شوية اسئله عن السياحه فى الاقصر واسوان

**new_man** · 16-12-2015 11:37 AM

من فضلكم انا ناوى بأذن الله اطلع انا والمدام رحلة النايل كروزر ال 4 ايام 3 ليالى هتكون الجمعه 8 يناير وتنتهى بالاتنين 11 يناير

مش عارف هل حجز الطائره هيكون كويس ولا مبالغ فيه خاصتا ان الفرد ب 600 جنيه من اسوان للقاهره وكنا بنفكر نحجز طيران انا والمدام فى العوده

اما الذهاب فكرنا ف قطار الدرجه الاولى ب 135 الفرد للاقصر وتقريبا 12 ساعه وقطار النوم ب 600 كتير جدا وخاصتا انه نفس عدد الساعات

لسه بندور على باخره كويسه شامله المزارات واقامه كامله وكل اللى شفناه فحدود 1000 جنيه الفرد ال 4 ايام دى شامل المزارات والارشاد بالعربى

وعايز اعرف موضوع ان الحجز يكون شامل التوصيل من والى المطار او محطة القطار للباخره ده مهم ولا عادى ممكن بتاكسى؟؟

ورحلة البالون الطائر دى الل ب 300 هل تستاهل ولا اى كلام؟

ممكن معلومات للى راح هناك وايه اللى اخد بالى منه قبل الحجز وهناك بشكل عام؟؟

**Khaled Online** · 16-12-2015 12:09 PM

ابعد عن رحلة البالون الطائر تماما
كان فيه حادثة مميتة من حوالي سنتين البالون وقع من وسط الجو والناس ماتت
معايير السلامة غير جيدة بالمرة
وحضرتك في القاهرة ابقى روح البرج ب20 جنيه للفرد وهتتبسط من غير مخاطرة البالون

**ahmed_eng2001** · 16-12-2015 12:26 PM

الموضوع حسب امكانيات حضرتك المادية ....
لو مش متعود على الجلوس فى القطار ل 12 ساعة ... بلاش احسن علشان متزهقش
لو ممكن تدفع 600 جنيه فى السفر .... السفر بالطائرة حيكون افضل

ممكن حضرتك تنزل فى محطة القطار ( لو اخترت السفر بالقطار ) و تاخد تاكسى عادى جدا
البواخر ... فى منها خمس نجوم و فيه 4 نجوم ... و فيه رحلات 4 ايام و ستة ايام

كان فيه احد الاخوة الاعضاء سافر بالعربية ...و بالمرة ... فى الطريق حتقابل معابد فى سوهاج و معابد فى المنيا .. و معابد دندرة فى قنا

ربنا يوفقك و تقضى وقت جيد ان شاء الله

**new_man** · 16-12-2015 01:13 PM

ابعد عن رحلة البالون الطائر تماما
كان فيه حادثة مميتة من حوالي سنتين البالون وقع من وسط الجو والناس ماتت
معايير السلامة غير جيدة بالمرة
وحضرتك في القاهرة ابقى روح البرج ب20 جنيه للفرد وهتتبسط من غير مخاطرة البالون

متشكر لرد حضرتك وفعلا انا كنت قلقان منه جدا

الموضوع حسب امكانيات حضرتك المادية ....
لو مش متعود على الجلوس فى القطار ل 12 ساعة ... بلاش احسن علشان متزهقش
لو ممكن تدفع 600 جنيه فى السفر .... السفر بالطائرة حيكون افضل

ممكن حضرتك تنزل فى محطة القطار ( لو اخترت السفر بالقطار ) و تاخد تاكسى عادى جدا
البواخر ... فى منها خمس نجوم و فيه 4 نجوم ... و فيه رحلات 4 ايام و ستة ايام

كان فيه احد الاخوة الاعضاء سافر بالعربية ...و بالمرة ... فى الطريق حتقابل معابد فى سوهاج و معابد فى المنيا .. و معابد دندرة فى قنا

ربنا يوفقك و تقضى وقت جيد ان شاء الله

انا بفضل اكون رايح قطار وراجع طيران بس معرفش طيران كام ساعه من اسوان للقاهره

**new_man** · 16-12-2015 01:14 PM

وكنت عايز اعرف هل الرحله هتكون ممتعه ولا اطلع شرم افضل ؟؟

**Imhotep** · 16-12-2015 01:26 PM

من ناحية الاستمتاع فده مؤكد لو انت بتحب التاريخ و الاجواء الاسطورية اللى بيعملها التواجد فى وسط الاعجازات الحضارية للمصريين القدماء. . . احساس غير عادى لما تعرف تفاصيل ازاى الناس دى عاشت و انجزت اللى انجزته
انما لو انت عايز اجازة انتخه يبقى شرم افضل طبعا
بالاضافة للجو التحفة فى الوقت ده لدرجة انك بتلاقى نفسك لابس لبس خفيف يادوبك جاكت خفيف فى اسوان فى النهار
الرحلة من القاهرة لاسوان و بالعكس بتاخد حوالى ساعة

**Elawany13** · 16-12-2015 10:00 PM

الرحلات ديه عايزه برنامج تبع شركة سياحية تمشى عليه
لإنك هتروح مكان متعرفهوش
أنا كنت فى الاقصر واسوان رحلة 4 ايام و 3 ليالى
تبع نقابه ب 850 جنيه للفرد فى الغرفة المزدوجه شاملة كل المواصلات والانتقلات
وفطار وغداء وعشاء اوبن بوفيه على النايل كروز 5 نجوم
فى نهاية الصيف بدأت فى رابع ايام عيد الاضحى الماضى
الرحلة كانت ممتعة جدا .. استمتعت بكل لحظة فيها
بس الحاجه الوحيده اللى طلعت عينى وارهقتنى جدا المشوار الطويل جدا والمرهق فى القطار
من القاهره الى اسوان استغرقت حوالى 13 ساعه
كنت رايح فى اولى مكيفه بس مستواها زفت ... ورجعت فى قطار ال V.i.p
قطار النوم هيبقى احسن كتير
-------------------------------------------------------------------
بالنسبة للبالون اكيد ممتعه والأمان فيها بقى عالى جدا بعد الحادث الشهير للسياح
بيكون واقف لتأمينك شرطة وجيش ومطافى ومش اى شركة بتقدمها
سعرها كان ب 250 جنيه تبع شركة مصر للسياحة وبسمع ان فيه شركات بتقدمها بأسعار اقل