| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 11

  1. #1

    الصورة الرمزية aymgamal

    رقم العضوية : 54240

    تاريخ التسجيل : 30Nov2009

    المشاركات : 12

    النوع : ذكر

    الاقامة : Cairo-Egypt

    السيارة: Renault clio 2003

    السيارة[2]: Toyota corolla MMT 2009

    الحالة : aymgamal غير متواجد حالياً

    افتراضي مشكله فى طنابير كارينز 2014 والتوكيل رافض يحلها - Facebook Twitter whatsapp انشر الموضوع فى :

    hasad">

    الساده اعضاء منتدى كيا الكرام

    من حوالى سنه ونص اشتريت عربيه كيا كارينز موديل 2014 علشان ساعتها التوكيل كان منزل عليها عرض ومنزل فى سعرها وبصراحه العربيه كانت مناسبه لامكانياتى الماديه ساعتها ومناسبه كمان كسياره عائليه مع امكانيات محترمه خاصه انى مش بتاع جرى ولا شد على الطريق ولا حاجه من الكلام ده بالاضافه انى سمعت عن توكيل كيا انه توكيل محترم وده احد الاسباب برضه انى ما فكرتش اشترى خليجى مع ان العربيه كان موجود منها خليجى وبسعر افضل بس من الحاجات اللى تهمنى جدا فى العربيه خدمات ما بعد البيع فاستبعدت الموضوع ده خالص واصريت انى اشترى وكيل مع العلم ان دى خامس عربيه ليا منهم عربيه تويوتا 2009 والوكيل بصراحه كان فى منتهى الاحترام.
    بعد ماجبت العربيه رحت عملت صيانه الخمس تلاف كيلو فى مركز صيانه ابو رواش وبعدها عملت صيانه 10000 و 20000 كم فى مركز صيانه القطاميه علشان قريب من بيتى بس رغم انى لاحظت من اول زياره عندهم افتقادهم لابسط قواعد النظام اللى لمسته فى مركز ابو رواش ده بالاضافه لانهم مش زحمه قوى زى ابو رواش وده حسسنى انهم ممكن يكونوا هيدوا اهتمام احسن بالعربيه لانهم مش مضغوطين قوى زى ابو رواش بس طبعا دى احلام يقظه.
    المهم قبل ما اعمل صيانه ال 30000 كم بحوالى الفين كيلو ابتديت احس برعشه فى الفرمله الجامده ومع التسارع بالعربيه من 40 الى 60 كم / سا عه وعرفت على طول ان دى مشكله فى الطنابير الاماميه وقلت هقولهم عليها فى الصيانه بس المشكله ابتدت تتفاقم وبقيت احس بيها يوم بعد يوم بتزيد المهم حاولت احجز ميعاد للصيانه يوم سبت نظرا لظروف شغلى واثناء الحجز قلتلهم عليها فقالولى ما ينفعش السبت لازم يوم تانى لان يوم السبت للصيانات الروتينيه فحجزت يوم الخميس اللى فات واخدت اجازه ورحتلهم وقلت المشكله لمهندس الاستقبال انا وبسلمه العربيه وكتب فى ورقه الاستلام فحص نظام الفرامل بعد تلات ساعات كلمونى علشان استلم العربيه رحت ادفع لقيت الفاتوره معاها ورقه تعبانه مكتوب فيها (تغيير الطنابير الاماميه ) فى سطر والسطر التانى ( تغيير الطنابير الخلفيه) بقوللهم ايه ده قلولو روح لمهندس الاستقبال وهو هيقوللك.
    اخدت الورقه ورحت لمهندس الاستقبال بقوله ايه ده قاللى مطلوب تغيير الطنابير امامى وخلفى قوللتله بمنتهى البرأه هو انتوا مش هتغيروها فى الضمان . المهندس ابتسم ابتسامه خفيفه كده وقاللى تعال حضرت ده مكتب المهندس مديرالصيانه خش قوله على موضوعك وهو هيرد على حضرتك .دخلت للبشمهندس مدير الصيانه للمركز بوريلله الورقه قاللى العربيه اللى عامله 30000 كم قولتله اه وطبعا واضح ا ن الموضوع اتناقش قبل كده بعيد عنى وعملوا فيها هبل وقلوا نطنش.
    المهم قاللى تعال حضرتك دقيقه واحده واخدن لواحد تالت واضح بقى ان ده الهادى اللى فيهم اللى عنده القدره انه ياخد اللى فيه القسمه من غير ما يتعصب ولا يتنرفز وقد كان بمنتهى الهدوء مع ابتسامه واسعه حضرتك الطنابير دى قطع استهلاكيه ولو حضرتك فتحت دليل الصيانه اللى معاك هتلاقى مكتوب فى اول صفحه ان الاجزاء الاستهلاكيه اللى زى التيل والطنابير ما بتتغيرش فى الضمان بس احنا علشان منزعلش الناس بنمد الضمان للطنابير لل20000 كم بس وعربيه حضرتك عامله 30000 كم ساعتها كنت لسه هادى ساعتها فقولت له بهدؤ برضه انا معاك فى موضوع التيل بس مين يقول ان طنابير عربيه تمنها فوق المتين الف جنيه طنابيرها تبوظ بعد30000 كيلو وما يبقاش عيب صناعه امال عيب الصناعه يبقى ايه فرد على بمنتهى الهدؤ برضه اصل اليومين اللى فاتوا دول كانوا مطر شديد ولما بتسوق وتفرمل الطنابير بتسخن وبعدين تيجى فى الميه ويحصل... بس المره دى بقى ما أستحملتش وقاطعته قولتله حضرتك انا مهندس ميكانيكا وفاهم الكلام ده كويس بس انت برضه لازم تعرف ان عربيات كيا بتمشى فى اوروبا وامريكا اللى المطره عنده اضعاف عندنا وما بييحصلش كده ولو بيحصل كده ما كانش حد اشترى عربياتهم وبعدين لما المطره تنزل ومااركنش عربيتى على جمب واستنى ان الشوارع تنشف ابقى انا الغلطان وابقى مطالب انى اشترى قطع الغيار على حسابى . رد عليا فيما معناه ان ده اللى عنده وانه مش هيقدر يعمل حاجه قولتله خلاص انا هتصرف وهاعرف الناس كلها ان توكيل كيا سمعه عالفاضى وانكم بتتهربوا من مسئولياتكم وقولتله حقى انا هاعرف اجيبه كويس.
    دلوقتى بعد اذن حضراتك عايز اعرف ازاى اقدر اجيب حقى وايه المطلوب اعمله مع الناس دى
    [/size][/size][/size][/font]


  2. #2

    الصورة الرمزية mr_green

    رقم العضوية : 141768

    تاريخ التسجيل : 26Apr2013

    المشاركات : 531

    النوع : ذكر

    الاقامة : Cairo

    السيارة: NA

    السيارة[2]: NA

    الحالة : mr_green غير متواجد حالياً

    افتراضي -

    دى ناس بتهرج طالما التيل تيلهم و الصيانة بتتعمل فى مواعيدها يبقى الطنابير على حسابهم بلا نقاش

    مبدأيا هاتحاول تتصل بخدمة العملا و تشتكى و تأكد إن صيانتك فى معادها و التيل أصلى و العربية جديده
    جاب نتيجة خير و بركة ماجبش هاتدب مشوار أو رواش و تتخانق و تعلى صوتك لحد أكبر راس تعرف تدخله هناك
    لو مفيش نتيجة قولوهم عايز إفاده رسمية إنكم رافضين تغيير الطنابير فى الضمان لأسبابكم المذكوره

    هاتبعت ميل لكيا و هاتحاول مع حماية المستهلك و عرفهم إنك هاتسيحلهم فى الميديا و حماية المستهلك و ربنا معاك


  3. #3

    الصورة الرمزية mohamed sedaa

    رقم العضوية : 179912

    تاريخ التسجيل : 27Sep2015

    المشاركات : 50

    النوع : ذكر

    الاقامة : cairo

    السيارة: renault logan

    السيارة[2]: opel astra g

    الحالة : mohamed sedaa غير متواجد حالياً

    افتراضي -

    يعني انت غيرت الطنابير ولا لسه؟


  4. #4

    الصورة الرمزية Hany Saad

    رقم العضوية : 30705

    تاريخ التسجيل : 21Jan2009

    المشاركات : 3,050

    النوع : ذكر

    الاقامة : Alexandria-Egypt

    السيارة: Clio 1400cc

    السيارة[2]: FLUENCE II-2014

    الحالة : Hany Saad غير متواجد حالياً

    افتراضي -

    الموضوع ده مش هيتحل غير ب ايميل ل كيا فى الخارج، انا لسه عامله لزميلى فى الشغل و جاب نتيجة بعد ما كيا مصر لطعوه ٦ شهور بدون ما يغيروله القطع
    طولوا شوية عليا فى الرد بس فى الاخر ردوا و كلموا التوكيل و غيروله القطع فى الضمان بدون و لا كلمة

    تحياتى

    م/هانى سعد
    Meggieboy سابقا


  5. #5

    الصورة الرمزية aymgamal

    رقم العضوية : 54240

    تاريخ التسجيل : 30Nov2009

    المشاركات : 12

    النوع : ذكر

    الاقامة : Cairo-Egypt

    السيارة: Renault clio 2003

    السيارة[2]: Toyota corolla MMT 2009

    الحالة : aymgamal غير متواجد حالياً

    افتراضي -

    انا بعت رسالة لكيامصر وكيا العالميه. لو فيه امكانيه ممكن اقدم شكوي لحماية المستهلك. حد يعرف ايه المطلوب


  6. #6

    الصورة الرمزية MMMERO

    رقم العضوية : 11261

    تاريخ التسجيل : 22May2008

    المشاركات : 724

    النوع : ذكر

    الاقامة : Maadi

    السيارة: Kia Carens

    السيارة[2]: Hyundai Excel

    دراجة بخارية: لا

    الحالة : MMMERO غير متواجد حالياً

    افتراضي -

    انا كان عندى نفس المشكلة فى كارينز 2010 بس على 12 الف كيلو وبصراحة تم التغيير من غير اي نقاش وقالولى انهم بيضمنوهم لغاية 20 الف بس


  7. #7

    الصورة الرمزية esamahmed

    رقم العضوية : 45354

    تاريخ التسجيل : 24Aug2009

    المشاركات : 53

    النوع : ذكر

    الاقامة : cairo

    السيارة: kia carens

    السيارة[2]: honda

    دراجة بخارية: دراجة نارية

    الحالة : esamahmed غير متواجد حالياً

    افتراضي -

    اقتباس المشاركة الأصلية كتبت بواسطة mr_green مشاهدة المشاركة
    دى ناس بتهرج طالما التيل تيلهم و الصيانة بتتعمل فى مواعيدها يبقى الطنابير على حسابهم بلا نقاش

    مبدأيا هاتحاول تتصل بخدمة العملا و تشتكى و تأكد إن صيانتك فى معادها و التيل أصلى و العربية جديده
    جاب نتيجة خير و بركة ماجبش هاتدب مشوار أو رواش و تتخانق و تعلى صوتك لحد أكبر راس تعرف تدخله هناك
    لو مفيش نتيجة قولوهم عايز إفاده رسمية إنكم رافضين تغيير الطنابير فى الضمان لأسبابكم المذكوره

    هاتبعت ميل لكيا و هاتحاول مع حماية المستهلك و عرفهم إنك هاتسيحلهم فى الميديا و حماية المستهلك و ربنا معاك
    اعمل كده ده صح 100%


  8. #8

    الصورة الرمزية Fawzy.Abdelnour

    رقم العضوية : 163093

    تاريخ التسجيل : 25Jul2014

    المشاركات : 522

    النوع : ذكر

    الاقامة : Heliopolis

    السيارة: Lancer 2016

    السيارة[2]: E250 2010

    الحالة : Fawzy.Abdelnour غير متواجد حالياً

    افتراضي -

    المشكله ان فعلا قطع الغيار الاستهلاكيه ضمانها 20.000 كم فقط، و ده في كل العربيات.
    حلك الوحيد انك تبعت للشركه الام و ربنا يسهلك و يغيروها.
    ممكت تشتكي في حقوق المستهلك، بس لو شروط الضمان مكتوب فيها ان القطعه دي ضمانها 20.000 كم يبقي حقوق المستهلك مش هيعرفو يعملولك حاجه.

    Best Regards
    Fawzy Fouad

    mankindforce سابقا


  9. #9

    الصورة الرمزية aymgamal

    رقم العضوية : 54240

    تاريخ التسجيل : 30Nov2009

    المشاركات : 12

    النوع : ذكر

    الاقامة : Cairo-Egypt

    السيارة: Renault clio 2003

    السيارة[2]: Toyota corolla MMT 2009

    الحالة : aymgamal غير متواجد حالياً

    افتراضي -

    اخيرا كلموني من التوكيل بعد اتصالات متعدده للاستفسار عن الشكوى وطلبوا مني اجيب العربيه لتغيير الطنابير الاماميه في الضمان فقولتلهم انتوا كنتوا كاتبين في التقرير طنابير اماميه وخلفيه قالولي هنغير الاماميه بس ونجرب ولو الخلفيه فيها حاجه هنغيرها.
    يا مسهل هروح بكره واشوف هيعملوا ايه معايا


  10. #10

    الصورة الرمزية mr_green

    رقم العضوية : 141768

    تاريخ التسجيل : 26Apr2013

    المشاركات : 531

    النوع : ذكر

    الاقامة : Cairo

    السيارة: NA

    السيارة[2]: NA

    الحالة : mr_green غير متواجد حالياً

    افتراضي -

    hasad">

    مبروك :)



 
صفحة 1 من 2 1 2 الأخيرةالأخيرة

المواضيع المتشابهه

  1. مشكله غريبه ومحتاجه نجم المنتدى يحلها عداد السرعه
    بواسطة الشقنقيرى في المنتدى هـــــــوندا
    مشاركات: 4
    آخر مشاركة: 03-11-2015, 01:05 PM
  2. راى الاعضاء فى جين 2 2014 والتوكيل
    بواسطة khalid tarek في المنتدى بــروتـــون
    مشاركات: 23
    آخر مشاركة: 04-07-2014, 10:43 PM
  3. مشاركات: 13
    آخر مشاركة: 16-01-2011, 04:54 AM
  4. مشكلة فى الميجان ll .. والتوكيل مش عارف يحلها
    بواسطة yasserelsayad في المنتدى ريــــنو
    مشاركات: 17
    آخر مشاركة: 26-09-2010, 03:17 PM
  5. مشكله في لانسر 2002 ؟؟ حد يحلها !!!!!!!!!!!!!!
    بواسطة hborsa في المنتدى ورشـــة نــايل مــــوتـــورز
    مشاركات: 4
    آخر مشاركة: 04-02-2008, 04:09 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2