ايه الفكره ان اسعار العربيتين دول رخاص نسبيا بالنسبة لفئاتهم و امكانياتهم ؟ لأني كنت بفكر اغير لواحدة منهم وكان عندي زمان 504 و 505 وعربيات البيجو اكثر من ممتازة ..
شكرا مقدما يا رجاله البيجو
عرض للطباعة
ايه الفكره ان اسعار العربيتين دول رخاص نسبيا بالنسبة لفئاتهم و امكانياتهم ؟ لأني كنت بفكر اغير لواحدة منهم وكان عندي زمان 504 و 505 وعربيات البيجو اكثر من ممتازة ..
شكرا مقدما يا رجاله البيجو
ثقافة السوق بتقولك ان دى عربيات 2000 سى سى يعنى ضريبة غالية و استهلاك بنزين عالى
و بتقولك ان قطع غيارها ناااااااااااااار .....و لازم يطول فى نار لو بيتكلم..... او يكتب كذا حرف ألف لو على منتدى...فاضل بس شرارة تطلع من بؤه
و بتقولك ان إعادة البيع واقعة و مالهمش سوق
و بتقول لك ان مفيش حد بيشتغل فيهم
و بتقول لك ان اعطالهم كتير و ان الكورى و اليابانى اعتماديين عنهم !!!
الواقع : الضريبة الغالية دى زيادة حوالى 300 جنيه فى السنة يعنى تمن باركنج شهرين
استهلاك بنزين ال 406 ال 3000 سى سى زى عربيات كورى 1600 على الطرق الطوالى و ال 2000 سى سى بنزين اقل و الديزل اقل و اقل و اقل و العربية الديزل داخلة موسوعة الارقام العالمية لاكبر عربية تقطع مسافة بتفويلة واحدة 2300 كم ب 70 لتر ديزل و شكل العربية الانسيبابى غير مقاوم للهواء....لكن داخل المدينة الاستهلاك هيزيد و اكيد برضه هيزيد لاى عربية حتى لو ماروتى 800 سى سى
قطع الغيار النااااااااااار دى مقارنة بالكورى ممكن 50 جنيه او 100 جنيه زيادة و على حسب كل قطعة غيار و اهميتها و دلوقتى لو عايز تقلب العربيات دى صينى مش كورى حتى... و فى قطع غيار اقل ... دا متاح يعنى نقطة قطع الغيار دا محسومة بس مين يحب كدة
و برضه على سبيل المثال كشاف الفوج بتاع العربيات الصينى ب 90 جنيه فى حجم الSpot اللى بتتعلق ككشاف نور ...كشاف الفوج بتاع ال406 التايوانى ب 175 جنيه بس يفصل 6 كشافات منه و الاصلى ب 450
اعادة البيع واقعة ...طيب ما انا اساسا واخدهم سعرهم واقع بكتير عن السعر الاصلى و شوف العربيات اللى بتمنهم و قارن بينهم كعربيات...و بعدين انا لو حبيت ابيع و ارمى العربية هل هتتاخر ؟ بالمناسبة كان فى زميل فى النتدى معاه 407 استيشن معدية ال 550 الف كان بيبيعها باقل من ربع التمن ..مش عارف ايه المطلوب منه تانى
مفيش حد بيشتغل فيهم ...جوة القاهرة خاصة موجودين و فى كذا مكان و مش بانتشار الكورى و اليابانى بس اللى يعرفهم...طبعا مش زى ال504 الميكانيكى اللى جنب البيت يصلحهم...مع ملاحظة فى حاجات اى ميكانيكى يتشتغل فيها زى تغيير تيل ...تغيير مساعدين ...و حاجات يفضل المتخصص يعنى العملية مش مزنقة اوى كدة
نقطة الاعطال دى على حسب العربية اللى انت واخدها و دا ما يمنعنش ان فعلا الشركة نزلت بموديلات كتير فيها مشاكل و تحديدا الفتيس مع بدايات تكنولوجيا الفتيس الاوتوماتيك ...طيب هل لها حل ؟ و العربيات التانية اللى فتيسها اوتوماتيك هل هى خالية من العيوب ؟ و طبعا المانوال مافيهوش كلام
المميزات عمليا على ارض الواقع
عربيات عائلية.. انت ممكن تركب اتنين جنبك فى ال 504 مرتاحين و كذلك فى ال 406 و ال 407 بس لو هتعمل كدة فى لانوس يبقى كبيرك واحد و نص ... و الشنطة واسعة جدا و ممكن تفتحها على الصالون و تنقل فيها مرجيحة ...عفشة و كرسى مريحين جدا بعد ما تنزل العربية ما تبقاش مهدود ...عفشة ال 407 و ثباتها افضل من ال بى ام ...عزل صوت الموتور كويس جدا ما تنزلش مصدع ...ABS - EBD - فوجات - حساسات نور و مطر - شكل جميل - متانة صاج - شاشة اعطال - مرايات كهربا و ضم كهربا- مرايات تعتيم- 4 زجاج كهربا - سنتر - مانع سرقة Immobilizer- كاسيت 6 اسطوانات - ذراع مالتى فانكشن- 2 Air bag - خامات عالية...مجهزة كرسى كهربا...فى موديلات فيها فتحة سقف و ESP و مثبت سرعة و كل دا متاح يتزود
و حضرتك بتفاضل بين ما تراه مميزات و ما تراه عيوب و تشوف الانسب ليك و لظروفك سواء ماديا او الطرق اللى بتمشى او المنطقة اللى عايش فيها و قربها من مراكز الخدمة و تختار
و استخير ربنا قبل اى حاجة
الف شكر ياباشا .. انا معاك .. اصل كل حد يقولك التوكيل . طيب لو التوكيل وحش اوي كده ازاي العربية 301 باعت واشتغلت كويس السنتين اللي فاتو
م / أحمد
شكرا جزيلا لك ولفيض شرحك الدائم الذي نستفيد منه دائما
وأرجوا منك أن تساعدني في الاتي :
ممبزات وعيوب البيجو 407 موديل 2005 ديزل 1600 سيسي مانوال
بالاضافة اني سمعت من اكتر من شخص ان البيجو 407 ديه مواتيرها فيها مشاكل وبتخرب بسرعه وكمان حدث ان في كذا حد الماتور بتاعه ولع !!
أرجوا الافادة بارك الله فيكم
كان عندنا 406 والحمد لله اتباعت رخيصه جدا ........ تبعا للنظريات اللي تفضل بيها م/ احمد
افكار زفت في دماغ الناس (اعتذر)
الحمد لله
م/ أحمد
كل الشكر على ما تفضلت به من معلومات
الله يكرمك و يبارك فيكاقتباس:
المشاركة الأصلية كتبت بواسطة miam0502788391
كانت بتاعت والدك رحمه الله...تابعتها و صراحة كانت عربية حالة..و هى دى العربيات اللى تقتنى و ربنا يعوضك باللى احسن منهااقتباس:
المشاركة الأصلية كتبت بواسطة alshahba