ما هو تقييمكم لمشروع شراء تاكسى جديد

**Mohamed0007** · 25-12-2015 06:23 PM

السلام عليكم ورحمة الله وبركاته
بداية دى اول مشاركة لي فى المنتدى لكنى متابعة من فتره وسبب كتابتى هنا انى واثق انى سأجد النصيحة من الاخوة اعضاء المنتدى لان الموضوع هام بالنسبة لى جداا
باختصار يا جماعة انا مسئول عن 3 اطفال ايتام وهم ابناء اخ ولهم ورث يقارب 150 الف جنيه
ومعاش بسيط والكل يقترح وضع الفلوس فى البنك بحيث تدخل لهم فى حدود 1000 او اكتر بشويه يتدفع منها الكهرباء والفواتير ويعيشوا من المعاش القليل الى تركة لهم والدهم
وبما انى مسئول عنهم فكرت انى اشغل ال 150 الف فى اى شىء يجيب دخل افضل من ريح البنك وكمان خوفا من حرمانيه ارباح البنوك دة عير ضعف العائد منها مقارنة بانخفاض قيمة العملة فى مصر
اقترج عليا صديق شراء تاكسى جديد وقالى ان دخلة هيكون ضعف ربح البنك على اقل تقدير وان اصل المبلغ ممكن استردادة بعد 3 او 4 سنوات لو الموضوع ادير بطريقة سليمة وكان السائق جيد
وفى حالة الخسارة هكون مضطر انى ادفعلهم الخسارة من جيبى بدون ما اعرف حد
انا بكل اسف خبرتى فى السيارات صفر . خبرتى فى السائقين صفر
اتمنى اى حد عندة معلومة يفيدنى بيها وبالنسبة للسائق هعتمد على صديق هيجب شخص قريبه هيكون هو السائق والمكان طبعا فى القاهرة
منتظر اى معلومات منكم تفيدنى فى تقييم الامر واخذ القرار وربنا يجاذيكم كل خير ان شاء الله
وانا ذكرت التفاصيل السابقة علشان تعرفوا اهمية الموضوع وانه مش مجرد استثمار وخلاص

**samyyousef** · 25-12-2015 06:35 PM

السلام عليكم
اولا جزاك الله خيرا على اهتمامك بابناء اخيك الايتام و ربنا يكرمك و يكرمهم
السؤال هل حضرتك الوصي عليهم ام ان جدهم (والدك) على قيد الحياة ام ان امهم هي الوصية ؟
هل هذه الاموال ستوافق نيابة الاسرة للولاية على المال على صرفهم كلهم لهذا المشروع ؟
فكرة المشروع في حد ذاتها جيدة سيما انك تريد البعد عن فوائد البنوك...لكن هل ستضع البيض كلة في سلة واحدة...هل من المعقول ايداع جميع اموال ابناء اخيك في سيارة قد تتعرض - لاقدر الله - للضياع في لحظة واحدة ...ولا اظنك ستؤمن عليها.....كما انني سمعت و ليس عن تجربة شخصية ان التعامل مع السائقين ليس يسير و ان منهم من لا يتق الله...
لو استقريت على هذا المشروع حاول ان تقارن بينه و بين شراء سيارة جديدة و الدخول في تطبيق أوبر Uber سيكون اوفر و افضل من ثمن التاكسي و الله اعلم
اتابع معك باقي المشاركات لعلك تجد فكرة افضل
تحياتي

**tasaka** · 25-12-2015 07:17 PM

نصيحه لوجه الله

لا تدخل اى مشروع لا تسطيع اداره بنفسك 100% عندما يلزم الامر .. و تفهم كل صغيره و كبيره عنه .. و تكون متابعتك له مباشره و يوميه

غير كده .. خساره مضمونه 100% .. عن عده تجارب لى شخصيا

و نفوس الناس اختلفت .. و متدين او غير متدين .. عند الفلوس سترى ما لا يعجبك .. الا قله نادره جدا جدا

واضح انك ليس لك خبره بالتجاره .. ابعد عن الكلام ده اامن .. او اشتغل فى شيئ يكون فى مجال خبرتك و عملك .. بشرط المتابعه المستمره يوميا .. بل على مدار اليوم عده مرات

بالتوفيق ان شاء الله

**azhk** · 25-12-2015 07:27 PM

جزاك الله خيرا على حرصك على هؤلاء الايتام ولكن لا تدخل باموللهم اى مشروع به مخاطرة ولو 1% فحاول الاستثمار فى مشروع صغير اولا ومخاطرته اقل مايمكن ان لم تكن صفر وبجزء لايزيد عن ربع المبلغ فاذا نجح المشروع زد فى راس المال شيئا فشيئا ولاتضع المال كله فى مشروع واحد من البدايه و هداك الله لما فيه الخير

**د.محمود صلاح** · 25-12-2015 09:44 PM

شهادات استثمار أامن لهم ولك واعتبرها شراكة مع البنك في المشاريع وليس اقراض او ربا

**hugan** · 25-12-2015 10:06 PM

شهادات استثمار افضل
السواقين هاينهبوا ويدمروا التاكس

**احمد المصرى** · 27-12-2015 08:42 AM

مشروع التاكسى وخبرتك صفير يبق انت كدا بترمى الفلوس فى الارض

ممكن شراء شقه بالمبلغ دا ويتم تاجيرها اولا الشقه قيمتها بتعلى وفلوس التاجير هتصرف على الاطفال وربنا يعينهم