رقم العضوية : 148341
تاريخ التسجيل : 08Sep2013
المشاركات : 60
النوع : ذكر
الاقامة : الزقازيق
السيارة: Brilliance FRV
السيارة[2]: Fiat 131
الحالة :
السلام عليكم
أنا قعدت حوالي سنة و نص بعاني من مشكلة تخريف عوامة البنزين .. و اتسببت ليا في اكتر من مشكلة .. و قريت ناس كتير كتبت عن الموضوع ده .. منهم اللي غير عوامة كاملة و اللي الكهربائي قاله ده عيب المؤشر .. الخ
المهم ان بعد سنة و نص ربنا قدرني و فضيت يوم اودي العربية للكهربائي يشوفلي كل المشاكل اللي بتقابلني فيها
الموضوع طلع سهل و بسيط و المشكلة كانت في حساس العوامة
بعد ما فك العوامة طلعت بالمنظر ده و الحساس هو اللي في الدايرة
الحساس ده عبارة عن مجموعة من الخطوط النحاس , لما العوامة بتطلع و تنزل بتقف على خط منهم و بناءا عليه كمبيوتر العربية يعرف عوامة البنزين واقفة فين .. في بعض الاحيان ممكن الخطوط دي يبقى عليها صدأ او شئ من هذا القبيل و ده بيعطل المؤشر .. و ممكن العوامة نفسها متكونش بتستجيب كويس
و دي صورة للخطوط و الصدأ باين عليها من فوق اهو من قريب شوية
المهم الراجل صنفرها بحتة صنفرة كانت مرمية على الارض عنده و ركبنا الحساسات في العربية .. بقى يغير في مستوى دراع العوامة و يقولي شوف المؤشر واقف على كام و لما اتاكد ان المؤشر مظبوط مع الدراع ركبها .. و الحمدلله دلوقتي بقالها حوالي شهر شغالة كويس
و للأمانة برده .. الكهربائي قالي ان لو كان حوار التنضيف ده فشل , كنت هحتاج حساس جديد .. بس الحمدلله اشتغلت
و بالتوفيق بقى لأي حد ممكن يقابله المشكلة دي تاني
رقم العضوية : 167911
تاريخ التسجيل : 07Nov2014
المشاركات : 595
النوع : ذكر
الاقامة : egypt
السيارة: aveo
السيارة[2]: f sh
الحالة :
مشكور على الافادة
المفضلات