السلام عليكم ورحمة الله وبركاته
عايز اركب عداد في محل ايه الاجراءات ويتكلف كام ويركب في وقت قد ايه
عرض للطباعة
السلام عليكم ورحمة الله وبركاته
عايز اركب عداد في محل ايه الاجراءات ويتكلف كام ويركب في وقت قد ايه
لو المحل ياخد عربيه
قدم على عداد لجراچ عربيه...هيركب بسرعه وتجارى بدون اجراءات المحل التجارى...والاوراق المطلوبه عقد ايجار ورخصه العربيه ورخصتك
تسلم يا باشا علي ردك بس المحل في دور تاني في مول
بص يا سيدى بتاخد عقد المحل وطالما فى مول غالبا مش حيطلبوا صور التراخيص وبعدين تدفع فى حدود 50 جنيه معاينه وحيجى واحد يبص على المكان "ممكن تعرف مين الموكل بالمنطقه بتاعتك وتظبطه وييجى معاك فى يومها" وبعدين يكتب تقرير وبعدها يتعملك مقايسه يتشاف حتتكلف كام لتوصيل العداد"اى كلام طبعا وغالبا بيتكتب الحد الاقصي اللى هو فى حدود 500 جنيه" لو عايز تقللهم بتعمل شكوى ويتخفضوا وبعدين يتحدد لو المبنى مرخص ومبنى زى الرخصه حتاخد عداد عادى وتدفع فى حدود 400 جنيه او اكتر شويه لو مش مطابق حتاخد عداد كودى وبيكون فى حدود 700 جنيه ولو العداد اللى حيركبلك مسبق الدفع بتدفع 100 جنيه تمن الكارت
المعاينه والمقايسه بتاخد حوالى اسبوعين والتركيب حسب توافر العدادات ودورك فى التركيب بس انا بعد اسبوعين عملت شكوى على النت بعدها ب 3 ايام كلمونى وجم ركبوا بعدها بيومين .
تحياتى .
لو قصدك بالكودى اللى بكارت فعايز اقولك ان الموجود حاليا كله مسبق الدفع والساحل الشمالى حاليا كله مسبق
اما لو تقصد الكودى اللى هو مخالف للرخصه او بدون رخصه فهو مش بيفرق فى الشكل او طريقه السداد عن المرخص الا فى ان العداد مش بيكون باسم صاحب المكان بيكون بكود
على ايه تحت امرك
المهم خد معاك ورقك كله وانت رايح وصور منه علشان حتحتاجها .
تحياتى وبالتوفيق .
متابع