تقرير رحلة الاقصـر وأسـوان بالتفصيل ( بالصور والفيديو )

**Elawany13** · 29-12-2015 02:18 PM

[img3]http://i.imgur.com/SUAgH.png[/img3]

هويس إسنا جنوب الأقصر

الهَويِس منشأة ملاحية فائدتها نقل القطع الملاحية (المراكب والسفن وخلافه) من منسوب مياه لمنسوب مياه اخر في المجرى المائي سواء كان ترعه أو نهر أو قناة مائية. والاختلاف في المنسوب هذا خلال المجرى المائي يكون سببه وجود اختناق في المجرى المائي بسبب وجود منشأت في الممر المائي مثل الجسور والهدارات والقناطر، لذلك تكون الأهوسة بجوار هذه المنشأت لتجنب انقلاب المركب بسبب اختلاف مناسيب المياه. والهويس مكون بوابتان خلفية وأمامية للمرور، وبه عدة بوابات جانبية لتفريغ وملئ الحوض حتى يتسنى للقطعة البحرية المرور إلى أعلى أو إلى أسفل بعد أن تفتح البوابات الجانبية لتساوى مستوى المياه الخلفي بالحوض أو الأمامي بالحوض حسب اتجاه السفن.
اثناء الرحلة النيلية الاى الاقصر احتشد جميع ركاب النايل كروز فى الدور العلوى الصندك لمشاهدة عبور القطع البحرية لهويس إسنا

هويس انسا يقع جنوب الأقصر وأنشأه الخديو إسماعيل عام 1908
كانت القناطر ترتفع ستة أمتار ونصف المتر فوق منسوب المياه، ويبلغ طولها 900 متر وتشمل 120 عينا كل عين تمتد لخمسة أمتار، أما في طرفها الغربي يوجد هويس للملاحة لعبور السفن طوله 80 مترا وعرضه 16 مترا وفوق القناطر يوجد الطريق المرصوف وعرضه 6 أمتار.

ده فيديو لعبور مركب سياحية هاويس اسنا
المراكب الصغيره اللى حوالين النايل كروز عبارة عن باعة جائلين فى النيل هههههههه
أساتذه فى حدف البضاعة بتاعتهم الى ارتفاع يقارب الدور الرابع مثلاً
وبيتم التفاوض والفصال معهم على السعر ثم يتم قذف الفلوس اليهم من المركب السياحية

شاهد الفيديو

http://www.youtube.com/watch?v=Toihm3wvyao

**hobiko** · 30-12-2015 10:31 AM

بصراحة موضوعك حببنى فى الرحلة ديه ......... بس عندى سؤالين لو تكرمت

ايه أخبار الأولاد ....... يعنى كانوا مبسوطين و لا ماعجبهمش جو المتاحف و الأثار ده ؟

تانى حاجة ......... البواخر و الأوتيلات العائمة ديه .......... ممكن تقولنا على اسماء أشهرها او افضلها ؟

و شكرا جزيلا

**Elawany13** · 31-12-2015 08:13 AM

المشاركة الأصلية كتبت بواسطة hobiko

بصراحة موضوعك حببنى فى الرحلة ديه ......... بس عندى سؤالين لو تكرمت

ايه أخبار الأولاد ....... يعنى كانوا مبسوطين و لا ماعجبهمش جو المتاحف و الأثار ده ؟

تانى حاجة ......... البواخر و الأوتيلات العائمة ديه .......... ممكن تقولنا على اسماء أشهرها او افضلها ؟

و شكرا جزيلا

الشكر لله يا أخى

ابنى الكبير فى 5 ابتدائى والتانى فى 2 ابتدائى
من اهم اسباب خروجى لهذه الرحلة انى لاقيت سعرها متميز جدا + مكان أول مرة أكتشفه + بحب اكون عكس جموع الناس (كل الناس كاانت بتتوجه للشواطئ وبقى حالها صعب فأنا توجهت للأقصر واسوان للاستمتاع بالهدوء وبعيد عن الصخب ) + الأولاد بيدرسوا فى المناهج بتاعتهم هذه المعابد وتاريخ الفراعنه

طبعا العيال فى السن ده مبيعجبهومش العجب ولازم يقريفوا منك بالذات فى المعابد
انما الاقامه فى الفندق العائم وحمام السباحة كانوا مستمتعين بيهم جدا جدا وفى منتهى السعادة

بالنسبة لأسامى البواخر العائمة اللى كنت فيها اسمها ليجاسى
كانت لسه جديده دخلت الخدمة عام 2011 وملحقتش تشتغل
فكل حاجه فيها كانت لسه زيرو
شوفت بواخر تانيه جديده وفخمه وبواخر أقل فخامه وأخرى قديمة
بس محفظتش أسماء

**Elawany13** · 01-01-2016 07:39 PM

[img3]http://i.imgur.com/SUAgH.png[/img3]

الوصول الى المرسى النهائى الأقصر

المحطة النهائية للنايل كروز كانت مدينة الأقصر الجميلة الساحرة فى حدود الحادية عشر مساءا ونزلنا جولة حرة فى شوارع وأسواق الأقصر أما المرسى مباشرة... وفوجئت أن المرسى أمام معبد الأقصر وبجواره أفخم وأغلى فنادق الأقصر وهو قصر الشتاء ( Winter Palace ) الذى بناه الملك فؤاد ليستمتع بشمس الاقصر فى فصل الشتاء ... ويوازى روعة قصر المنتزه فى الاسكندرية للاستمتاع بالبحر والجو اللطيف فى فصل الصيف

الأقصر عائمة على آثار وكنوز واعمال البحث والتنقيب فيها لا تتوقف والاكتشافات الأثريه فيها يومية وكذلك اعمال الحفر غير الشرعية مستمرة ، معظم اهالى الاقصر منذ قديم الأزل لما بيلاقوا كنز ذهبى فرعونى كانو بيسيحوه وبيعملوا منه مشغولات ذهبيه للنساء وبالتالى بيفقد قيمته الأثريه مع العلم ان 1 جم من الذهب الأثرى الفرعونى بيصل ثمنه الى 20 ألف دولار

**Elawany13** · 02-01-2016 09:55 AM

[img3]http://i.imgur.com/SUAgH.png[/img3]

أول يوم فى الأقصر ( زيارة البر الغربى للأقصر )

- وادى الملوك -

أول ما فتحنا عنينا فى صباح اليوم التالى وازلنا ستائر التعتيم من على زجاج الغرفة الخاصه بنا فوجئنا بمنظر خيالى على الضفة الغربية لنهر النيل مزيج من المياه واشجار وخضره وقوارب وجبال شاهقه والعديد من البالون بألوانها المبهجه المرتفع فى السماء

بعد تناول الأفطار توجهنا الى البر الغربى للأقصر وهو الجزء الخاص بالأموات والحياة الآخره وبدأنا بوادى الملوك الذى يحتوى مئات المقابر الملكية معظمها نهبت مقتنياتها من سارقى الكنوز ولم ينجو الا مقبرة الفرعون الذهبى توت عنخ آمون التى اكتشفها هوارد كارتر عام 1922 م بكامل مقتنياتها التى اذهلت العالم بروعتها من الذهب وخشب الابانوس ومصنوعات الألباستر
أكثر ما يبهر الناس فى المقابر الفرعونية فى وادى الملوك هو روعة مناظرها الملونة الزاهية الباقية حتى الآن رغم مرور آلاف السنين فقد اعتدنا أن "تبهت" وتضمحل الألوان بسرعة فى زماننا هذا فى الدهانات والأقمشة وغيرها

اسيبكم مع الصور

**Elawany13** · 03-01-2016 02:43 PM

[img3]http://i.imgur.com/SUAgH.png[/img3]

زيارة البر الغربى للأقصر

- صور مقبرة توت عنخ أمون لحظة اكتشافها -

كل مقابر وادى الملوك اتنهبت وسرقت للأسف من آلاف السنين حتى الآن
المقبرة الوحيده التى نجت من سارقى القبور والكنوز هى مقبرة الفرعون الذهبى توت عنخ آمون
وجد فيها كميات هائلة من الذهب والجرانيت والمرمر والاخشاب المصنعة بدقة بالغه وبجمال يذهل العقول
وهذا هو سبب شهرتها العالمية

للمرة الأولى صور محسنة رقمياً ومعاد تلوينها توضح اللحظات الأولى لإكتشاف مقبرة توت عنخ آمون عام 1922 على يد عالم الآثار الإنجليزي هوارد كارتر.
هذه الكنوز التى لا تقدر بمال تم نقلها الى المتحف المصرى فى القاهره

اسيبكم مع الصور

**Elawany13** · 03-01-2016 09:19 PM

المشاركة الأصلية كتبت بواسطة acura

روعة الله ينور

الله يخليك يا أخى الفاضل

**Elawany13** · 04-01-2016 07:10 AM

[img3]http://i.imgur.com/SUAgH.png[/img3]

تابع زيارة البر الغربى للأقصر

- "الألباستر" ..صناعة ورثها أهالي القرنة عن القدماء المصريين -

بعد زيارة وادى الملوك توجهنا الى قرية القرنة وهى مسقط رأس شيخ الأزهر أحمد الطيب
الحكومة هجرت أهالى هذه القرية القديمة بسبب تهريب الأثار واعمال التنقيب والحفر غير المشروعه فى هذه المنطقة الغنية بالكنوز الفرعونية
وابقت فقط على ورش الألباستر أو المرمر وده المكان اللى ممكن تشترى منه الهدايا والتحف الفرعونية وتكون ضامن انها من المرمر ومش من البلاستيك الرديئ ولازم تكون بتعرف تفاصل كويس

منذ ما يقرب من 5 آلاف عام برع المصري القديم في فن صناعة الألباستر (أو المرمر ) حيث كان يعكف علي حجر صلب ويعبث في تفاصيله بأنامله الصغيرة ليحوله إلي قطعة أثرية غاية في الجمال تجذب الناظر إليها وتجعله مشدوداً أمامها. والآن ورش الألباستر تمارس فن نحت التماثيل الفرعونية، وتقليد النسخ الأصلية على أيدى صناع مهرة من
أبناء قرية «القرنة» بالبر الغربى فى الأقصر، بالقرب من وادى الملوك وهى مسقط رأس شيخ الأزهر أحمد الطيب حيث يقوم الأطفال والكبار بتلك الصناعة التى يجلبون أحجارها من جبال «القرنة» فى رحلة تستغرق ثلاثة أيام، محملة على ظهور الدواب، ليقوموا بعدها بتهذيب تلك الأحجار ونحتها بطريقة بدائية تشبه صناعتها أيام الفراعنة، كما هو مدون ومرسوم على بعض جدران المقابر ليبيعوها للسياح. وأهل القرنة انفردوا بتلك الصناعة اليدوية منذ أمد بعيد، فلا يوجد مدينة أو محافظة أخرى فى مصر تقوم بتلك الصناعة، فمصانع الألباستر تنتشر فى قرية «القرنه» دون غيرها من المحافظات، وعددها 250 مصنعا مليئا بالتحف والتماثيل التى ينحتها الصبية والعجائز، لافتا الى ان حجر الالباستر له ثلاث الوان الابيض والبني والاخضر.

اسيبكم مع الصور والفيديو

[img3]http://nileup.com/up/uploads/nilemotors_14518840621.jpg[/img3]

[img3]http://nileup.com/up/uploads/nilemotors_14518840622.jpg[/img3]

[img3]http://nileup.com/up/uploads/nilemotors_14518840623.jpg[/img3]

[img3]http://nileup.com/up/uploads/nilemotors_14518840624.jpg[/img3]

[img3]http://nileup.com/up/uploads/nilemotors_14518840625.jpg[/img3]

[img3]http://nileup.com/up/uploads/nilemotors_14518840626.jpg[/img3]

http://www.youtube.com/watch?v=3Cl5fGmY8ak

الموضوع: تقرير رحلة الاقصـر وأسـوان بالتفصيل ( بالصور والفيديو )

LinkBack

أدوات الموضوع

عرض

-

-

-

-

-

-

-

المواضيع المتشابهه

رحلة الى الاقصر واسوان تقرير متكامل بالتفاصيل والصور والفيديو والاسعار (الجزء الرابع)

رحلة الى الاقصر واسوان...تقرير متكامل بالتفاصيل والصور والفيديو والاسعار (الجزء الاول

أول تقرير بالصور والفيديو لكاسيت Adrian AD-M9

تقرير كامل عن بيجو 3008 بالصور والفيديو

رحلة الى الاقصر واسوان تقرير متكامل بالتفاصيل والصور والفيديو والاسعار (الجزء التالت)

الكلمات الدلالية لهذا الموضوع

المفضلات

المفضلات

ضوابط المشاركة