ممبزات وعيوب البيجو 407 موديل 2005 ديزل 1600 سيسي مانوال

**Ahmed.Sayed85** · 26-12-2015 01:34 AM

[size="6"] إخواني الأعزاء القائمين علي قسم البيجو

شكرا جزيلا لكم ولفيض شرحكم الدائم الذي نستفيد منه دائما وأوجه الشكر الخاص للـ م / أحمد

وأرجوا منكم أن تساعدوني في الاتي :

ممبزات وعيوب البيجو 407 موديل 2005 ديزل 1600 سيسي مانوال

بالاضافة اني سمعت من اكتر من شخص ان البيجو 407 ديه مواتيرها فيها مشاكل وبتخرب بسرعه وكمان حدث ان في كذا حد الماتور بتاعه ولع !!

أرجوا الافادة بارك الله فيكم

هذا وأني أفاضل بينها وبين 406 موديل 2004

أرجوا أن تعطوني الجواب الشافي بارك الله فيكم

**م أحمد** · 26-12-2015 01:52 PM

أنا اللى بشكر حضرتك على زوقك
ال 407 عربية رائعة فخامة - كماليات - أداء - عزم عالى جدا ...تتقارن بالمرسيدس Eclass دا من كلام ملاكها
بس مشكلة الديزل فى مصر انه ردىء جدا ...يعنى فى مشكلة مرسيدس للعربية اللى جابت موتور طلع البنزين ال92 طلع 87 و الحال فى الديزل اسوا و اسوا

و دا بيسبب مشاكل كتيرة جدا مع المواتير ...ممكن يكون الديزل اقتصادى فى التشغيل لكن قطع غياره غالية جدا مقارنة بنظيره من البنزين ...ممكن توصل ل3 اضعاف

حاجة تانى سعر الموتور الديزل نفسه استيراد اغلى من البنزين بكتييييير

الحاجة التالتة قطع غياره قليلة بنظيره من البنزين اللى هى اساسا قليلة نسبيا مقارنة بال 406.....يعنى تدوخ علشان تلاقى قطع غيار له

عفشة ال 407 الامامى زوج مقصات و الخلفية مالتى لينك و فيها تلاجة فى التابلوه و عدد ايرباج زيادة ....إلخ حاجات اكتر من ال 406 فلو عجباك رايى و قد يكون خطا شوف بنزين جاهز على ابوه او ممكن تعمل حاجة ....لو لقيت 407 ديزل سعرها نازل جامد ممكن تاخدها و تسقط لها سيستم بنزين كامل و تبقى اوتوماتيك كمان و دا يتكلف حوالى 25 الف جنيه (من سنتين الكلام دا ) و يفضل تشترى نصف اماى على بعضه

بالنسبة لل406 موديل 2004 عملية اكتر و اكثر ارتفاعا عن الارض و دا مناسب لطرق كتيرة دلوقتى فى مصر

و اى عربية ناوى تاخدها ان شاء الله تكشف توكيل او مركز خدمة معتمد

**Ahmed.Sayed85** · 27-12-2015 02:14 AM

بارك الله فيكَ , وأعزكَ , ونفع بك , وجعلك من الصالحين ، ثق تماما أنك ما نفعتَ بعلمكَ أحداً فلن يضيعكَ الله أبداً ... سأدعوا لك حتي أظن أني شكرتك ... بارك الله فيك