أيهما تفضل:بروتن بيرسونا - رينو نيولوجان 2016

**Mohamed_moha** · 25-12-2015 10:27 AM

الموضوع باختصار اني حصرت المقارنه بين العربيتين دول عشان فئتهم السعريه الاتوماتيك ( الاثنين أقل من 120 الف - حاليا على الاقل).

في ناس بتقول ان البيرسونا المفروض تعتبر اعلى من النيولوجان ( ثبات -عوامل الامان- قوه موتور- عفشه - ..) , بس في بعض العوامل اللي بردوا بتعلي النيولوجان عن البرسونا ( التقفيل الجيد - الوكيل كويس -سعر اعاده بيع - توفير اكثر للبنزين..).

الاستخدام :-ا مشاوير متوسطه المسافه يوميا (40-50 كم - على طرق سريعه ممهده سالكه بدون اشارات ولا زحمه ) - سفر طويل المسافه 1000 كم مره كل شهرين او ثلاثه .

انا جربت سواقه العربيتين ( استأذنت اصحابها في 5 دقايق لفه كده يعني ).. و الاتنين بالنسبالي كويسين .

ملقتش غير اني اخد رائي خبراء المنتدى .. أفيدوني أفادكم الله. و يا ريت لو غي حجاه كتبتها غلط في المقارنه بين العربيتين تصلحوهالي .

**Yehya Badr** · 25-12-2015 10:03 PM

أنا حأحاول أساعدك ببعض النقط

1) بالنسبة للموتور موتور البيرسونا أقوي و أحدث من موتور اللوجان كسي سي
2) بالنسبة للعفشة البيرسونا أنعم لكنها قوية و بتتفوق سنة بسيطة علي اللوجان
3) كفتيس أتوماتيك البيرسونا أنعم لكن فتيس اللوجان مش وحش و بيقضي الغرض
4) كقطع غيار اللوجان أسهل بكثير من البيرسونا مع انتشار اللوجان
5) كصيانة الأثنين زي بعض لأن انتشار الرينو ساهم في إحياء صنايعية الفرنساوي
6) كتوكيل عز العرب غني عن التعريف سيىء و توكيل رينو افضل بكثير
7) ككماليات أنا شايف أن اللوجان كمالياتها أعلي شاشة
8) كـأعادة بيع الرينو تحسنت كثير جدا عن زمان و دي نقطة ضعف البرتون بيرسونا

فأنا رأيي بناء علي ما سبق أن اللوجان تكسب علي المدي المتوسط و البعيد

**Mohamed_moha** · 25-12-2015 10:28 PM

شكرا يا باشا علي الرد و خصوصا أنه مع توضيح الأسباب .. انا متفق معاك بس بالنسبه لعوامل الأمان ؟
خصوصا في بلدنا ذات أعلي نسب حوادث (اللهم احفظنا جميعا )
مين فيهم افضل

**Yehya Badr** · 26-12-2015 12:14 AM

الأثنين زي بعض مافيش فارق محسوس بينهم ! يمكن صاج البيرسونا أمتن سنة ! و عموما يكفيك و يكفنيا شر السواقة في مصر !!!

**shake** · 26-12-2015 12:29 AM

لوجان

**hanyyacot** · 27-12-2015 09:59 AM

البيرسونا تتفوق بفرق كبير فى نقطة مهمة وخطيرة اللى هى الثبات , ثبات البيرسونا هايل وتقترب من العربيات الالمانى فى النقطة دى , وعلى العكس تماما اللوجان ثباتها واتزانها سيئ جدا , كمان البيرسونا وزنها اتقل وصاجها امتن. سعر اعادة البيع متساوى فى الاتنين , انتشار مراكز الصيانة المعتمدة او الغير معتمدة لصالح البيرسونا. فتيس الاوتوماتيك بتاع اللوجان فيه كلام ومش مقنع. مستوى التقفيل واحد للاتنين . اعتقد البيرسونا هاتبقى مناسبة اوى لاحتياجاتك .

**scientist9508** · 27-12-2015 06:00 PM

بسم الله الرحمن الرحيم

أخى الفاضل

إليك ما عندى و أظنه صحيحآ

1 - البروتون أكثر ثباتآ بكثير من اللوجان

2 - محرك البروتون أقوى و أسرع من اللوجان بكثير

3 - وكيل رينو أفضل من عز العرب و إن كنت أظن أن الفرق لم يعد كبيرآ لأن الشكاوى كثيره جدآ من وكيل رينو هذه الأيام بسبب الزياده الكبيره لمبيعات رينو فى السنوات الأخير بدون زيادة الطاقه الإنتاجيه لجميع مراكز الصيانه مجتمعه

4 - صاج البروتون أقوى بكثير من صاج الرينو

5 - تتساوى السيارتين فى إستهلاك الوقود العالى و الغير موفر

سأخبرك بأمور جديد

1 - إن كنت تريد سياره صيانتها سهله عليك فإشترى الرينو . . . و إن كنت تريد سياره آداؤها أفضل فإشترى البروتون

2 - إن كان سعر إعادة البيع هام بالنسبه لك فإشترى الرينو . . . و إن كان سعر إعادة البيع ليس هام فإشترى البروتون

هداك الله لأرشد أمرك و أقومه

السلام عليكم و رحمة الله و بركاته

**Mohamed_moha** · 01-01-2016 09:21 PM

مش غريب أن الاغلبيه بتفضل البيرسونا علي اللوجان طبقا للاستفتاء و مع كده يكون سعر اعاده البيع للوجان اعلى؟!!

**osamahawam** · 17-01-2016 09:55 PM

المشاركة الأصلية كتبت بواسطة Yehya Badr

أنا حأحاول أساعدك ببعض النقط

1) بالنسبة للموتور موتور البيرسونا أقوي و أحدث من موتور اللوجان كسي سي
2) بالنسبة للعفشة البيرسونا أنعم لكنها قوية و بتتفوق سنة بسيطة علي اللوجان
3) كفتيس أتوماتيك البيرسونا أنعم لكن فتيس اللوجان مش وحش و بيقضي الغرض
4) كقطع غيار اللوجان أسهل بكثير من البيرسونا مع انتشار اللوجان
5) كصيانة الأثنين زي بعض لأن انتشار الرينو ساهم في إحياء صنايعية الفرنساوي
6) كتوكيل عز العرب غني عن التعريف سيىء و توكيل رينو افضل بكثير
7) ككماليات أنا شايف أن اللوجان كمالياتها أعلي شاشة
8) كـأعادة بيع الرينو تحسنت كثير جدا عن زمان و دي نقطة ضعف البرتون بيرسونا

فأنا رأيي بناء علي ما سبق أن اللوجان تكسب علي المدي المتوسط و البعيد

بعيدا عن الموضوع اللى حضرتك بتسال فيه , احييك على اختيارك ووضعك للايموشنز كل واحدة فى مكانها بالضبط , انا ضحكت فعلا ..

اما لو هتسالنى عن اختيارى انا ... انا بفضل النيو لوجان ثبات وتوكيل محترم ومنتشرة وسعر اعادة بيع ممتاز .... وفقك الله لما هو اصلح

**memo_p910** · 17-01-2016 10:57 PM

افتح كبوت اللوجان وشوف سوء التقفيل المغربي والاسلاك اللي ماشيه مع نفسها في كل اتجاه
افتح كبوت البرسونا وشوف نضافة التقفيل والترتيب

التصميم للبرسونا مش محتاج كلام lotus ride & handling
اللوجان تصميم داشيا الرومانيه

الفرق تكنولوجيا لصالح البرسونا

قطع غيار البروتون متوفره جديد واستيراد
البروتون تصميم ثوري واستايل لكن اللوجان تصميم قديم وبائس لدول العالم الثالث

وغيره وغيره من الفروقات الجوهريه