هل يبيع مغربي نظارات تقليد؟

**h_fares el nou** · 22-12-2015 12:08 AM

السلام عليكم
النهاردة اشتريت نظارة طبية من مغربي نوعها Ray-Ban , ولان سعر العدسات هناك غالي جدا قررت اعمل العدسات برة
المحل اللي وديتله النظارة علشان العدسات قاللي دي تقليد وسعرها 125 ج
لانها صنع في الصين وكمان لان الكتابة على الدراعين مكتوبة مش محفورة
هل الكلام دا صحيح؟ وهل ممكن يبيع مغربي نظارات مش اصلية؟

وشكرا مقدما لحضراتكم

**dede_dodo88** · 22-12-2015 12:53 AM

معظم الray-ban دلوقتي صيني لكن ده مش معناه انها تقليد, ده مجرد outsourcing عشان يقللوا التكلفة..

**Anaslbda** · 22-12-2015 06:46 AM

مين قال ان الكتابة على الدراعين لازم تكون محفورة؟ هري وفتي وخلاص.

**dongol123** · 22-12-2015 07:28 AM

الريبان الاصلي تعرفها ان مخدات النضارة بيبقي مكتوب عليها حرف r

و ممكن عادي تكون مصنوعة في الصين و اصلي و ما بيبقاش محفور عليها و لا حاجة...كتابة عادية و بس

انا اشتريت نضارة من الامارات و كنت هرجعها لما لقيت مكتوب عليها مصنوعة في الصين بس البياع في المحل أكدلي ان كل الريبان الايام دي بيبقي جاي من الصين علشان رخص العمالة.

**h_fares el nou** · 22-12-2015 02:50 PM

عموما انا كتبت الكود الموجود في الدراع على جوجل ، وظهرتلي صور النضارة

وكمان لقيتها بنفس الكود على موقع Amazon

hh · 22-12-2015 03:02 PM

كلام فارغ طبعا. مغربي مش بيبيع حاجة مضروبة

**ahmedwagdy03** · 23-12-2015 01:43 PM

أول مرة أعرف إن الكتابة على الريبان حفر أو بارزة . ده الراجل اللى قالك كدة جاب التايهة .

إطارات ريبان تصنع فى الصين أحيانا لبعض الدول . كذلك يوجد نظارات ريبان فى الأسواق صنع فى إيطاليا و لكنها غير أصلية .

العبرة بالخامات المصنوع منها النظارات و جودة المظهر .

أنا شخصيا معي نظارة نظر من مغربى (الرياض ) مش مكتوب عليها بلد الصنع و الكتابة عليها مش محفورة بس أنا متأكد تماما إنها أصلية .

بالتأكيد مغربى مش حيخاطر بسمعته فى مصر أو أي بلد تانى و بالذات هو وكيل المنتج

فيه كتير من الناس بيفتوا بدون علم لإن حياتهم كلها جهل