انشاء مصنع صغير

**طارق _عبد السلام** · 19-12-2015 07:09 PM

المشاركة الأصلية كتبت بواسطة secret-man

ربنا معاك يابطل
نصيحه شوفلك محامى صايع ليه سكه ويخلص الاجراءات ديه وغالبا بياخد تكلفة مابين 10 الى 15 الف لحد مايسلمك السجل الصناعى والترخيص وكل شيىء

لانك لو لفيت بنفسك وعملت كل حاجه يبقا ربنا معاك

انا كان معايا محامى صايع وتخصص تراخيص وتقريبا انا خلصت نصف اجراءات الترخيص لوحدى وكان بسرعه

ولحد اشتراط موافقه البيئه استعنت بالمحامى للتكمله لان لها جلسه ومستشارين وكلام ملوش آخر ومن بعد ها مع المحامى الدنيا اتعطلت كتير

الافضل شويه تعب هتخلص بسرعه

او حد تبع الحى بيخلص تراخيص ويكون له سمعته فى الموضوع ده هيخلصها فى اربع شهور بالكتير

**mk3** · 25-12-2015 01:09 AM

يا جماعه انتم اكيد بترخصوا فى اماكن غير صناعيه
المناطق الصناعيه اكيد بتسهل جدا الاجراءات لانها بتبقى خاضعه للمواصفات
وفى مناطق صناعيه متقسمه مساحات صغيره للمشاريع الصناعيه الصغيره

**طارق _عبد السلام** · 25-12-2015 10:43 AM

المشاركة الأصلية كتبت بواسطة mk3

يا جماعه انتم اكيد بترخصوا فى اماكن غير صناعيه
المناطق الصناعيه اكيد بتسهل جدا الاجراءات لانها بتبقى خاضعه للمواصفات
وفى مناطق صناعيه متقسمه مساحات صغيره للمشاريع الصناعيه الصغيره

تقريبا مدينه المحله الكبرى عندنا كلها منطقه صناعيه

المشكله كلها الروتين وكثره الموافقات وكل موافقه محتاجه لجنه وكل لجنه محتاجه وقت علشان تتشكل

وبعدها ينزلوا يعاينوا وبعدين يضعوا لك بعض الاشتراطات ولازم تتنفز كل دا بياخد وقت ومجهود من طالب الترخيص ..يعنى مثال بسيط موافقه البيئه على المشروع لازم تقدم للبيئه وبعد شهرين البيئه ترفض الطلب..وبعدين انت تتظلم..ويحددوا لك جلسه وتكون فى القاهره فى التجمع وبتاخد وقت اكثر من 6 شهور وبعدين تاخد الموافقه..ومن دا كتير

**طارق _عبد السلام** · 25-12-2015 07:50 PM

المشاركة الأصلية كتبت بواسطة mk3

برضو يا استاذ طارق المحله صناعيه عالورق لان طالها العشوائيه زيها زى اى اماكن تانيه
المناطق الصناعيه دلوقتى زى اللى فى اكتوبر والعاشر وفى منها ايجار وبتاخدها مجهزه

ازاى بس دا كفايه عندنا شركه مصر دى اكبر شركه فى قطاع النسيج على مستوى الشرق الاوسط

غير مفيش شارع مفيهوش مصانع من تطريز الى نسيج الى ملابس

علشان كده تعتبر المحله كلها منطقه صناعيه

لكن فعلا ممكن فى العاشر من رمضان هتلاقى المكان مجهز بكهرباء محركات .. فخلاص مش محتاج الترخيص

او هتعمل رخصتك براحتك

**طارق _عبد السلام** · 30-12-2015 01:02 AM

المشاركة الأصلية كتبت بواسطة mk3

بالتوفيق يا استاذ طارق
وكنت عايز اطمن من حضرتك
هل التراخيص موقفالك الشغل
يعنى حضرتك شغال وماشى فى التراخيص ولا قافل للاسف لحين صدور التراخيص

ربنا يبارك لك

لا المصنع مفتوح..لكن الشغل هو اللى بعافيه من نصف شهر 11.............لكن بتشتغل عادى جدا لان من الطبيعى وقت المعاينات لازم يشوف المكن شغال...وكمان فيه حاجه اسمها قياس شده ضوضاء بيحتاجوا المصنع يكون شغال....المشكله الترخيص بياخد وقت وجهد جامد وبيعملوا اشتراطات غريبه وجديده يعنى النهارده اجبرونى على تعاقد مع الحى والزامى بدفع مبلغ 150 جنيه شهريا مع التشديد على المضاعفه فى حاله عدم الدفع قال ايه نضافه ..قلت لهم انا بدفع تقريبا 20 جنيه على ايصال الكهرباء نضافه قالوا لى دى حاجه تانيه...نظام غبى جدا والخنقه كمان هروح ادفعهم فى الحى مش هييجى لى محصل (اتاوه)ده غير رسوم السجل التجارى والصناعى كل سنه ورسوم الغرفه ورسوم اتحاد الصناعات ورسوم الرخصه نفسها والتامينات والضرايب كتييييييييييييييييييييير كده....بجد وصلت لحاله لاتتخيلها بسبب الرخصه اللعينه..مع ان والله مالها اى لازمه اغلب المصانع شغاله بدون ترخيص ومحدش بيعبرهم.. لكن احتياجى للكهرباء المحركات هو السبب

**svneleven** · 30-12-2015 04:39 AM

ربنا يكون في العون. بدل ما يساعدو الناس تشتغل لا بيسدوها في وشهم. حسبنا الله و نعم الوكيل.

-

-

-

-

الموضوع: انشاء مصنع صغير

LinkBack

أدوات الموضوع

عرض

-

-

-

-

-

المواضيع المتشابهه

مصنع bmw !

مصنع للردياتير زى مصنع جريش للزجاج

مافيش جى ام صغير الوات يعنى بتتاعو صغير

عايز ايس بوكس صغير وترمس صغير برده

انشاء مصنع لشركة byd فى المانيا

الكلمات الدلالية لهذا الموضوع

المفضلات

المفضلات

ضوابط المشاركة