع بعضها بغرض وضع الأنشطة اللى من النوع ده تحت السيطرة وضمان عدم الأضرار ببعضهم البعض

في 1975 وقعت أمريكا مع كندا اتفاقية تحت رعاية الأمم المتحدة تقضي بتبادل المعلومات بينهم وبين بعض بخصوص اى أنشطة بتجريها احدى الدولتين في مجال تغيير الطقس

في 1977 في جنيف وقعت دول كتير برعاية الأمم المتحدة وعلى رأسهم أمريكا و الاتحاد السوفيتى بعد مفاوضات كثيفة وقتها على اتفاقية منع استخدام تقنيات التحكم في الطقس في المجال العسكري او الحربي Environmental Modification Convention (ENMOD) و دخلت الأتفاقية حيز التنفيذ في 1980 ....... ملحوظة على الهامش إسرائيل مش موقعة على الأتفاقية لغاية دلوقتى

في 1997 في تصريح اثار جدل كبير ..... ويليام كوهين وزير الدفاع الأمريكي الأسبق قال ...... ان الأرهابيين في كل مكان بيحاولوا بشتى الطرق الوصول لتقنيات تمكنهم من استخدام تقنيات تغيير الطقس كسلاح .....هذا حقيقى و ان احنا واجب علينا الا ننتظر حدوث هذا و لذلك يجب ان نقوم بكثافة بتطوير تقنيات و وسائل مضادة

في 1999 ورقة بحثية خرجت من U.S Air Force بتكلم عن مستقبل تقنيات التحكم في الطقس توقعت ان أمريكا خلال ثلاث عقود ستكون قد حققت تقدم كبير في التقنيات ديه تصل لمرحلة التحكم الكامل فيها

في 2008 اثناء دورة الألعاب الأوليمبية .... أعلنت الصين انها وضعت خطة لحقن السحب بمواد كيماوية معينة في محاولة للتقليل من حجم الأمطار او منعها قبل وصولها للأستاد المقامة فيه الدورة

في 2011 تقارير و صحف كتير منها UK's Sunday Times و Arabian Business قالت ان العلماء بتكليف و تمويل من حكومة أبو ظبى في الأمارات ..... قاموا بالعديد من تجارب cloud seeding و تسببوا في اكتر من 50 عاصفة رعدية في منطقة قرب مدينة العين الأماراتيه في الفترة من من يوليو و أغسطس 2010

اشهر حوادث و نظريات المؤامرة عن تغيير او التلاعب بالطقس:-

عمليه Operation Popeye .......... برنامج سرى طبقته أمريكا في الفترة من 1967 الى الفترة 1972 في اثناء حرب فيتنام ..... الهدف منه كان زيادة طول فترة المطر الموسمية فوق منطقة معينة في فيتنام بحوالي 30 يوم .... بهدف قطع خطوط الأمداد و التموين عن القوات اللى بتحارب ضد أمريكا هناك

مراسل صحفى اسمه جاك اندرسون ....... وقعت تحت ايده برقية سرية مسربة كانت في موجهه للرئيس جونسون عن العملية ...... طبعا الصحفى ماكدبش خبر و فضح الدنيا ...... السلطات الأمريكية ماقدرتش تنفى الخبر بس قالت ان العملية ما كنش المقصود بيها اى عمل عدائى او عسكرى ........ الفضيحة ديه كانت احد الأسباب الرئيسية اللى قادت لمعاهده جنيف 1977

ظاهره Chemtrail....... الكيمتريل مش ظاهرة في حد ذاته زى ما الناس فاهمة ........ الفكرة هي الخطوط اللى بتبقى طالعة من الطيارات النفاثة في الجو و بتاخد وقت طويل عبال ما تروح ...... بعض الناس بتقول ان الخطوط ديه أحيانا ممكن تحتوى على كيماويات بتساعد على التحكم في الطقس و تلقيح السحب ....... الموضوع كمان انتشر اكتر لأن الصين استخدمت طائرات كتير اثناء دورة الألعاب الأوليمبية لرش كيماويات تقلل من كمية المطر

مشروع HAARP....... مشروع بحثى قامت بيه U.S Air Force و U.S Navy و جامعة الاسكا و DARPA او وكالة المشاريع البحثية المتقدمة الدفاعية ...... الغرض المعلن منه هو دراسة طبقة الأيونوسفير و محاولة تطوير نظم و أساليب اتصالات لاسلكية جديدة ..... المشروع بدأ العمل في محطته في عام 1993 و الأنتهاء منها في 2007 و هي موجودة في الاسكا

اختصارا لحوارات كتير و كلام كتير ........ فيه ناس كتير مؤمنة ان هارب ما هو الا مشروع سرى للتحكم في الطقس والتسبب في كوارث طبيعية زى الأعاصير و الزلازل ....... بس الملفت للموضوع مع تكاثر نظريات المؤامرة حواليه ...... في 1999 دعا الاتحاد الأوروبي المشروع باهتمام عالمي، وافق على قرار يدعو لمزيد من المعلومات حول المخاطر الصحية والبيئية ليه ...... المسئولين عن المشروع اصروا ان المشروع لا يحمل اى خطورة من اى نوع و لكن الحكومة الأمريكية رفضت اعطاء اى دلائل او معلومات مفصلة عن المشروع

الموضوع ده كبير جدا و يتكتب فيه كتب ......... و انا حاولت اختصر قدر الأمكان ....... بس كده :)

المشاركة الأصلية كتبت بواسطة rotanamasoud

اما تغير الطقص نتيجه الغازات وارتفاع نسبه الكربون وحرق الوقود الخ ده اللى حاصل فعلا حاليا

الموضوع فعلا قديم و كان من مجالات البحث العلمي من فترة طويلة
و اللي مش مصدق موضوع المطر الصناعى ممكن يدور على أفلام على ناشيونال جيوجرافيك هيشوف سحاب صناعى بيعملوه و بعدين يرشوا عليه نترات فضة فينزل مطر... لانها فى النهاية تفاعلات كيميائية يمكن صناعتها و التحكم فيها

حد عايز يعرف الخطة النهائية للقضاء على منطقتنا بأرهابها بسلطاتها بباباغنوجها؟ بعد ما يستنزفوا بترولها و فلوسها و ثرواتها كلها هتكون نهايتها كده و بنفس تكنولوجيا تغيير الطقس:

دراسة: دول الخليج لن تكون صالحة للحياة الطبيعية في نهاية القرن الحالي