أرجوا الافادة ضرورى جدا محتار بين الاوبل أسترا 2016 هاى لاين والاسكودا الفئة الثانية a7 2016 مع فغارق السع كمان ومش قادر اميز بين العيوب والمميزات
أرجوا الافادة ضرورى جدا محتار بين الاوبل أسترا 2016 هاى لاين والاسكودا الفئة الثانية a7 2016 مع فغارق السع كمان ومش قادر اميز بين العيوب والمميزات
بسم الله الرحمن الرحيم
أخى الفاضل
1 - إبتعد عن الفيتيس dsg فى أى سيارة كانت حتى ولو كانت ألمانيه
2 - أنا شخصيآ أفضل سكودا و أراها أفضل من أوبل و لكن إن كان الفيتيس dsg إبتعد عنها و بدون تفكير
3 - لم أسمع شكاوى من وكيل سكودا و لكننى سمعت شكاوى من منصور
4 - تأكد من أوكتين الوقود المستخدم فى السيارتين قبل الشراء حتى لا تندم
هداك الله لأرشد أمرك و أقومه
السلام عليكم ورحمة الله و بركاته
الف شكر على ردك المفيد جدا وربنا يكرمك
ولكن 77 مشاهدة ولم يتم افادتى بمميزات وعيوب فنية للسيارتين
سكودا 2016 1600 105 حصان
استرا 2016 1600 115 حصان
حضرتك لازم تتاكد الأول ان الفتيس الخاص ب 2016 dsg و لا لأ.....لان فيه كلام انه رجع فتيس عادى تانى
انا في نفس الحيرة بين نفس العربيتين ..
بس تقريبا استقريت ع الأوكتافيا خصوصا بعد ما رجع الفتيس العادي والماتور العادي (مش تربو ) .. بالأضافه أن الشنطه والكنبه الخلفيه اوسع بكتير ف اولاكتافيا .. لكن الشكل الخارجي وشكل الطابلوه الأسترا تتفوق ف رأيي وهيا أذواق .. آخر حاجه أعادة البيع ف صالح الاوكتافيا
توكيل سكودا اصبح توكيل سئ جدا
و انا كان معايا سكودا رابيد و بعتها بسبب سوء التوكيل
و مشاكل بينه و بين اغلب الملاك مع حماية المستهلك و كذب و تسويف و تعامل مع العملا بسزاجة و قله زوق و اوقات قلة ادب كمان
كل التوكيلات زي الزفت
و علي فكرة الاوكتافيا تقريبا رابيد فرق حجم الشنطة و خمس احصنة زيادة وesp و ماتفتكرش انها سكودا زي زمان
يعني الفانتازيا تديها بالجزمة
انا مش هدفع اكتر من ٢٠٠ الف في عربية تورشن بيم عفشتها زيها زي الفيرنا (مع الاحترام للفيرنا)
الاوبل ١١٥ حصان عفشة مالتي لينك و فيها esp بردوا و ضمان ثلاث سنوات مش اتنين
لو هتشتري عشان شنطة العربية بس هات اوكتافيا لكن لو عايز الباقي هات اوبل
انا بعت الرابيد عشان اجيب كروز بموتور و فتيس الاسترا
انا شخصيا عملت شكوي في ارتوك و كنت بروح التوكيل اكتر ما بروح شغلي و في الاخر بعتها عشان قرفت
الاسترا نزل فيها كماليات زيادة في ٢٠١٦
باركنج سنسور وشاشه تاتش وesp
ابقي أتأكد من التوكيل برده سعرها زياد قد آيه
اعتقد والله اعلم ال هيونداي النترا احسن من الاتنين
انا معايا فانتازيا
هقولك شويه حاجات عارفها ممكن تفيدك
الاسترا من جوه اضيق كتييير من الاسكودا a7
مفيش مقارنه بين ال a7 والرابيد خالص ( يعني الرابيد ده وصمه عار في تاريخ اسكودا من ناحيه الثبات وكذا حاجه تانيه )
الاسترا موتورها عفي عن الاسكودا ... الاسكودا بجيب 160 بسهوله ،، 170 بصعوبه ،، 180 ممكن تتشل علي ما تجيبها ( بيقولوا الشركه قافله العداد علي 180 )
انا اقصى حاجه جبتها بيها 186 وبالشلل ،، لو شديت مع استرا علي الصحراوي مثلا ،، هتوصل لل160 تعلم عليه ،، وبعد كده انساه هو بقي ،، العداد معاه بيكسر ال200 :)
ثبات الفانتازيا تحفه طبعا مش عايزه كلام ( الa7 اخف من الفانتازيا .. معرفش ثباتها ولا ثبات الاسترا الصراحه افضل)
صاج الa7 اخف من الفانتازيا ،، وده خلاني اعتقد ان صاج الاسترا افضل من الa7
تابلوه الa7 تحفه الصراحه .. حسنوه كتير .. ومن جوه الماتيريال محترمه
وكذلك برضه الاسترا نفس الكلام
بس الاسكودا تحس انها افخم كتيييير مع انها من جوه ابسط
التوكيل .. منصور طبعا سمعته سابقاه سئ جدا
اسكودا .. متعاملتش مع ارتوك شخصيا .. لانه بعيد عني جدا جدا ومش منتشر .. فبتعامل مع مراكز صيانه معتمده .. محترمين .. بس شغل السمكره والرش زفت
العيوب بقي .. طبعا لو الاسكودا نزلت التربو ده فتيس dsg .. خلاص القرار اتحسم ومتجبهاش .. لكن لو نفس الموتور بتاعها 1600 قشطه
ال a7 بيقولوا في مشكله صوت كده بيطلع من الموتور منتشر مع الa7 .. بتروح التوكيل بيصلحه في ربع ساعه تبع الضمان .. معرفش عنه تفاصيل اكتز من كده ،، غير ان واحد ادامي جه بصوت غريب والراجل قالي ده منتشر مع كذا عربيه .. بس مش معضله
الاسترا بتجيب صوت رجه بسيطه في الاول .. انا معرفش حاجه عنه بس هتلاقيه في المنتدي هنا في قسم الاوبل .. ومشكله في الطنابير تقريبا .. حاجه كده .. دور عليها في قسم الاوبل هنا
اه صحيح .. الاسكودا حراقه بنزين ( اللي معايا علي الاقل ) بس 92 ومبتشتكيش :)
ده اللي اعرفه ياريت ابقي فيدتك في حاجه
اراء شخصيه
من ساعه ما الa7 غلت 30 الف وانا الصراحه مقفول منها وشايف انها ما تستاهلش
انا لو مكانك حجيب فورد فيوشن وهم ومش محتاجه وصف لو تقدر تزود شويه في السعر
ولو لا هجيب فورد فوكس 2016 موتور تيربو 1500 .. تقريبا 150 حصان .. حاجه تحفه .. توكيله اوتوجميل بيثبت نفسه بطريقه كبيره ومعاملته محترمه جدا .. ثبات وعزل احسن ميت مره من الاسكودا والاسترا .. بس اضيق من الاسكودا .. استهلاك بنزين 92 ومش كتير
.. مشكلتها انك هتحجزها وتستلمها بعد فتره كبيره .. وطبعا اعاده البيع زي الزفت :)
قطع غيارها نفس سعر الفانتازيا اللي معايا .. بس مش متوفره بره التوكيل اد كده يعني
أتقدم لكل الأعضاء المشاركيل بالمشاركة بجزيل الشكر للمعلومات الميدة جدا جدا وانكم جميعا ناس محترمه جدا جدا والحمد لله قفلت من الاتنين وهشوف حاجة تانى
معاك حق فى كل كلمة لان انا كان معايا a5 2007 ومش مقتنع يسعر الاسكودا اصلا الف شكر ليك جدا جدا