أي عربية أعلى عن الأرض مع أو بدون حمل

معلش السؤال عجيب. انتو عارفين الطرق ف مصر ممكن تخلينا نقارن بين عربيات من فئات مختلفة.
لظروف اني بتحرك كتير في طرق زراعية حيث المطبات اليدوية اللي ممكن تجيب أجل أجدعها عربية.. فأنا عاوز عربية ارتفاعها معقول.. واعتمادية.. وسيدان.

دلوقتي أنا بقارن بين 3 عربيات.. بيجو 301... لانسر شارك.. رينو فلوانس.. والمقارنة دي من حيث حاجة واحدة بس... الخلوص الأرضي... ground clearance..

ف الحقيقة انا مش عاوز أرقام.. أنا جبت الأرقام من على النت خلاص ... أنا عاوز خبرات الناس اللي ركبت العربيات دي.. رأيكو مين بيتحمل أكتر مع الحمولة الزايدة وميحكش في المطبات؟

ولكم جزيل الشكر

طيب أنا استبعدت خلاص ال 301 من الخيارات... كدة بسأل على الفرق بين اللانسر والفلوانس من حيث الارتفاع..
مين فيهم أعلى, ويتحمل أكتر.. عفشته تتحمل بهدلة الطرق الزراعية أكتر؟

السلام عليكم ورحمة الله وبركاته ممكن التيجو او النيفا او الشنجاى

فكر حضرتك مش غريب و لا حاجة ...دا هو دا الفكر الماشى اليومين دول

شوف كميات ال سبورتاج و ال ix35 و الجوك و الداستر و ال 3008 و السانديرو اللى ماشى اليومين دول....تاكد من قرف غالبية ملاكها من المطبات...و دا بعتبره التطور الطبيعى لاخفاق ارتفاعات سيارات التسعينات و بداية الالفينات مع الطرق المصرية ، او حتى اخفاق هذه السيارات نفسها فى التحمل

هقولك على تجربة عملية تعرف بيها اجابة سؤالك بس محتاجة تركيز منك شوية

ركز مع العربيات التلاتة دول فى المطبات و على نفس السرعة للسيارات و شوف اكتر عربية ديلها بيطلع فوق و تحت و بتلب ...العربية دى حتى لو عالية فعفشتها مع اى مطب هتلغى ارتفاعها....يعنى مش مسألة ground clearance و خلاص

الفكره مش ال ground clearance وخلاص لا الاهم المسافه بين العجله الاماميه والخلفيه.......... ديه الاهم
ground clearance ;كبير16 او 17
مسافه بين العجل قليله

اقتباس:

---

المشاركة الأصلية كتبت بواسطة yasser dyboo

الفكره مش ال ground clearance وخلاص لا الاهم المسافه بين العجله الاماميه والخلفيه.......... ديه الاهم
ground clearance ;كبير16 او 17
مسافه بين العجل قليله

---

مطبات الطرق الزراعية... مبيفرقش معاها المسافة بين العجلات.. المطب بيكون رفيع وعالي.. العربية بتنزل بالعجل الأمامي كاملة من فوق المطب وتطلع تاني بالعجل الخلفي.

و الله اسلوب بحثك افضل اسلوب بحث في هذا البلد
انا حاليا في حيرة بين
رينو ستيبواي
او بريليانسv5
او جاك S3