أنا نش مقتنع بالرد بتاعك 100% يا باشمهندس سبعاوى

**roffa1** · 31-07-2007 12:09 AM

سوف أعيد شرح المشكلة مرة تانيه بتفصيل أكتر . معايا فيرنا 1600 أوتوماتيك مو 2005 عامله 87000 منذ حوالى 15000 كم أبتدت العربية كل ما أملاها على الآخر يعنى لما أفولها على الأخر و بعد ما أمشى بيها حوالى 1كم و أول ما أرفع رجلى من على البنزىن أو أدوس على الفرامل , العربية تبطل و طبعا علشان أشغلها تانى لازم أديلها غيار ال N و أدوس على البنزين كتير مع الكونتاكت علشان تشتغل تانى .الحكاية دى تتكرر مع كل تهدية أو دوسة فرامل لغاية لما أستهلك حوالى 4 أو 5 لتر ترجع العربية زى الساعة آخر حلاوة . مع العلم بأنى غيرت فلت البنزين و البوجيهات و فلتر الهوا مرتين فى خلال 10000 كم و كمان غيرت موتور طلمبة البنزين بآخر أصلى من التوكيل. مع العلم بأننى كل مشاويرى على الطريق السريع و طبعا لما تبطل العربية مايبقاش فيها فرامل ولا باور طبعا الموضوع فى منتهى الخطورة.حضرتك رديت على سؤاتى و قلت بالحرف الواحد........ دى مشكلة شرقان، العربية بتشرق نتيجة لأن كمية البنزين اللى بتدخل من الرشاشات اكتر من اللازم

لازم تروح بيها التوكيل وتفهمهم ان العربية بتشرق ويعيدو ضبط السوفت وير أو يغيروا الرشاشات حسب الخطوة اللى يشوفوها صح، بس انا فى تخيلى ان تغيير الرشاشات هايحل المشكلة دى......سؤالى بقى لو ان المشكلة فى الرشاشات ليه مابتحصلش المشكلة دى الا لما أفول التانك على الآخر بس؟ ليه ما بتحصلش لما يكون التانك فيه نصه بس؟ مع العلم بأنه ساعات نادره لما أكون مهدى السرعه و عاز أسرع أدوس على البنزين ماتستجيبش العربية بسرعه و كأن العربيه مطفيه و بعد ثانيه تنط العربيه مسرعه[/u]

**AMIR FAROUK** · 31-07-2007 01:43 AM

المشكلة دى محتاجة التوكيل ومش اى حد يلعب فى العربية الموضوع ده متعلق بالراجع بتاع البنزين من الانجكشن بيبقى فيه حاجة زى بلف او ماشابه هى اللى بتتحكم فى كم البنزين الراجع الى التنك وبيبقى ليه ضبط معين عن طريق سوفتوير
فاذا كانت هذه هى السبب فى المشكلة او سبب اخر فاعتقد ان الحل سيكون افضل عن طريق التوكيل لان اى لعب من شخص مش فاهم ممكن يضر بشئ اخر فى السيارة والله اعلم

**hazem_khidr** · 31-07-2007 04:55 AM

لازم تروح بيها التوكيل وتفهمهم ان العربية بتشرق ويعيدو ضبط السوفت وير أو يغيروا الرشاشات حسب الخطوة اللى يشوفوها صح، بس انا فى تخيلى ان تغيير الرشاشات هايحل المشكلة دى......سؤالى بقى لو ان المشكلة فى الرشاشات ليه مابتحصلش المشكلة دى الا لما أفول التانك على الآخر بس؟ ليه ما بتحصلش لما يكون التانك فيه نصه بس؟ مع العلم بأنه ساعات نادره لما أكون مهدى السرعه و عاز أسرع أدوس على البنزين ماتستجيبش العربية بسرعه و كأن العربيه مطفيه و بعد ثانيه تنط العربيه مسرعه

ممكن يكون الفايز بتاع التانك مسدود .
او حاجه تانيه ان العربيه مش وش نعمه :D :D

**amrnader** · 31-07-2007 05:05 AM

ايسط حل: متفولش العربية على الاخر :mrgreen:

**OsKaR** · 31-07-2007 05:41 AM

انت جبت الديب من ديله

ايسط حل: متفولش العربية على الاخر

**sab3aawy** · 31-07-2007 09:14 AM

انا لازلت مقتنع انها مشكلة شرقان،

الأسباب اللى خلتنى افكر فى ذلك هى:
1- انها بتبان اكتر لما يكون التناك مليان، او ما يمكن ترجمته بكمية اكبر من البنزين تدفعها الطرمبة لمنظومة الرشاشات
2- ان العربية مش بتبطل منك غير لما تكون مشيت شوية، عينى تأثير كمية البنزين الكبيرة ظهر
3- ان العربية مش بتدرو غير لما رجلك تكون على البنزين، يعنى فاتح بلف الهواء على الآخر مما يسمح بتسرب بخار البنزين الزائد

لكن فى النهاية هو استنتاج مبنى على العوامل السابقة ، قد يكون صح وقد يكون غلط، والشرقان فى العربيات الإنجكشن بيكون سببه رشاشات مسيلة او سوفتوير واللى مخلينى ميال لفكرة الرشاشات اكتر ان معظم العربيات الكورى من هذة الفئة بتشتكى من الرشاشات فى هذا العمر(80-100 الف كيلومتر)، وعلى ذلك انا اقترحت عليك تكشف عليها

**saged** · 31-07-2007 09:35 AM

انا مع راي مهندس سبعاوي
وكمان ممكن يكون تهييس سوفت وير
والفيرنا الاتوماتيك السوفت وير بتاعها متعب قوي ولازم يتظبط في التوكيل واي حد يقول غير كدة غلطان

ساجد حسام