السلام عليكم ورحمة الله
اعضاء المنتدى الكرام كل عام وانتم جميعا بخير.
ده تقريبا اول موضوه ليا بعمله هنقل فيه تجربتى فى تجديد عربيتى
العربيه ابيزا 97 ماتور AEX 1400 cc
من اسبوعين بدات فى تجديد السياره :
اولا الاعمال الميكانيكيه :
- كان عندى طقطقه مع الدورانات غيرت كوبلن يمين .
- كان عندى دواسه الفرامل القيها مره واحده هربت للاخر غيرت ماستر عمومى .
- كان عندى نقص فى الميه يومى غيرت طرمبه الميه لانها كانت منتهيه والماسوره اللى خلف الماتور اللى وصله بالشجره وجارى التجربه للتاكد من عدم وجود نقص او تسريب من اى مكان اخر .
- كان الدبرياج تقيل غيرت سلك دبرياج .
- كان التيل الامامى خلصان غيرت طقم تيل امامى .
- غيرت سير دينامو .
- غيرت طقم بلى عجل خلفى علشان كان فيه صوت ونه فى المشى .
- العربيه جابت جوان وغيرت وش السلندر بالكامل وطقم كوتش صباب ميه الحنفيه كلت وش السلندر القديم .
- غيرت طقم بوجيهات .
- غيرت ترموثتات المروحه .
ثانيا : اعمال العفشه :
- غيرت طقم جلب مقصات جبت جلب GM بتاعت الافيو بتركب من غير تعديل .
- غيرت طقم بارات خارجيه .
- غيرت كاوتشات المزيكا .
- غيرت طقم جلب دونجل خلفى : انا رحت لكذا عفشجى قالى مساعدين العفشجى اللى كنت بعمل عنده خلص العفشه قدام وطلع جرب سمع الدبه اللى ورا رجع رفع العربيه قالى الجلب بايظه خالص ووهيا اللى عامله الدبه مش المساعدين وبالفعل غيرت الجلب والدبه اختفت .
- كان عندى بوش فى الدريكسيون كانت الصليبه مش مربوطه ربطها والعربيه بقت تمام .
** اسعار قطع الغيار : كل قطع غيار من اولاد فتح الباب فرع رمسيس :
- 2 باره خارجيه 140
- 2 كاوتش مزيكا 70
- 2 جلبة دونجل خلفى 220
- 2 جلبه مقص GM بتاعت الافيو ده من عند اى حد بتاع قطع غيار دايو 110
- كوبلن خارجى 220
- ماستر فرامل عمومى 260
- ماسوره مياه 80
- سلك دبرياج 110
- سير دينامو 100
- تيل فرامل ده من الصفوه فى رمسيس نوعه بوش 120
- طرمبه مياه 260
- جوان وش سلندر 120
- 8 كوتش صباب 40
- بوجيهات 50
- ثرموثتات مروحه 75
- ثرموثتات كوعه 75
- وش سلندر استيراد 500
وسيتم تغيير القربه بكرا والتاكد من عدم وجود اى تسريبات وغسيل الدوره ووضع ميه خضراء .
وهشترى فانوس امامى يمين والاشاره لانهم مكسورين خالص وهاوفيكم بالجديد وبالاسعار .
محتاج فرش ابواب وكاوتش الابواب لان اللى راكبين مش بتوعها وبيدخلوا هوا جامد بس مش عارف اجبهم منين لو حد يقدر يفيدنى يبقى كتر خيره .
تمنياتى لكم بالتوفيق الدائم