المشاركة الأصلية كتبت بواسطة Hosam_Optrawy
المشكله ان الفيرنا النهارده وصلت 108 - 109 الف !!!
الفيرنا سعرها مبالغ بسبب قلة الانتاج و استمرارية الطلب
فماعتقدش الالنترا HD تنزل ب 110 - 120 ، كدا بقت تقريبا بتمن الفيرنا والجراند
i10
هى شكلها حتحل محل الفيرنا كمبيعات و ممكن جدا تبتدى باقل من 100
وفى نفس الوقت الوقت ماينفعش تبقى ب 140 الف او اكتر ، لان من شهور قليله قبل زيادة الدولار كانت الالنترا MD بتبدأ من 150 الف بعد الجمارك ، وعربيه موديل السنه و 100 % كورى ، فمش منطق يبيع الموديل الأقدم وتقفيل محلى ب 140
فعلا ما ينفعش يبيع التقفيل المحلى المدعم بخصومات على الجمارك بنفس سعر الكوري
و غير كدا مش حيبيع الشكل و التكنولوجي القديم بنفس سعر احدث تصميم و تكنولوجي
لو عايز ينافس لازم ينزل الالنترا HD بسعر مايزدش عن 130 الف ، كدا بقت أرخص من المنافس المباشر وهى السنترا وهاتنافسها بقوة ، وبقت أرخص من عربيات تانيه كتير تقفيل بره زى الشارك والتوليدو وال 301 والأكسنت والريو والياريس
و انا شايف انه لازم يكون فيه فءات مانيوال بتلعب فى التسعينات علشان يبيع للتاكسي